Ադրբեջանը ռազմակայան է կառուցել Ջերմուկում․ Գագիկ Համբարյան. ՖՈՏՈ

Ադրբեջանը ռազմակայան է կառուցել Ջերմուկում, Ֆեյսբուքի իր էջում գրել է քաղաքագետ Գագիկ Համբարյանը։

«Կարմրով նշվածը` Հայաստանից Ադրբեջանի կողմից 2022 թ֊ի սեպտեմբերին Ջերմուկի հատվածում օկուպացված տարածքն է, որտեղ ինչպես վկայում են արբանյակային լուսանյարները, Ադրբեջանը խոշոր ռազմակայան է կառուցել և, ինչպես կարելի է կռահել, մտադրություն չունի այն հետ վերադարձնել Հայաստանին...

Հավելեմ, որ եթե խորհրդային տարիներին ադրբեջանցիները Ջերմուկից 10 կիլոմետր էին հեռու, իսկ մինչև 2020 թ֊ը նոյեմբերի 9֊ը` մոտ 50 կիլոմետր, ապա Նիկոլի պատճառով հիմա գտնվում են Ջերմուկի մատույցներում` 1,5֊2 կիլոմետրի վրա...

Ադրբեջանցիներն իրենց քայլերով, փաստորեն շատ պարզ ասում են, որ ԵՐԲԵՔ, ինչ֊որ դելիմիտացիաներով և դեմարկացիաներով Հայաստանին մեկ միլիմետր տարածք չեն վերադարձնի և Նիկոլը խաբում է ժողջանին այդ պահով և Ադրբեջանին նվիրում է Բաքվի ուզածները որևէ բան Ալիևից դրա դիմաց չստանալով...

Ադրբեջանական այդ ռազմակայանը պետք է Բաքվին Ջերմուկը գրավելու և այդտեղից դեպի Նախիջևան Հայաստանի տարածքները գրավելու հանար...»,– գրել է նա։