Ինչպե՞ս է ֆաստ ֆուդն ազդում ուղեղի վրա

^{Ֆաստ ֆուդի, այդ թվում, աշխարհի շատ երկրներում այդքան տարածված համբուրգերների օգտագործումը  նպաստում է ուղեղի վաղաժամ ծերացմանը եւ նեյրոդեգեներատիվ գործընթացների վաղ առաջացմանը: Նման բացահայտում են արել Ավստրալիայի ազգային համալսարանի գիտնականներիը:}

^{MedicalXpress-ը հաղորդում է, որ փորձագետները վերլուծել են 200 հետազոտությունների արդյունքները, որոնք ստուգել են ուղեղի առողջության, ծերացման եւ մի շարք գործոնների միջեւ կապը, որոնք կարող են ազդել այդ գործընթացների վրա:}

^{Գիտնականները կարողացել են համոզիչ ապացույցներ գտնել, որ անառողջ դիետան (ֆաստ ֆուդ, շատ յուղոտ եւ տապակած սնունդ) եւ երկար ժամանակ ֆիզիկական ակտիվության բացակայությունը ոչ միայն մեծացնում են 2-րդ տիպի դիաբետի զարգացումը (առանց ինսուլինային կախվածության), այլեւ վատթարացնում կոգնիտիվ գործառույթները` դեմենցիա, ուղեղի ատրոֆիա առաջացնելով:}

^{Հետաքրքիր է, որ ֆաստ ֆուդի օգտագործման արդյունքում ուղեղում նեյրոդեգեներատիվ գործընթացները կարող են շատ ավելի վաղ սկսվել, քան սովորաբար եւ անդառնալի բնույթ ունենալ, եթե մարդն արդեն հասել է  միջին տարիքի:}

^{Դրա համար 60 տարեկան մարդկանց մոտ դեմենցիայի ռիսկի նվազմանն ուղղված խորհուրդները, իրականում անօգուտ են. այդ խնդիրների զարգացման վտանգը նվազեցնելու համար հարկավոր է հնարավորինս շուտ սկսել ճիշտ սնվել:}

^{ֆաստ ֆուդը, ինչպես վերջերս է պարզվել, նույնպես մեծացնում է քաղցկեղի եւ սննդային ալերգիայի զարգացման վտանգը:}