Յոթ անառողջ սնունդ, որը պետք է հանել սննդակարգից

Առողջ սննդակարգի պետք է հետեւեն ոչ միայն նրանք, ովքեր ճարպակալում ունեն կամ ավելորդ քաշ, այլեւ նրանք, ովքեր թվում է՝ առողջական որեւէ խնդիր չունեն: Ոչ օգտակար սնունդը հավասարապես վնասում է բոլորին: Ստորեւ ներկայացնում ենք սննդի 7 տեսակ, որոնց օգտագործումը պետք է խիստ սահմանափակել:

1. Պիցցա 

Իհարկե, ժամանակ առ ժամանակ կարելի է ստամոքսը «շոյել» մի քանի կտոր պիցցայով, սակայն պետք է չափը չանցնել: Բացի այդ, կարելի է պատվիրել ավելի բարակ խմորով պիցցա, որը ցանկալի է ուտել աղցանի հետ միասին: Այն կնպաստի ավելի արագ մարսողությանը:

2. Կարտոֆիլի չիփս եւ ֆրի

Դուք երբեք չեք սահմանափակվի մեկ տուփ չիփսով: Այստեղ ոչ մի օգտակար բան չկա, սակայն չափն անցնելու գայթակղությունը շատ մեծ է: Նույնը նաեւ կարտոֆիլ ֆրիի դեպքում է: Դրա մեկ փոքր չափաբաժինը 230 կալորիա է պարունակում, այն դեպքում, երբ տանը եփած մեկ մեծ կարտոֆիլը 130-140 կալորիա ունի:

3. Մակարոնեղեն

Եթե չի ստացվում մակարոնեղենից ամբողջությամբ հրաժարվել, ապա փորձեք գոնե ընտրել դիետիկ տարբերակներ: Խուսափեք մայոնեզային, պանրային սոուսներից եւ կետչուպից: Ի դեպ, վերջինը թեեւ լոլիկից է պատրաստված, այնուամենայնիվ, մեծ քանակությամբ շաքար է պարունակում: Մակարոնն ավելի սննդարար դարձնելու համար համեմեք այն հավի կրծքամսով:

4. Դոնաթներ

Մեծ քանակությամբ շաքար պարունակող դոնաթսները երբեք չեն հագեցնում քաղցը՝ ստիպելով Ձեզ ավելի շատ սովածանալ:

5. Սպիտակ հաց

Սպիտակ հացը չի պարունակում սննդարար նյութեր, որոնք անհրաժեշտ են մեր օրգանիզմին: Այնուամենայինվ, եթե չեք կարող առանց հացի ուտել, ապա գոնե պետք է նախապատվությունը տալ ամբողջական հացահատիկով պատրաստված հացաբուլկեղենին:

6. Պաղպաղակ

Համաձայնեք, որ մեկ գդալ պաղպաղակով բավարարվելը ոչ միշտ է ստացվում, արդյունքում՝ մենք կարող ենք մի ամբողջ տուփ պաղպաղակ ուտել: Մինչդեռ դրանում որեւէ օգտակար բան չկա՝ միայն շաքար, ճարպեր, մեծ թվով կալորիաներ: Պաղպաղակը կարելի է փոխարինել ավելի քիչ կալորիականություն ունեցող սառեցված յոգուրտով:

7. Սպիտակ բրինձ

Սպիտակ բրինձն օրգանիզմում վերածվում է շաքարի եւ անիմջապես անցնում արյան մեջ: Իհարկե, խոսքը ոչ բոլոր տեսակների մասին է: Բրինձի որոշ տեսակներ, օրինակ՝ բասմատի, ավելի ցածր գլիկեմիկ ինդեքս ունեն: Նախապատվությունը դրան տվեք: