Եվրոպան միասնական բանակ չի ստեղծի. Լեհաստանի պատասխանը Զելենսկուն
Եվրոպական երկրները միասնական բանակ չեն ստեղծի՝ ի պատասխան Ռուսաստանի սպառնալիքների, հայտարարել է Լեհաստանի արտգործնախարար Ռադոսլավ Սիկորսկին։
Ավելի վաղ Մյունխենի անվտանգության համաժողովում ելույթի ժամանակ Ուկրաինայի նախագահ Վլադիմիր Զելենսկին կոչ էր արել ստեղծել եվրոպական բանակ՝ ասելով, որ մայրցամաքն այլևս չի կարող ապավինել ԱՄՆ-ի պաշտպանությանը և միայն ուժեղ բանակով ձեռք կբերի Վաշինգտոնի հարգանքը։
Պատասխանելով եվրոպական բանակ ստեղծելու հնարավորության մասին հարցին՝ Սիկորսկին ասել է TVP World-ին, որ «մենք պետք է զգույշ լինենք այս տերմինն օգտագործելիս, քանի որ մարդիկ տարբեր բաներ են հասկանում»։
«Եթե սրանով նկատի ունեք ազգային բանակների միավորում, դա տեղի չի ունենա։ Բայց ես կողմ էի, որ Եվրոպան, Եվրամիությունը զարգացներ սեփական պաշտպանական կարողությունները»,- ասել է Լեհաստանի ԱԳՆ ղեկավարը։
Նա ասել է, որ ԵՄ-ն ներկայումս ուժեղացված բրիգադ է ձևավորում: «Եթե ԱՄՆ-ն ցանկանում է, որ մենք զարգացնենք մեր պաշտպանունակությունը, դա պետք է ունենա ազգային բաղադրիչ, ՆԱՏՕ-ի բաղադրիչ, բայց ես կարծում եմ նաև, որ ԵՄ եվրոպական բաղադրիչը, մեր արտադրական կարողությունները զարգացնելու նպատակով պաշտպանական արդյունաբերության համար ԵՄ սուբսիդիաները, ինչպես նաև ԵՄ զինված ուժերն արժանի են իրենց անվանը»,- հայտարարել է Սիկորսկին։
Նա կրկնել է, որ ուկրաինական տարածքում լեհական զորքերի ներկայությունը «չի դիտարկվել, քանի որ Լեհաստանի պարտականությունը ՆԱՏՕ-ի հանդեպ արևելյան թևը, այսինքն՝ իր սեփական տարածքը պաշտպանելն է»։
Latest from Live24
- Քիմ Քարդաշյանը կրել է մոտ 4 միլիարդ ռուբլի արժողությամբ ադամանդե վզնոցներ
- Իրանի ԱԳՆ-ն ուսումնասիրում է ԱՄՆ-ի խնդրանքը․ Mehr
- ՀՀ տարածքային ամբողջականությունը խախտող շինծու հասկացությունները չեն համապատասխանում Իրանի դիրքորոշմանը. դեսպան
- Ռուսաստանը բանակցությունների նոր փուլի ժամկետների է սպասում Ուկրաինայից. Պեսկով
- Պատգամավոր Արթուր Սարգսյանը կկալանավորվի. ՔՊ-ն կողմ քվեարկեց
- Ռուսաստանի ԱԻՆ-ը շնորհակալություն է հայտնել Ադրբեջանին՝ Իրանից ռուս քաղաքացիների տարհանման համար
- «Զանգեզուրի միջանցքի» և «արևմտյան ադրբեջանցիների» վերադարձի հետ կապված հարցերը դառնում են քննարկման թեմաներ միջազգային հարթակներում. Միլլի Մեջլիսի պատգամավոր
- Թուրքիան հորդորել է Ֆրանսիային չմիջամտել երկրի ներքին գործերին
Լրահոս
Ֆոտո
