«Հըզբոլլահի» բարձրաստիճան ղեկավար Ալի Քարաքին, հավանաբար, սպանվել է Լիբանանում՝ այսօր՝ սեպտեմբերի 23-ին իսրայելական հարվածնբերից, 24news-ի փոխանցմամբ՝ հաղորդում է The Times of Israel-ը:
ԶԼՄ-ները հայտնում են` Իսրայելի ռազմաօդային ուժերը Հարավային Լիբանանում «Հըզբոլլահի» արդեն ավելի քան 800 թիրախներ են գրոհել։ «Հըզբոլլահն» էլ Իսրայելի ուղղությամբ մոտ 200 հրթիռ է արձակել։
ՑԱԽԱԼ-ը ավելի վաղ հայտարարել է՝ Իսրայելը կենտրոնացած է միայն Հարավային Լիբանանի ուղղությամբ ավիահարվածների վրա և ցամաքային ներխուժում չի նախատեսում: Իսրայելի կառավարությունը երկրի ողջ տարածքում մեկ շաբաթ ժամկետով հատուկ դրություն է հայտարարել։
Վերջին 10 րոպեների ընթացքում Հըզբոլլահը 4 փուլով հարվածներ է հասցրել Հայֆայի հարավում և արևելքում, ինչպես նաև Թել Ավիվի արևելքում և Բեն Գուրիոն օդանավակայանի մերձակայքում գտնվող բազմաթիվ վայրերին։ Այս մասին հայտնում է իրանական ParsToday-ը։
Նաև հրթիռների տարափ է տեղում Արևմտյան ափի հյուսիսում գտնվող Էմանուել արդյունաբերական գոտու վրա:
Սա տեղի է ունենում այն ժամանակ, երբ իսրայելական կողմը պնդում է, թե ոչնչացրել է Հըզբոլլահի հրթիռային հզորությունները:
Թեև iPhone 16-ը թողարկվել է վերջերս, համացանցում արդեն ի հայտ են գալիս iPhone 17-ի մասին մանրամասներ։ Հատկապես ուշադրություն է դարձվում այն հանգամանքի վրա, որ iPhone 17 Air-ը չափազանց բարակ կլինի։ Ըստ վերլուծաբան Ռոս Յանգի՝ այն կունենա արմատապես բարակ դիզայն, տեսախցիկի նորացված համակարգ և ուլտրա-պրեմիում գինը, տեղեկացնում է 9to5Mac-ը։
Այնուամենայնիվ, 2025 թվականը խոստանում է կարևոր տարի լինել iPhone 17-ի այլ մոդելների համար ևս։ Ռոս Յանգը նշել է, որ թե՛ Pro, թե՛ բազային մոդելները զգալիորեն կբարելավվեն։ Մասնավորապես, բազային մակարդակի iPhone 17-ը և iPhone 17 Air-ը կունենան LTPO էկրան՝ 120 Հց թարմացման արագությամբ: Իր հերթին iPhone 17 Pro-ն և Pro Max-ը կստանան երկար սպասված Face ID ենթաէկրանի մոդուլը։
Յանգի խոսքով՝ Apple-ը նախատեսում է էկրանի տակ տեղափոխել iPhone-ի TrueDepth տեսախցիկը և Face ID-ի տարբեր սենսորներ, ինչը հնարավորություն կտա ազատվել էկրանի՝ հաբի տեսքով ներկայիս կտրվածքից և այն կփոխարինվի շրջանաձև փոքր անցքով։ Սա կարող է նաև հանգեցնել նոր 17 Pro մոդելներում Dynamic Island գործառույթի վերամշակման կամ փոփոխության:
iPhone 16 Pro-ն ներկայացվել է 2024-ի սեպտեմբերի 9-ին Apple Watch Series 10-ի և AirPods 4-ի հետ միասին: Նոր արտադրանքի վաճառքը սկսվել է այս շաբաթ:
Մենք սպառնալիքի չենք սպասում, մենք կանխարգելիչ գործողություններ ենք անում, և սա դեռ ամենը չէ, սա դեռ սկիզբն է։ Այս մասին հայտարարել է Իսրայելի վարչապետ Բենիամին Նեթանյահուն։
«Ես խոստացել եմ, որ մենք կփոխենք անվտանգության հավասարակշռությունը, ուժերի հավասարակշռությունը երկրի հյուսիսում, և դա հենց այն է, ինչ մենք անում ենք։ Մեզ դժվար օրեր են սպասվում»,- նշեց նա։
Ըստ Today in Israel-ի, այս ֆոնին իսրայելական բանակը հարվածներ է հասցրել Բեյրութին, ինչի արդյունքում, ըստ տեղեկությունների, ոչնչացվել է «Հեզբոլլահի» հարավային ճակատի հրամանատարներից Ալի Քարքին։
