Թուրքիայի նախագահ Ռեջեփ Թայիփ Էրդողանը ուրբաթ ասել է, որ Ուկրաինան և Ռուսաստանը կարծես թե «ըմբռնման» են հասել բանակցությունների ընթացքում քննարկված վեց անհամաձայնության թեմաներից չորսի շուրջ, գրում է CNN-ը։
«Ռուսաստանի և Ուկրաինայի միջև բանակցությունների վեց թեմա կա, նրանց միջև կարծես թե փոխըմբռնում կա չորս թեմաների շուրջ: Սկզբում Ուկրաինան կախված էր այս հարցից, սակայն ավելի ուշ Զելենսկին սկսեց արտահայտվել, որ կարող է հրաժարվել ՆԱՏՕ-ի անդամությունից։ Մեկ այլ խնդիր է ռուսերենի ընդունումը որպես պաշտոնական լեզու։ Զելենսկին դա ևս ընդունել է: Ռուսերեն խոսում են Ուկրաինայում գրեթե ամենուր: Այս հարցով էլ խնդիր չկա»,- ասել է Էրդողանը։
Էրդողանը նաև ասել է, որ Զելենսկու մեկնաբանությունները Ռուսաստանի հետ փոխզիջումների շուրջ հանրաքվեի անհրաժեշտության մասին «խելացի» են։
Զելենսկին երկուշաբթի հայտարարել էր, որ սահմանադրական ցանկացած փոփոխություն, որը վերաբերում է երկրում անվտանգության երաշխիքներին, պետք է որոշվի հանրաքվեի միջոցով, և ոչ թե միայն իր կողմից:
0Comments