Իրանի գերագույն առաջնորդ այաթոլլա Ալի Խամենեին ցավակցություն է հայտնել երկրի հարավում գտնվող Քերման քաղաքում տեղի ունեցած երկու պայթյունների կապակցությամբ, որոնք ավելի քան 100 մարդու կյանք են խլել, հայտնում է Tasnim-ը։
«Իրանի ժողովրդի թշնամիները հերթական անգամ ողբերգություն են առաջացրել: Ահաբեկչությունների կազմակերպիչները, որոնք համոզել են հանցագործներին կատարել այդ ահաբեկչական գործողությունները, անպայման կներկայանան դատարան։ Նրանք պետք է իմանան, որ այս ահաբեկչությանը կհետևի կոշտ պատասխան»,- ասել է նա։
Առաջնորդը նաեւ ապաքինում է մաղթել վիրավորներին։
0Comments