ԱՄՆ-ն ավելի շատ զորքեր է ուղարկում Մերձավոր Արևելք, քանի որ Իսրայելի և «Հեզբոլլահի» միջև աճող հակամարտությունը մեծացնում է ավելի լայն տարածաշրջանային պատերազմի վտանգը, հայտարարել է Պենտագոնը:
ԱՄՆ պաշտպանության նախարարությունը մանրամասներ չի հայտնել, թե քանի լրացուցիչ ուժ է ուղարկվում կամ ինչ առաջադրանքներ են նրանց հանձնարարվելու։
Այս պահին տարածաշրջանում մոտ 40 հազար ամերիկացի զինվորական կա, հաղորդում է ABC News-ը։
ԼՂ-ից բռնի տեղահանված անձանց ՀՀ քաղաքացիություն ստանալու վերաբերյալ դիմումների ընդունումը ներառվում է շրջիկ ծառայությունում։
Աշխատանքներն արդյունավետ կազմակերպելու, սպասարկումը քաղաքացիների համար առավել հասանելի դարձնելու նպատակով ՄՔԾ տարածքային բաժիններում մատուցվում են շրջիկ ծառայություններ։ Այդ մասին հայտնում են ՆԳՆ-ից։
«Լեռնային Ղարաբաղից բռնի տեղահանված անձանց ՀՀ քաղաքացիություն ստանալու վերաբերյալ դիմումների ընդունումը նույնպես ներառվում է շրջիկ ծառայությունում:
Օգոստոսի 19-ից 26-ը շրջիկ ծառայություն է մատուցվել Արմավիրի մարզի Սարդարապատ, Խոյ, Արաքս, Մեծամոր, Փարաքար և Էջմիածին համայնքներում։
Շրջիկ խումբը կշարունակի ծառայություններ մատուցել Կոտայքի մարզում.
Չարենցավան քաղաքում՝ սեպտեմբերի 24-ին, ժամը 10․00-16․00,
Չարենցավան համայնքի գյուղական բնակավայրերում՝ սեպտեմբերի 25-ին.
Բջնիում՝ ժամը 9․30-12․00,
Արզականում՝ ժամը 13․00-14․00,
Ալափարսում՝ ժամը 14․30-15․30,
Ֆանտանում՝ ժամը 16․00-17․00,
Կարենիսում՝ ժամը 17․30-18․30,
Բյուրեղավան քաղաքում՝ սեպտեմբերի 26-ին, ժամը 10․00-16․00 ,
Եղվարդ քաղաքում՝ սեպտեմբերի 27-ին, ժամը 10․00-16․00»,- ասվում է հաղորդագրությունում։
Տավուշեցի լրագրող Ոսկան Սարգսյանը ահազանգում է․
«2021 թվականի սեպտեմբերից, արդեն 3 տարի Իջևան համայնքի Գանձաքար գյուղի միջնակարգ դպրոցի 465 աշակերտները դասեր են անում գյուղի մշակույթի տանը և փոստային բաժանմունքի շենքի 2-րդ հարկում՝ մասնավոր անձին պատկանող տարածքում, հարմարեցված դասասենյակներում։ Դպրոցի նախկին շենքը 4-րդ կարգի վթարային էր։ Փոստային բաժանմունքի շենքի 2-րդ հարկի տարածքի համար Գանձաքարի դպրոցը մասնավոր անձին ամեն ամիս վճարում է 150 հազար դրամ։Գանձաքարի դպրոցի շենքի շինարարության համար «Հայաստան» համահայկական հիմնադրամը և Ասիական բանկը հատկացրել են ընդհանուր առմամբ 1 միլիարդ 882 միլիոն դրամ, շինարարությունն իրականացնում է «Բիդեք» ընկերությունը։ Գանձաքարի դպրոցի տնօրեն Անուշ Մեհրաբյանից տեղեկացա, որ դպրոցի շենքը պետք է շահագործման հանձնվեր դեռ 2023թվականի ամռանը, սակայն շինարարության ավարտի ժամկետը հետաձգվել է մինչև 2024թվականի հունիս։ 2024-2025 ուսումնական տարին մեկնարկել է,սակայն դպրոցի նոր շենքը պատրաստ չէ։
Տավուշի մարզում դպրոցաշինության ծրագիրը ձախողվել է։ Սահմանամերձ Դովեղ գյուղի դպրոցի շենքի շինարարություն իրականացնող «Կանժիլստրոյ» ընկիերությունը ձախողել է դպրոցի շենքի կառուցման գործը, դպրոցի նոր շենքը պետք է շահագործման հանձնվեր 2024-ի հունիսին, կառավարությունը ստիպված խզել է այդ ընկերության հետ պայմանագիրը, Կիրանցի դպրոցի նոր շենքը հայտնվել է նոր ձևավորված սահմանից մոտ 40 մետր հեռավորությամբ, իսկ Գանձաքարի դպրոցի շինարարության ժամկետը երկու անգամ խախտվել է։
