Մի քանի օրից կմտնենք իմպիչմենտի կիրառական փուլ, հանրությանը կմոբլիզացնենք. Մալյան. Տեսանյութ
Ստամբուլում Ուկրաինայի և Ռուսաստանի պատվիրակությունների միջև տեխնիկական բանակցությունների երկրորդ փուլից հետո Թուրքիան հույս ունի հյուրընկալել Ռուսաստանի, Ուկրաինայի և Միացյալ Նահանգների նախագահներին, հայտարարել է Թուրքիայի արտգործնախարար Հաքան Ֆիդանը։
«Մենք անկեղծորեն կարծում ենք, որ Ստամբուլում ուղիղ բանակցությունների առաջին և երկրորդ փուլերին կարող է հաջորդել Թրամփի, Պուտինի և Զելենսկու հանդիպումը [Թուրքիայի նախագահ] Էրդողանի գլխավորությամբ», - ասել է դիվանագետը (մեջբերում է AFP-ն)։
Ֆիդանը ներկայումս այցով գտնվում է Կիևում, որտեղ նա պլանավորել է հանդիպում Վլադիմիր Զելենսկու հետ։ Դրանից կարճ ժամանակ առաջ թուրք դիվանագետը այցելել է Մոսկվա։
Ֆիդանի խոսքով՝ Ուկրաինայի ՆԱՏՕ-ին հնարավոր անդամակցության հարցը չի բարձրացվել, երբ նա Մոսկվայում էր։
Ուկրաինան դեռևս պաշտոնապես չի հաստատել իր մասնակցությունը բանակցությունների երկրորդ փուլին, որը Ռուսաստանը առաջարկել է անցկացնել հունիսի 2-ին։
Ուկրաինայի արտգործնախարար Անդրեյ Սիբիգան հայտարարել է, որ Կիևը դեռևս սպասում է Մոսկվայից խաղաղ կարգավորման վերաբերյալ հուշագրի։
Միևնույն ժամանակ, Ուկրաինայի նախագահի գրասենյակի ղեկավար Անդրեյ Երմակը հայտարարել է, որ Կիևը պատրաստ է մասնակցել բանակցությունների նոր փուլին։
Կուսակրոնության ուխտը խախտած բոլոր հոգևորականները պետք է հեռանան հոգևոր ծառայությունից, հայտարարել է վարչապետ Նիկոլ Փաշինյանը։
«Որևէ մեկի անձնական կյանքը որևէ մեկի գործը չէ։
Բայց ժողովուրդը իրավունք ունի ունենալ Եկեղեցի, հոգևոր ու բարոյական արժեքներ»,- նշել է նա։
Մայիսի 30-ին՝ ժամը 12:12-ին, ՆԳՆ ոստիկանության օպերատիվ կառավարման կենտրոն Հերացի թիվ 1 համալսարանական հիվանդանոցից հաղորդում է ստացվել, որ Երևանի Հակոբ Պարոնյան փողոցում ծեծի ենթարկվելու հետևանքով բուժօգնության են տեղափոխվել շտապօգնության աշխատակիցներ, նախնական տվյալներով' չորս անձ։ Այս մասին հայտնում են ՆԳՆ-ից:
Բոլորի առողջական վիճակը բավարար։ Դեպքի հանգամանքները պարզելու ուղղությամբ ձեռնարկվում են անհրաժեշտ միջոցառումներ։ Կտրվի հավելյալ տեղեկատվություն։
ԱՄՆ Սենատը լսումներ կանցկացնի՝ պարզելու, թե ով է իրականում ղեկավարել երկիրը նախկին նախագահ Ջո Բայդենի առողջական վիճակի վատթարացման ժամանակ՝ 2021 թվականի հունվարի 20-ից մինչև 2025 թվականի հունվարի 20-ը։ Այս մասին հայտնել է սենատոր Էրիկ Շմիթը, հայտնում է իր պաշտոնական կայքը։
Նշվում է, որ Սենատի դատական հանձնաժողովում լսումները կհամախագահեն Շմիթը և սենատոր Ջոն Քորնինը։
Լսումները տեղի կունենան հունիսի 18-ին։
Շտապօգնության բժիշկները կրկին բռնության են ենթարկվել։ Ֆեյսբուքյան իր էջում այս մասին հայտնում է Երևանի քաղաքապետի մամուլի խոսնակ Հայկ Կոստանյանը։
Նրա խոսքով՝ բժիշկներն ու վարորդը բռնության են ենթարկվել են մի խումբ անձանց կողմից Պարոնյան և Լեո փողոցների հատման հատվածում։
«Երևանի քաղաքապետարանը խստորեն դատապարտում է բուժաշխատողների և առողջապահական ծառայության աշխատակիցների նկատմամբ ցանկացած տեսակի բռնություն»,- գրել է Կոստանյանը։
Նշենք, որ վերջին շրջանում մի քանի դեպքեր են գրանցվել, երբ բուժառուն կամ հարազատները հարձակվում են բժշկի վրա, եղել են նաև ծեծի, վնասվածքներ հասցնելու դեպքեր։
Երեկ հայտնի դարձավ, որ «Մուրացան» մանկական հիվանդանոցում 1 տարեկան 7 ամսական երեխայի մահից հետո փոքրիկի տատիկը հարձակվել է բժշկուհու վրա։
«Առավոտ» օրաթերթի գլխավոր խմբագիր, հրապարակախոս Արամ Աբրահամյանը գրում է. «Սա հակաեկեղիցական քարոզչություն չէ, սա կապը կտրած խուլիգանի վարք է:
