Օգոստոսը մոտենում է ավարտին, բայց ամառը ոչ մի կերպ չի նահանջում, առաջիկա 5 օրերին Հայաստանի ամբողջ տարածքում տեղումներ չեն նախատեսվում, ջերմաստիճանի անկում չի լինի։ Այս մասին հայտնում է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Ավելին՝ օգոստոսի 30-ից սեպտեմբերի 1-ն ընկած ժամանակահատվածում կլինի ջերմաստիճանի որոշակի բարձրացում։ Եթե մինչև օգոստոսի 29-ը Արմավիրի, Արագածոտնի, Կոտայքի նախալեռներում և Երևանում երեկոյան ժամերին կունենանք լեռնահովտային քամիներ, ապա օգոստոսի 30-ից դրանք նույնպես կդադարեն»,– նշել է Սուրենյանը։

Սուրենյանի խոսքով՝ հանրապետության ամբողջ տարածքում բարձր է մնում հրդեհավտանգ իրավիճակը։