Այսօր՝ հուլիսի 15-ին, խոշոր ավտովթար է տեղի ունեցել Կոտայքի մարզում:
Ժամը 10:00-ի սահմաններում Աբովյան քաղաքից դեպի Նոր Հաճն տանող 1-ին կմ հատվածում՝ Նոր Հաճնի կամրջի սկզբնամասում, բախվել են Երևանի բնակիչ 44-ամյա Առաքել Ն.-ի վարած MAN մակնիշի բեռնատարը, Արագածոտնի մարզի բնակիչ 37-ամյա Արմեն Խ.-ի վարած ЗИЛ մակնիշի բեռնատարը, Գեղարքունիքի մարզի բնակիչ 38-ամյա Շավարշ Խ.-ի վարած МАЗ մակնիշի և ՎԱԶ-2109 մակնիշի ավտոմեքենաները:
Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Աբովյան» բժշկական կենտրոն:
Տեղում պարեկները ուժեղացված ծառայություն են կատարում, քանի որ վթարի հետևանքով ճանապարհը դարձել է միակողմանի երթևեկելի:
Վթարի փաստով Աբովյանի քննչական բաժնում նախաձեռնվել է վարույթ: Ոստիկանությունն ու քննչական բաժինը պարզում են հիվանդանոց տեղափոխված ՎԱԶ-2109-ի վարորդի ինքնությունը:
0Comments