Գերմանիան օդ է բարձրացրել երկու կործանիչ՝ Բալթիկ ծովի վրա հայտնված Ил-20М ինքնաթիռի պատճառով
ՆԱՏՕ-ն կրկին օդ է բարձրացրել երկու Eurofighter կործանիչ՝ Բալթիկ ծովի վրա ռուսաստանյան ռազմական ինքնաթիռի հայտնվելու պատճառով, հաղորդում է Handelsblatt-ը։
Գերմանիայի ՌՕՈւ-ի տվյալներով, ինքնաթիռը, որը սկզբում չէր հաջողվել նույնականացնել, գտնվել է միջազգային օդային տարածքում՝ առանց թռիչքի պլանի և ռադիոկապի։ ՆԱՏՕ-ի կործանիչները օդ են բարձրացել Ռոստոկ-Լաագե ռազմակայանից։
Հետագայում պարզվել է, որ խոսքը վերաբերում է ռուսաստանյան Ил-20М տեսակի հետախուզական ինքնաթիռի մասին, որը նույնականացվել է տեսողական եղանակով։
Բունդեսվերը պատրաստ է պահում լրացուցիչ ինքնաթիռներ՝ ՆԱՏՕ-ի արևելյան թևի օդային տարածքի պաշտպանության համար։
Բալթիկ ծովի տարածաշրջանում իրավիճակը վերջին շրջանում սրվել է՝ Ռուսաստանի կողմից օդային տարածքի խախտումների պատճառով։ Էստոնիայի տվյալներով՝ ուրբաթ օրը ռուսաստանյան երեք МиГ-31 կործանիչներ ապօրինի ներխուժել են Էստոնիայի օդային տարածք՝ Վայնդլոո կղզու շրջանում։ ՆԱՏՕ-ն անմիջապես արձագանքել է և որսացել ռուսաստանյան ինքնաթիռները։
Բացի այդ, նույն օրը երեկոյան Լեհաստանը հայտնել է, որ ռուսաստանյան երկու կործանիչներ ցածր բարձրությամբ մոտեցել են Բալթիկ ծովում գտնվող լեհական հորատման կայանին՝ խախտելով օբյեկտի պահպանման գոտին։ Ըստ տվյալների, նրանք թռել են Petrobaltic հորատման հարթակի մոտ՝ 150 մետր բարձրության վրա։ Պետական սահմանը չի խախտվել։
Latest from Live24
- Նորաձևությունը և քննադատությունը սոցիալական մեդիայի դարաշրջանում. ինչպես է Lyas-ը ցուցադրությունների դիտումը վերածում զանգվածային միջոցառման
- Կալանավորվել է Վեհափառի եղբորորդին
- 3-ամյա Տիգրանի հայրը կալանավորվել է. ՔԿ
- ԱՄՆ-ի հետ փոխգործակցությունն անհնար է, քանի դեռ Վաշինգտոնն աջակցում է Իսրայելին. Խամենեի
- Նոբելյան մրցանակակիրն ԱՄՆ-ին կոչ է արել զինուժ կիրառել Մադուրոյի դեմ
- Մեղադրյալների միայն մի փոքր մասն է դատարանում. Ադրբեջանն Արցախի ղեկավարությանը «մեղավոր» է անվանել
- Թուրքիան փորձարկում է բալիստիկ հրթիռներ, որոնց հեռահարությունը կարող է հասնել Իսրայելին
- Իսրայելն ու ԱՄՆ-ը տարածաշրջանում պատրաստվում են ռազմական գործողությունների
Լրահոս
Ֆոտո
