Վենեսուելայի Գերագույն դատարանի որոշմամբ` արգելանք է դրվել երկրի ընդդիմության առաջնորդ Խուան Գուաիդոյի բանկային հաշիվների վրա, հաղորդում է РИА Новости գործակալությունը:
Աղբյուրի փոխանցմամբ` դատարանը նաև Գուաիդոյի գույքի և սեփականության օտարման արգելք է սահմանել:
Բացի այդ, նրան արգելվել է, մինչև հետաքննության ավարտը, դուրս գալ երկրի սահմաններից:
Հիշեցնենք, որ հունվարի 29-ին Վենեսուելայի դատախազությունը հետաքննություն էր սկսել ընդդիմության առաջնորդ Խուան Գուաիդոյի նկատմամբ: Երկրի գլխավոր դատախազ Տարեկ Վիլյամ Սաաբը Գերագույն դատարանի նախագահին էր փոխանցել քաղաքացի Խուան Գուաիդոյի դեմ սկսված քննությանն առնչվող թղթերը:
0Comments