Լիտվան երկարաձգել է օդային տարածքի փակումը Բելառուսի սահմանի մոտ
Լիտվան երկարաձգել է օդային տարածքի փակումը Բելառուսի հետ սահմանի մի մասի երկայնքով: «Արմենպրես»-ի փոխանցմամբ՝ այս մասին հաղորդում են լիտվական լրատվամիջոցները՝ հղում անելով հանրապետության պաշտպանության նախարարությանը:
«Բելառուսի հետ սահմանի մի մասի օդային տարածքում թռիչքների սահմանափակման գոտու գործողությունը երկարաձգվել է մինչև դեկտեմբերի 1-ը», - ասվում է գերատեսչության հաղորդագրության մեջ, որից հատված են մեջբերում լիտվական լրատվամիջոցները։
Բելառուսի հետ սահմանամերձ հատվածում ինքնաթիռների թռիչքների արգելքը սահմանվել էր օգոստոսի 12-ին՝ «Զապադ-2025» բելառուսառուսական զորավարժությունների նախաշեմին, և պետք է գործեր մինչև հոկտեմբերի 1-ը։ Դրա հետ մեկտեղ Լիտվայի պաշտպանության նախարարությունում հայտարարել են, որ «դրա երկարաձգման պահանջ կներկայացվի, եթե չնվազի անօդաչու թռչող սարքերի կողմից Լիտվայի օդային տարածք ներխուժելու սպառնալիքը»։
Գերատեսչությունում օդային տարածքի մի մասի փակումը հիմնավորել են անվտանգության հետ կապված իրավիճակով, ներառյալ քաղաքացիական ավիացիայի համար ռիսկերը, որոնք առաջանում են անօդաչու թռչող սարքերի կողմից օդային տարածքի խախտումների պատճառով, ինչպես նաև «լիտվացի զինվորականների կողմից առաջադրանքներ կատարելու համար պայմանների ստեղծման անհրաժեշտությամբ, որոնք օրենքով սահմանվել են խաղաղ ժամանակ՝ ի պատասխան օդային տարածքի խախտումների»։
Latest from Live24
- Իտալիան կփլուզվի՝ տնտեսությունից մինչև աշտարակներ. Զախարովա
- Վանաձորում փրկարարները հատուկ տեխնիկայի օգնությամբ փլատակներից դի են դուրս բերել
- Արեգակի վրա մեկ ժամվա մեջ երկու հզոր բռնկում է գրանցվել
- Փլուզում Վանաձորում. կա զnհ
- Հայաստանի քաղաքացիական հասարակության ներկայացուցիչներն էլ մոտ ժամանակում փոխադարձ այց կկատարեն Ադրբեջան. Արմեն Գրիգորյան
- Diplo–ն հայտարարել է, թե հարաբերությունների մեջ է եղել և Կանադայի նախկին վարչապետի և Քեթի Փերիի հետ
- «Շողակաթը» մասնակցելու է մրցույթին և շարունակելու է հեռարձակվել. նախարար
- Փաշինյանն առաջադրվել է առաջիկա ընտրություններին
Լրահոս
Ֆոտո