Երբեք մտքովս չէր անցնի, որ կապրեմ մի երկրում, որտեղ առաջին դեմքն ընդդիմախոսներին պատասխանում է անձնական բանսարկություններով եւ փողոցային բառապաշարով»:
ԱՄՆ ֆինանսների նախարար Սքոթ Բեսենթն ասել է, որ ԱՄՆ-Չինաստան առևտրային մաքսատուրքերի շուրջ բանակցությունները փակուղի են մտել, ինչը կարող է պահանջել հեռախոսազրույց նախագահ Դոնալդ Թրամփի և Չինաստանի ղեկավար Սի Ծինփինի միջև: Այս մասին Բեսենթը հայտարարել է Fox News հեռուստաալիքին տված հարցազրույցում։
«Կարծում եմ, որ առաջիկա մի քանի շաբաթվա ընթացքում մենք ավելի շատ բանակցություններ կունենանք նրանց հետ, և ես կարծում եմ, որ ինչ-որ պահի կարող է հեռախոսազրույց լինել նախագահի և նախագահ Սիի միջև»,- ասել է նա:
Մայիսի 11-ին Ժնևում ավարտվեցլ են ԱՄՆ-ի և Չինաստանի միջև երկօրյա առևտրային բանակցությունները։ Բանակցություններից հետո կողմերը հայտարարել են «զգալի առաջընթացի» և առևտրային դեֆիցիտի կրճատման պայմանավորվածության մասին։
Ապրիլի սկզբին Միացյալ Նահանգները բոլոր չինական ապրանքների մաքսատուրքերը բարձրացրել է մինչև 145%: Չինաստանը պատասխանել է՝ 125% մաքսատուրքեր սահմանելով ամերիկյան ապրանքների վրա։
Երևանում Միացյալ Նահանգների դեսպանատունն անցել է ներգաղթային և ոչ ներգաղթային դիմումների համար հարցազրույցի նշանակման և փաստաթղթերի հարցումների նոր առցանց համակարգի: Այս մասին հայտնում են ԱՄՆ դեսպանատնից:
«Մեր նոր համակարգը գործարկվել է այսօր, և դուք կարող եք օգտագործել այն՝
հարցազրույցի օր և ժամ ամրագրելու,
փաստաթղթեր ներկայացնելու,
հարցազրույցին չներկայանալու մասին (no show) հայտ ներկայացնելու,
ավելի վաղ հարցազրույցի օր ամրագրելու համար»,- նշված է հաղորդագրության մեջ:
Պետական եկամուտների կոմիտեն արտաքին տնտեսական գործունեության մասնակիցներին տեղեկացնում է, որ մաքսային բարեփոխումների շրջանակում, Հայաստանի Հանրապետությունից արտահանվող (այդ թվում` դեպի Եվրասիական տնտեսական միության անդամ երկրներ) ապրանքների մաքսային սպասարկումը երկրի ներսում 2025 թվականի հունիսի 1-ից կիրականացնի շուրջօրյա` առանց հանգստյան օրերի (24/7) ռեժիմով։
Ի՞նչ հնարավորություն կտա բարեփոխումը ԱՏԳ մասնակիցներին
Բարեփոխման արդյունքում 2025 թվականի հունիսի 1-ից Հայաստանի Հանրապետությունից արտահանվող (այդ թվում` դեպի ԵԱՏՄ անդամ երկրներ) ապրանքների մաքսային հայտարարագրերը մաքսային մարմնի կողմից երկրի ներսում կընդունվեն, կսպասարկվեն և ապրանքները բաց կթողնվեն շուրջօրյա՝ ցանկացած օր և ցանկացած ժամի։ Գործառույթը կիրականացվի մաքսային մարմնում հատուկ այդ նպատակով առանձնացված աշխատակիցների կողմից։
Հիշեցնենք, որ մինչ այս բարեփոխումը` երկրի ներսում արտահանման գործընթացը սպասարկվում էր միայն աշխատանքային օրերին և միայն աշխատանքային ժամերին, իսկ ոչ աշխատանքային օրերին և ժամերին` արտահանման ձևակերպումները կարող էին իրականացվել միայն պետական սահմանի անցման կետերում, ինչն իր հերթին անցման կետերում հանգեցնում էր լրացուցիչ ծանրաբեռնվածության և հերթերի:
Ի՞նչ առանձնահատկությունների մասին պետք է տեղյակ լինել գործիքակազմից օգտվելու համար
Հաշվի առնելով, որ Հայաստանի Հանրապետությունից արտահանման մաքսային ձևակերպումները հիմնականում իրականացվում են Երևանում և Վանաձորում տեղակայաված մաքսային մարմիններում, ինչպես նաև պետական սահմանի «Բագրատաշեն» անցման կետում, ուստի, արտահանվող ապրանքների շուրջօրյա ռեժիմով մաքսային սպասարկումն իրականացվելու է Երևանում և Վանաձորում, ինչպես նաև «Բագրատաշեն» անցման կետի մոտակայաքում գտնվող Տավուշի մարզի Այրումում տեղակայված «Դամուար գրուպ» ՍՊԸ ժամանակավոր պահպանման պահեստում։
Աշխատանքների արդյունավետ կազմակերպման նպատակով անհրաժեշտ է ուշադրություն դարձնել հետևյալ երկու կետերին.
