Այն ժամանակվանից, ինչ Անտուան Վերգլասը Ֆրանսիայից տեղափոխվել է Ամերիկա 90-ական թթ., Պամելա Անդերսոնի, Անջելինա Ջոլիի, Կլաուդիա Շիֆերի, Լինդա Եվանգելիստայի եւ, իհարկե, Մելանյա Թրամփի նրա կուլտային դիմանկարները զարդարել են բոլոր առաջատար ամսագրերի շապիկները, գրել է Daily Mail-ը։
Այսօր Մանհեթենի կենտրոնում գտնվող նրա ստուդիան շլացնում է իր սիրելի հայտնի հերոսների հսկայական կտավներով: Սակայն հայտնիների այս բոլոր նկարահանումներից մեկը, թվում է, մնում է ամենահիշարժանը՝ նույնիսկ 25 տարի անց ուշադրություն գրավելու իր ունակությամբ:
2000թ. բրիտանական GQ-ի Ջեյմս Բոնդի թեմայով համարձակ շապիկի համար Վերգլասը, որն այժմ 60 տարեկան է, պատկերել է այն ժամանակ 26-ամյա մոդել Մելանյա Կնաուսին մի շարք համարձակ կիսամերկ լուսանկարներում՝ որպես Դոնալդ Թրամփի անձնական ինքնաթիռի ֆոն:
Երբ GQ-ի խմբագիրները խնդրել են Վերգլասին անվանել կատարյալ գեղեցկուհուն իրենց 007-ով ոգեշնչված շապիկի համար, նա երկար չի մտածել: Կինը, որին նա անմիջապես մտաբերել է այս հանձնարարության համար, համապատասխանում էր «Բոնդի աղջկա» բոլոր բնութագրիչներին՝ ցնցող արտաքին, առեղծվածայնության առկայծող զգացում եւ այտոսկրեր:
Չէր խանգարում նաեւ այն, որ սլովենացի մոդելը հանդիպում էր Նյու Յորքի ամենավառ մագնատի հետ, որն ավելի ուշ առաջարկեց իր հատուկ Boeing 727 մասնավոր ինքնաթիռը նկարահանման համար:
Մելանյա Կնաուսը՝ այժմ երկու անգամ առաջին տիկին Մելանյա Թրամփը, «կատարյալ է դերի համար, բացարձակապես կատարյալ... եւ այնքան գեղեցիկ»,- ասել է Վերգլասը:
«Ես մտածեցի՝ այո։ Մելանյան կատարյալ էր իր սլավոնական արտաքինի պատճառով, իսկական Ջեյմս Բոնդի մարտաֆիլմի աղջկա տեսակ»: «Ամեն ինչ սկսվեց այսպես։ Հետո Դոնալդ Թրամփը մեզ առաջարկեց իր ինքնաթիռը, [եւ] հանկարծ մենք ունեցանք զարմանալի պատմություն եւ ֆոն: Նա կդառնա գլխավոր հերոսը՝ Բոնդի աղջիկը, Բոնդի կատարյալ միջավայրում»:
Երբ հայտնվեցին լուսանկարները, դրանք սենսացիա առաջացրին։ Ամսագրի 2000թ. հունվարի շապիկի վերնագիրն այսպիսին էր. «Հատուկ առաջարկ մերկ սուպերմոդելների համար»: Մյուսը վկայում էր. «Սեքսը 30 000 ֆուտ բարձրության վրա, Մելանյա Կնաուսը վաստակում է իր օդային մղոնները»:
60-ամյա Վերգլասը պատմել է, թե իրականում որքան է Մելանյան բացահայտել իրեն իր լուսանկարների համար։ «Լիարժեք մերկություն չկա [...] Դա ավելի շատ ակնարկ է, դա զգայական է»,- ասել է նա:
«Մելանյան այդ ժամանակ հիանալի մոդել էր եւ պատրաստ էր խաղալ այդ դերը: Նա ֆանտաստիկ աշխատանք կատարեց, եւ հիանալի էր նրա հետ աշխատելը: Նա կարող է շատ գայթակղիչ լինել: Նույնիսկ հիմա, երբ նայում եմ, թե որքան ցնցող է նա... այն աուրան, որ նա ունի: Նա սքանչելի կին է, նա միշտ այդպիսին է եղել, եւ ես կարծում եմ, որ նա տարիքի հետ ավելի ինքնավստահ է դառնում: Նա այլեւս այն երիտասարդ աղջիկը չէ, որին նախկինում ճանաչում էի»։
Ուրեմն, ինչպիսի՞ն էր 26-ամյա Մելանյա Կնաուսը տեսախցիկից դուրս:
«Նա նկարահանման հրապարակում չէր ժպտում, ժպտալու կարիք չուներ, ես լրջություն էի ուզում», - ասել է Վերգլասը: «Բայց նա կարող է ժպտալ, նա իրականում լավ հումորի զգացում ունի»:
Բայց չնայած իր համարձակությանը՝ Վերգլասը կարծում է, որ Մելանյան երբեք չի դարձել ավելի բացահայտ մի ինչ-որ բանի մոդել:
Ի տարբերություն Ֆրանսիայի նախկին նախագահ Նիկոլա Սարկոզիի կնոջ՝ մոդել Կառլա Բրունիի, որը նույնպես դարձել է առաջին տիկին, որին լուսանկարել է Վերգլասը, որը հաճույքով մերկացել էր նկարահանման համար: Բրունիի մեկ լուսանկարը՝ արված մեկ այլ լուսանկարչի կողմից, 2018թ. աճուրդում վաճառվել է 57 000 դոլարով։
«Մելանյան չէր անի այն, ինչ արեց Կառլան»,- ասել է Վերգլասը: «Նա միշտ բավական զուսպ էր, ինքնավստահ, բայց զուսպ: Իրականում, ես կասեի՝ մի քիչ գոռոզ։ Այո, դա ճիշտ բառ է, գոռոզ: Ես սա ասում եմ լավ իմաստով»:
«Երբ ձեր բախտը բերել է գեղեցկության այդ տեսակն ու ֆիզիկական այդ տվյալներն ունենալու հարցում, համենայն դեպս, դուք պետք է դա հավերժացնեք հիանալի լուսանկարների օգնությամբ։ Ինձ համար միշտ լավ է եղել Մելանյայի հետ։ Այդ տարիներին մենք, գուցե, տասնյակից ավելի համատեղ լուսանկարահանումներ ենք արել, ներառյալ մեկն ավելի ուշ, Sport Illustrated Swimsuit-ի թողարկման համար Մեքսիկայում»։
0Comments