«Փրկիչը տարեկանի արտում» հանրահայտ վեպի գրքի հեղինակ Ջերոմ Սելինջերի ընտանիքը պատրաստվում է առաջիկա տարիներին լույս ընծայել հեղինակի անհայտ ստեղծագործությունները: Այս մասին հաղորդում է «The Guardian»-ը:
1951 թվականին «Փրկիչը տարեկանի արտում» ստեղծագործության գլխապտույտ հաջողությունից հետո, Սելինջերը մեկուսացած կյանքով է ապրել: Նա մահացել է 2010 թվականին: Երկար տարիներ խոսվում էր այն մասին, որ գրողը մահից հետո չհրատարակած բազմաթիվ գործեր է թողել: Նրա որդին` Մեթը, հաստատել է, որ հայրը այդ տարիների ընթացքում չի դադարել գրել:
«Նա ցանկանում էր, որ ես հավաքեմ իր բոլոր գործերը: Իմանալով աշխատանքների մասշտաբները` հայրս հասկանում էր, որ դրանք հավաքելը երկար ժամանակ կպահանջի: Հենց ավարտեմ այդ գործը, մենք կհրապարակենք դրանք»,-նշել է Մեթը:
0Comments