Hyundai Motor-ը գաղտնազերծել է նոր (երկրորդ) սերնդի Palisade ամբողջական չափի քրոսովերի տեսքը՝ կորեական ընկերությունը տարածել է ավտոմեքենայի ֆիրմային լուսանկարները, գրում է Drom.ru-ն։
Դատելով լուսանկարից՝ մոդելներն ամբողջությամբ փոխել են ոճային պարադիգմը. եթե նախորդի արտաքին տեսքը բնութագրվում էր «բովանդակալից» ձևերով և կոր գծերի առատությամբ, ապա երկրորդ սերնդի արտաքին տեսքը նախագծված է դիտավորյալ կոպիտ ձևով. ուղիղ գծեր և «տաշած» մակերեսներ։ Ուշադրություն են գրավում ուղղահայաց լուսադիոդային ցոլարձակ լապտերներն ու լուսարձակները, ինչպես նաև ռադիատորի մեծ ցանցը: Ընդհանուր առմամբ, նոր Palisade-ի տեսքը համահունչ է վերջին սերնդի Hyundai Santa Fe-ի հետ:
Hyundai-ն չի ներկայացրել նոր Palisade-ի տեխնիկական բնութագրերը, սակայն նշում են, որ անվաբազան ավելի մեծացել է, իր նախորդի (2900 մմ) համեմատ, իսկ առջևի քիվն, ընդհակառակը, ավելի կարճ է։ Ստանդարտ անիվների նստվածքային տրամագիծը 21 դյույմ է:
Ավտոմեքենայի սրահում կա թվային գործիքների վահանակ և մեդիահամակարգի երկու էկրան (յուրաքանչյուրը 12,3 դյույմ անկյունագծով): Փոխանցման տուփի ավտոմատ ընտրիչը կենտրոնական թունելից տեղափոխվել է ղեկի սյուն. այս որոշումն ասոսցիացիաներ է առաջացնում դասական ամերիկյան ավտոմեքենաների հետ: Առջևի նստատեղերի միջև ազատված տարածությունն օգտագործվել է լրացուցիչ հարմարավետություն ապահովելու համար: Այստեղ տեղադրվել են 100 վտ հզորությամբ USB-C լիցքավորման պորտեր և սմարթֆոնների անլար լիցքավորում։
Ընկերությունը խոստանում է նոր արտադրանքի վերաբերյալ ամբողջական տեխնիկական մանրամասները հրապարակել առաջիկա շաբաթների ընթացքում։
Հեռացող սերնդի Hyundai Palisade-ն թողարկվում է 2018 թվականից:
0Comments