- Երևան քաղաքում աշխատանքային ժամերից (երկուշաբթիից-ուրբաթ, 09։00-18։00) դուրս, ինչպես նաև հանգստյան օրերին, ապրանքների բացթողումն առայժմ իրականացվելու է միայն հետևյալ ժամանակավոր պահպանման պահեստներից․
- «Ուրբան լոջիստիք սերվիսիս տերմինալ» ՓԲԸ-ի ժամանակավոր պահպանման պահեստ (հասցե՝ ք. Երևան, Արարատյան 62/23, ծածկագիր՝ MHT00036),
- «Վալենիսա» ՀՁ ՍՊԸ-ի ժամանակավոր պահպանման պահեստ (հասցե՝ ք. Երևան, Շիրակի 43, ծածկագիր՝ MHT00007):
- Լոռու և Տավուշի մարզերում աշխատանքային ժամերից (երկուշաբթիից-ուրբաթ, 09։00-18։00) դուրս, ինչպես նաև հանգստյան օրերին արտահանվող ապրանքների ապրանքների բացթողումն իրականացվելու է․
- Վանաձորում տեղակայված մաքսային սպասարկման սրահից (հասցե՝ ք. Վանաձոր, Մոսկովյան 44, ծածկագիր՝ 05100030),
- Այրումում տեղակայված «Դամուար գրուպ» ՍՊԸ ժամանակավոր պահպանման պահեստից (հասցե՝ Տավուշի մարզ, ք. Այրում, գործարարների 10, ծածկագիր՝ MHT00018)։
Ի՞նչ է անհրաժեշտ իրականացնել արտահանվող ապրանքների մաքսային սպասարկումը շուրջօրյա (24/7) ռեժիմով կազմակերպելու համար
- Հայտարարատուի կողմից աշխատանքային ժամերից (երկուշաբթիից-ուրբաթ, 09։00-18։00) դուրս, ինչպես նաև հանգստյան օրերին Հայաստանի Հանրապետությունից արտահանվող ապրանքների համար մաքսային հայտարարագրի և տարանցիկ հայտարարագրի (ТТ ТС) ապրանքների գտնվելու վայրի վերաբերյալ դաշտում նշել համապատասխանաբար․
- «Ուրբան լոջիստիք սերվիսիս տերմինալ» ՓԲԸ-ի ժամանակավոր պահպանման պահեստ (ծածկագիր՝ MHT00036),
- «Վալենիսա» ՀՁ ՍՊԸ-ի ժամանակավոր պահպանման պահեստ (ծածկագիր՝ MHT00007),
- ք․Վանաձորում տեղակայված մաքսային հսկողության գոտի (ծածկագիր՝ 05100030),
- ք. Այրումում տեղակայված «Դամուար գրուպ» ՍՊԸ ժամանակավոր պահպանման պահեստ (հասցե՝ Տավուշի մարզ, ք. Այրում, գործարարների 10 (ծածկագիր՝ MHT00018))։
- Նախքան հայտարարագրի գրանցումն իրականացնելը՝ մաքսային բոլոր վճարների (պետական տուրքի) վճարումը և «90009» դասակարգչի ներքո կցել վճարումը հիմնավորող փաստաթղթերը, ինչը հնարավորություն կտա առավել արդյունավետ կազմակերպել գործունեությունը` կարճ ժամանակում ավարտելով մաքսային գործին առչվող գործընթացները։
Պետական սահմանի անցման կետերում Հայաստանի Հանրապետությունից ելքի ուղղությամբ ծանրաբեռնվածությունը թեթևացնելու և հերթերի առաջացումը նվազեցնելու նպատակով` Կոմիտեն հորդորում է արտահանմամբ զբաղվող տնտեսվարող սուբյեկտներին արտահանումների ձևակերպումները հնարավորինս իրականացնել երկրի ներսում:
Ֆոտո
