Գեզի տերմինալից բաց կթողնվի հայկական կոնյակով բեռնված 55 բեռնատար, ևս 72 մեքենա՝ ոթ օրվա ընթացքում
Էկոնոմիկայի նախարար Գևորգ Պապոյանն ու ՊԵԿ նախագահ Էդուարդ Հակոբյանը Թբիլիսի այցի շրջանակում հանդիպել են Վրաստանի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի, Գյուղատնտեսության և շրջակա միջավայրի նախարար Դավիթ Սոնգուլաշվիլիի, ինչպես նաև Պետական եկամուտների ծառայության ղեկավար Իրակլի Բերաիայի հետ, իր ֆեյսբուքյան էջում գրել է Պապոյանը։
Վրացական կողմի հետ ունեցած բանակցությունների արդյունքում պայմանավորվածություն է ձեռք բերվել Գեզի մաքսային տերմինալից այսօր բաց թողնել հայկական կոնյակով բեռնված 55 բեռնատար ավտոմեքենա, հայտնել է Հայաստանի էկոնոմիկայի նախարար Գևորգ Պապոյանը:
Պապոյանի փոխանցմամբ՝ ևս 72 մեքենա բաց կթողնվի առաջիկա յոթ օրվա ընթացքում, իսկ դրան կհաջորդի լրացուցիչ 24 մեքենայի բացթողում։
«Միևնույն ժամանակ, հայկական կողմից կապահովի շշալցված կոնյակով բեռնված մեքենաների անխոչընդոտ տրանզիտային ելքը դեպի Վրաստան։ Ձեռք է բերվել նաև պայմանավորվածություն՝ այսուհետ հայկական շշալցված կոնյակի (հայկական բրենդիի) արտահանման գործընթացի կազմակերպման վերաբերյալ՝ փոխադարձ ընդունելի և կանխատեսելի պայմաններով», - նշել է էկոնոմիկայի նախարարը։
Հանդիպմանը մասնակցել են նաև Հայաստանի էկոնոմիկայի նախարարի տեղակալ Արման Խոջոյանը, ՊԵԿ նախագահի տեղակալ Կարեն Թամազյանը և Վրաստանում ՀՀ արտակարգ և լիազոր դեսպան Աշոտ Սմբատյանը։
Latest from Live24
- Ալբանիան նախարար է նշանակել ԱԲ–ին, որը կղեկավարի պետգնումները. ԶԼՄ
- Նոր Զելանդիան և Ճապոնիան նվազեցրել են ռուսական նավթի գնի վերին շեմը և ընդլայնել պատժամիջոցների ցանկը
- Պնդումը կեղծ է, Մաշտոցն առկա է Այբբենարանում (տեսանյութ)
- Հայաստան-Թուրքիա կարգավորման գործընթացում Թուրքիայի հատուկ ներկայացուցիչը ժամանել է Հայաստան
- Հաջորդ տարի հայտարարատու են դառնալու նաև թոշակառուները
- ԵՄ-ն երկուշաբթի օրը կներկայացնի Ռուսաստանի դեմ նոր պատժամիջոցների փաթեթ. Ֆրանսիայի ԱԳՆ
- ԱՄՆ պետքարտուղարության պատվիրակությունն այցելել է Հայոց ցեղասպանության հուշահամալիր
- Արքայազն Հարրին անակնկալ այց է կատարել Կիև
Լրահոս
Ֆոտո
