iPhone 16 շարքի որոշ մոդելներ կունենան ավելի նեղ շրջանակ էկրանի շուրջ՝ շնորհիվ Apple-ի կապալառուների արտադրական հաստատություններում Border Reduction Structure (BRS) տեխնոլոգիայի կիրառման: Այս մասին հայտնում է MacRumors-ը։
BRS տեխնոլոգիան ապահովում է էկրանի հիմնական սխեմայի ավելի կոմպակտ և արդյունավետ դասավորություն՝ ստեղծելով ավելի նեղ շրջանակ՝ առանց էկրանի աշխատանքի կամ սարքի ընդհանուր ձևի վրա ազդելու: BRS տեխնոլոգիայի կիրառումը պահանջում է ճշգրիտ և առաջադեմ արտադրական տեխնիկա:
Էկրանի դրայվերների միկրոսխեմաները (DDI), որոնք այս արտադրական առաջադրանքի հիմքում ընկած բաղադրիչներն են, վերահսկում են OLED վահանակի պիքսելների ակտիվացումը և լուսավորությունը: Apple-ի պահանջները բավարարելու համար LG Display-ը, ակնհայտորեն, դիվերսիֆիկացնում է իր DDI մատակարարման շղթան՝ իր գործող մատակարար LX Semicon-ի հետ միասին ներգրավելով թայվանական Novatech ընկերությանը: Այս քայլը նպատակ ունի բարելավելու արտադրանքի որակը՝ միաժամանակ նվազեցնելով ծախսերը:
Այս պահին դեռ հայտնի չէ՝ ավելի բարակ շրջանակով տեխնոլոգիան նախատեսված է iPhone 16-ի ամբո՞ղջ շարքի, թե՞ առանձին մոդելների համար։ MacRumors-ը կարծում է, որ, հավանաբար, նորամուծությունը կիրականացվի միայն iPhone 16 Pro-ում և Pro Max-ում, քանի որ նախկինում լուրեր էին տարածվել այս մոդելների էկրանների չափը մեծացնելու մասին՝ առանց սարքերի չափն էականորեն մեծացնելու: Դրան կարելի է հասնել միայն էկրանի շրջանակի հաստությունը նվազեցնելու միջոցով:
0Comments