Գեւորգ Ղազարյանն առաջարկներ ունի չորս երկրներից

^{Պորտուգալական «Շավիշից» հեռացած Հայաստանի հավաքականի կիսապաշտպան Գեւորգ Ղազարյանն ունի մի քանի առաջարկներ տարբեր երկրներից։ Այդ մասին 31-ամյա ֆուտբոլիստը պատմեց NEWS.am Sport-ի թղթակցի հետ զրույցում։}

^{«Հիմա ունեմ առաջարկներ Ղազախստանը, Հունաստանը, Կիպրոսը եւ Պորտուգալիան ներկայացնող ակումբներից։ Հայկական ակումբների հետ առայժմ չեմ կապվել։ Ցանկանում եմ ընդունել լավագույն որոշումը»,- նշեց Գեւորգ Ղազարյանը։}

^{Հիշեցնենք, որ Գեւորգ Ղազարյանը Հայաստանի հավաքականի կազմում մասնակցեց Եվրո-2020-ի ընտրական փուլի հունիսյան հանդիպումներին եւ գոլերի հեղինակ դարձավ Լիխտենշտեյնի (3:0) եւ Հունաստանի (3:2) դեմ խաղերում:}