Մենք նախատեսում են ոչ թե քանդել մանսարդները, այլ հակառակը՝ մենք մանսարդների կառուցում ենք նախաձեռնում։ Այս մասին այսօր լրագրողների հետ զրույցում ասաց Երեւանի քաղաքապետ Հայկ Մարությանը:
«Մանսարդների կառուցումը՝ քաղաքի 5-րդ ճակատը, պետք է լինի կարգավորված, համակարգված, գլխավոր ճարտարապետի եւ մեր ճարտարապետական բլոկի կողմից թույլ տրված: Փարիզի շենքերի տանիքների հարցը հենց այդպես է լուծվել, դրանով գեղեցկանում է քաղաքը, դրանով գեղեցկանում է շենքը, մարդիկ էլ նոր բնակարան են ստանում»,-ասաց նա:
Մարությանը նշեց, որ մանսարդների կառուցումը լինելու է միայն բնակիչների համաձայնությամբ. «Չկա քանդման գաղափար, կա կառուցման գաղափար, բայց դա պետք է լինի բնակիչների համաձայնությամբ»:
0Comments