Իլոն Մասկը, Բիլ Գեյթսը, Բիլ Քլինթոնը և արքայազն Էնդրյուն Էպշտեյնի գործի վերաբերող փաստաթղթերում դերակատարներ են: Էպշտեյնի օգնական Մաքսվելը այս մասին հայտնել է ԱՄՆ գլխավոր դատախազի տեղակալ Բլանշին, ըստ 168.am-ի՝ գրում է The Daily Mail-ը։
Նրանց տեղեկությունների համաձայն՝ այս ցուցակում ներառված է մոտ 100 գործարար և քաղաքական գործիչ։
Հիշեցնենք, ԱՄՆ նախագահ Դոնալդ Թրամփը գլխավոր դատախազ Փեմ Բոնդիին հանձնարարել էր գաղտնազերծել ամերիկացի ֆինանսիստ Ջեֆրի Էպշտեյնի գործի որոշ նյութեր, որը մեղադրվում է անչափահասների սեռական շահագործման մեջ։
«Ջեֆրի Էպշտեյնին տրվող անհեթեթ ուշադրության պատճառով ես խնդրել եմ գլխավոր դատախազ Փեմ Բոնդիին հրապարակել մեծ ժյուրիի բոլոր համապատասխան ցուցմունքները՝ դատարանի հաստատման պայմանով։ Դեմոկրատների կողմից ղեկավարվող այս խարդախությունը պետք է դադարեցվի հիմա», – գրել էր նա իր «Truth Social» սոցիալական ցանցում։
Բոնդին պատասխանել էր նրան X-ում. «Նախագահ Թրամփ, մենք պատրաստ ենք վաղը դատարանի առջև հրապարակել մեծ ժյուրիի գաղտնազերծված արձանագրությունները»։
Սպիտակ տան ղեկավարի կոչը հնչել էր այն բանից հետո, երբ «The Wall Street Journal» (WSJ)-ը հրապարակել էր Էպշտեյնի 50-ամյակին նվիրված «անպարկեշտ» մի բացիկ, որի հեղինակ թերթը նշել էր Թրամփին։ Վերջինս հերքել է այս տեղեկատվությունը և խոստացել էր շուտով դատի տալ WSJ-ին և դրա սեփականատեր Ռուպերտ Մերդոկին։
Ամերիկացի ներդրումային բանկիր Ջեֆրի Էպշտեյնի (1953-2019) գործը մեծ իրարանցում է առաջացրել։ 2008թ. նա մեղավոր էր ճանաչվել մարմնավաճառությամբ զբաղվելու համար և դատապարտվել անչափահասի բռնաբարության համար, իսկ 2019թ. կրկին ձերբակալվել էր մարդկանց առևտրի և նրանց մարմնավաճառության մեջ ներգրավելու համար և ինքնասպան էր եղել՝ առանց դատարանի որոշմանը սպասելու։ Էպշտեյնը համարվել է անչափահաս աղջիկներին մարմնավաճառության և սեռական շահագործման մեջ ներգրավելու ցանցի ստեղծող։ Ավելին, նա ինքն է բռնաբարել նրանցից մի քանիսին կամ վաճառել հարուստ հաճախորդներին։
Էպշտեյնի գործերը նրա քրեական գործի նյութերն են՝ հազարավոր փաստաթղթեր վկաների ցուցմունքներից, հասցեների գրքերից, վկայականներից, հաշիվ-ապրանքագրերից, վկաների հարցաքննությունների արձանագրություններից, ոստիկանության զեկույցներից և էլեկտրոնային նամակներից։ Մասնավորապես, այն պարունակում է տեղեկատվություն ֆինանսիստի ծանոթների շրջանակի մասին, որի թվում էին բազմաթիվ հայտնիներ, քաղաքական գործիչներ և գործարարներ, այդ թվում՝ Թրամփը։ 2002 թվականին վերջինս ասել էր, որ Էպշտեյնին ճանաչել է ավելի քան 15 տարի, բայց 2 տարի անց նրանք վիճաբանել են, ենթադրաբար՝ Պալմ Բիչում անշարժ գույքի գործարքի պատճառով։
