ԱՄՆ պետդեպն ու ՌԴ ԱԳՆ-ն մանրամասներ են հայտնել Ռուբիո-Լավրով հանդիպումից
ՄԱԿ-ի Գլխավոր ասամբլեայի 80-րդ նստաշրջանի շրջանակներում ԱՄՆ պետքարտուղար Մարկո Ռուբիոն Ռուսաստանի արտաքին գործերի նախարար Սերգեյ Լավրովի հետ հանդիպման ժամանակ վերահաստատել է ԱՄՆ նախագահ Դոնալդ Թրամփի կոչն Ուկրաինայում Ռուսաստանի կողմից ռազմական գործողությունները դադարեցնելու վերաբերյալ։
Այս մասին հայտնում է ԱՄՆ-ի պետքարտուղարությունը։«Պետքարտուղար Մարկո Ռուբիոն հանդիպել է Ռուսաստանի արտաքին գործերի նախարար Սերգեյ Լավրովի հետ:
Պետքարտուղարը վերահաստատել է նախագահ Թրամփի կոչը՝ դադարեցնելու սպանությունները և ընդգծել Մոսկվայի կողմից ռուս-ուկրաինական պատերազմի տևական լուծման ուղղությամբ բովանդակալից քայլեր ձեռնարկելու անհրաժեշտությունը»,- նշվել է հաղորդագրության մեջ:
Ռուսաստանի արտաքին գործերի նախարարության փոխանցմամբ՝ Լավրովն ընդգծել է երկու երկրների ղեկավարների կողմից Ալյասկայում ձեռք բերված պայմանավորվածություններին հետևելու պատրաստակամությունը և նշել Կիևի և մի քանի եվրոպական մայրաքաղաքների կողմից առաջ մղվող «սխեմաների» անընդունելիությունը, որոնք «ուղղված են հակամարտության երկարաձգմանը»։
Կողմերը պայմանավորվել են շարունակել Ռուսաստանի և ԱՄՆ արտաքին գործերի մարմինների միջև կառուցողական երկխոսությունը։Նյու Յորքում Ռուսաստանի և ԱՄՆ պատվիրակությունների փակ հանդիպումը տևել է 50 րոպե։
Latest from Live24
- Նորաձևությունը և քննադատությունը սոցիալական մեդիայի դարաշրջանում. ինչպես է Lyas-ը ցուցադրությունների դիտումը վերածում զանգվածային միջոցառման
- Կալանավորվել է Վեհափառի եղբորորդին
- 3-ամյա Տիգրանի հայրը կալանավորվել է. ՔԿ
- ԱՄՆ-ի հետ փոխգործակցությունն անհնար է, քանի դեռ Վաշինգտոնն աջակցում է Իսրայելին. Խամենեի
- Նոբելյան մրցանակակիրն ԱՄՆ-ին կոչ է արել զինուժ կիրառել Մադուրոյի դեմ
- Մեղադրյալների միայն մի փոքր մասն է դատարանում. Ադրբեջանն Արցախի ղեկավարությանը «մեղավոր» է անվանել
- Թուրքիան փորձարկում է բալիստիկ հրթիռներ, որոնց հեռահարությունը կարող է հասնել Իսրայելին
- Իսրայելն ու ԱՄՆ-ը տարածաշրջանում պատրաստվում են ռազմական գործողությունների
Լրահոս
Ֆոտո