Տավուշի մարզպետ, Նիկոլ Փաշինյանի հարսանիքի քավոր Հայկ Ղալումյանը մարզպետարանում պարբերաբար խորհրդակցություններ է անցկացնում, որոնցում քննարկում է մարզում իրականացվող պետական ծրագրերի ընթացքը։ Մարզպետն ինչպե՞ս է քննարկում, վերահսկում այդ ծրագրերի ընթացքը, եթե Տավուշում դպրոցաշինության ծրագիրը ձախողվել է»։
Իսրայելն ընդլայնում է հարվածները Լիբանանի ողջ տարածքում: Այդ մասին հայտարարել է Իսրայելի պաշտպանության նախարար Յոավ Գալանտը` X-ի իր միկրոբլոգում: Նա նշել է, որ հարվածները, այդ թվում, հասցվելու են հրթիռներով պահեստներին և հրամանատարական կազմին։
Փորձագետները նշում են, որ Իսրայելը պատրաստվում է Լիբանանում ցամաքային գործողության:
Լիբանանի հարավում գտնվող սահմանամերձ բնակավայրերի բնակիչներն էլ Իսրայելի ավիացիայի զանգվածային ռմբակոծությունների պատճառով իրենց հերթին չեն կարողանում տարհանվել անվտանգ շրջաններ։ Այդ մասին հայտնում է Риа Новости-ն՝ վկայակոչելով Իսրայելի հետ սահմանից 10 կմ հեռավորության վրա գտնվող Մաժդալ Սելոմ բնակավայրի բնակիչներին։
Տեղի բնակիչներից մեկի խոսքով՝ իսրայելական բանակը հարվածներ է հասցնում ճանապարհներին և տներին, դրանք առավոտից չեն դադարում: Գործակալության զրուցակիցը հայտնել է, որ գյուղից հնարավոր չէ դուրս գալ։ Նա ընդգծել է, որ նման իրավիճակ է նկատվում նաև շրջակա այլ բնակավայրերում։
Ռուսաստանում այլևս դադարել են զարմանալ Հայաստանի պետական մարմիններից հնչող հայտարարությունների վրա և սպասում են, թե այս ամենն ինչով կավարտվի։
Այս մասին 24News-ի «Հետագիծ Նարեկ Գալստյանի հետ» հաղորդման ժամանակ նշել է «Վերելք» տեղեկատվական-վերլուծական կենտրոնի քաղաքական մեկնաբան Հայկ Խալաթյանը՝ մեկնաբանելով ՔԿ-ի տարածած հաղորդագրությունն առ այն, որ Հայաստանում ձերբակալվել են ՌԴ-ում հատուկ պատրաստվածություն անցած զինյալներ, որոնք պետք է մեր երկրում ռազմական հեղաշրջում իրականացնեին։
«Արդեն վերջերս ռուսները ոչ մի բանի վրա չեն զարմանում, շատերը մտածում են, որ հայ-ռուսական հարաբերությունները հոգեվարքի մեջ են, պետք է սպասել, թե ինչով է այս ամենն ավարտվելու», - նկատել է նա։
Մանրամասները՝ տեսանյութում։
Փաշինյանը անկախության հետ կապ չունի, որքան կարողանում՝ վնասում է մեր ազգային արժանապատվությանը, դիվանագիտությանը, ուզում է մեզ արմատից կտրել։ Այնպիսի թալան, որ Փաշինյանն է այսօր անում, ոչ մի թշնամի չէր անի, ժողովրդին թալանում է, որ իր պնակալեզներին պարգևավճար տա։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱԻՄ առաջնորդ Պարույր Հայրիկանը։
«Փաշինյանը, տեսնելով, որ կառավարումը ձախողել է, շոուներ է անում, մի քանի իդիոտներ էլ հավատում են՝ իբր թե կոռուպցիան հետ է բերում։ Հին հռոմեական կայսրերն էլ, երբ ուզում էին մարդկանց գրավել, գլադիատորական կռիվներ էին պատրաստում։ Բայց նա ողորմելի միջակություն է, վաղը բանտում է հայտնվելու՝ «սահմանադրական բարեփոխումների», հայ ժողովրդից 400 մլն դրամ գողանալու և քամուն տալու համար»,- ընդգծեց Հայրիկյանը։
Հերմինե Միքայելյան
Մանրամասները՝ տեսանյութում:
