Նորվեգիան կկատարի Նեթանյահուի ձերբակալման միջազգային դատարանի օրդերը, եթե նա այցելի Օսլո. ԱԳ փոխնախարար
Նորվեգիան դատապարտում է Իսրայելի գործողությունները Գազայի հատվածում և կիրականացնի Միջազգային քրեական դատարանի կողմից վարչապետ Բենիամին Նեթանյահուի ձերբակալման օրդերը, եթե նա ժամանի թագավորություն, «Ալ Ջազիրա» հեռուստաալիքին տված հարցազրույցում հայտարարել է Նորվեգիայի փոխարտգործնախարար Անդրեաս Մոցֆելդտ Կրավիկը։ժ
«Իսրայելի գործողությունները բացարձակապես անընդունելի են։ Մենք տեսել ենք, թե ինչպես են հարվածներ հասցվում դպրոցներին, հիվանդանոցներին, լրագրողներին», - նշել է դիվանագետը՝ խոսելով պաղեստինյան անկլավում ստեղծված իրավիճակի մասին։
Նա ընդգծել է, որ Նորվեգիայի կառավարությունը տեղյակ է Նեթանյահուին ձերբակալելու ՄՔԴ-ի որոշման մասին և «կկատարի այս հրամանը, եթե նա ոտք դնի Նորվեգիայի հողի վրա»։
Կրավիկը հիշեցրել է, որ թագավորությունը, մի շարք այլ երկրների հետ , պատժամիջոցներ է կիրառել Իսրայելի ֆինանսների նախարար Բեզալել Սմոտրիչի և ազգային անվտանգության նախարար Իտամար Բեն-Գվիրի նկատմամբ։
2024 թվականի նոյեմբերին Միջազգային քրեական դատարանը ձերբակալման օրդեր է տվել Իսրայելի վարչապետ Բենիամին Նեթանյահուի և նախկին պաշտպանության նախարար Յոավ Գալանտի նկատմամբ՝ Պաղեստինում կատարված ռազմական հանցագործությունների և մարդկության դեմ հանցագործությունների մեղադրանքով։
Latest from Live24
- Կասպից ծովում երկրաշարժ է գրանցվել
- Մադոննան դիմել է Հռոմի պապին՝ կոչ անելով այցելել Գազա՝ երեխաներին փրկելու համար
- Պենտագոնի ղեկավարը հայտնել է Ուկրաինայում խաղաղության համար տարածքների փոխանակման անհրաժեշտության մասին
- Անընդունելի և դատապարտելի ենք համարում Հայաստանին պարտադրվող հերթական զիջումները. ԱԺ «Հայաստան» խմբակցություն
- Հայաստանում մեկնարկում է հայ-ամերիկյան մեկշաբաթյա զորավարժությունը
- Մասկը որոշել է դատի տալ Apple-ին
- Ամռանը շաքարի չարաշահումը կարող է լուրջ բացասական ազդեցություն ունենալ առողջության վրա
- Սեպտեմբերի 2-ից ուժի մեջ կմտնեն ԱՄՆ վիզայի համար հարցազրույցից ազատման ծրագրի նոր կանոնները
Լրահոս
Ֆոտո
