Սահմանադրությունը պարունակում է մեկ դեկլարատիվ նորմ, որի համաձայն ՀՀ–ն ընդունում է Հայ առաքելական եկեղեցու բացառիկ դերը հայ ժողովրդի կյանքում, և ինքնուրույն կառավարումը։ Այս մասին ԱԺ-ում լրագրողների հետ զրույցում նշեց ՀՀ արդարադատության նախարար Սրբուհի Գալյանը։
Հարցին, ինչ վերաբերում է այն բառամթերքին, որով խոսում է երկրի ղեկավարը եկեղեցականների մասին, արդյոք դա էթիկական նորմերի խախտում չէ, արդարադատության նախարարաը նշեց. «Մենք շատ շատ կարող ենք խոսել տարբեր մարդկանց կողմից տարբեր խոսույթի գնահատականներ տալու մասին։ Ես կարծում եմ, որ խնդրի բարձրաձայնման հետ կապված ամեն մարդ ինքն է ընտրում, թե ինչպես պետք է դա անել և գուցե որոշների համար դա սուր երանգներ պարունակող բառամթերք է, այո, սուր երանգներ պարունակող բառամթերք է։ Գուցե օրինակ ես կամ մեկ այլ անձ խնդիրները բնորոշելիս նման կերպ չարտահայտվել, բայց ամեն մարդ ինքն է ընտրում, և եթե դա չի հատում իրավականության սահմանը, կարծում եմ, որ այստեղ խնդիր չկա։
Այստեղ ևս մեկ կարևոր հանգամանք կուզենայի շեշտադրել: Վերջին օրերին անընդհատ նույն բանն է քննարկվում, և կարծես թե մեղադրվում է կողմը, որը բարձրաձայնում է խնդրի մասին, և ընդհանրապես չի խոսվում, կամ խոսվում է, ես գուցե այդքան չեմ նկատել, իրական գոյություն ունեցող խնդրի մասին: Այսինքն խնդրի մասին խոսելը ամոթ է, բայց խնդրի արձանագրումը ամոթ չէ։ Յուրաքանչյուր քրիստոնյա, ինքը պետք է որոշի խնդիր տեսնում է, թե չի տեսնում։ Եթե անձը իրեն համարում է հայ առաքելական եկեղեցու հետևորդ և հետևում է կանոնական իրավունքի, ապա ինքը պետք է իր համար եզրահանգում անի, թե այս իրավիճակում խնդիր կա՞, թե՞ չկա։ Իմ դիտարկմամբ, մենք այսօր ունենք խնդիր, մենք ունենք եկեղեցի, որն արդեն վաղուց զբաղվում է քաղաքականությամբ։
Աշխարհիկ մարդկանց դեպքում, եթե նրանք պաշտոնյա են, պարտավոր են տարեկան հայտարարագիր ներկայացնել, օրինակ չլինել կոռումպացված լինել թափանցիկ և հաշվետվողական, և հասարակությունը կարող է հետևել դրանց։ Եկեղեցականների պարագայում էլ այլ կանոններ են գործում, և քրիստոնյա համայնքը ինքն է որոշողը՝ հետևի այդ կանոնների պահպանմանը, թե չհետևի»։
Սահմանադրական բարեփոխումների խորհուրդը հունիսի վերջին կամ հուլիսի սկզբին նիստ կանցկացնի: Այս մասին ճեպազրույցի ժամանակ ասել է ՀՀ արդարադատության նախարար Սրբուհի Գալյանն՝ անդրադառնալով հարցին, թե ինչ փուլում են նոր Սահմանադրության մշակման ուղղությամբ աշխատանքները:
«Մենք արդեն պլանավորել ենք, որ այս ամսվա վերջ կամ մյուս ամսվա սկիզբ կունենանք խորհրդի նիստ: Խորհրդի անդամներին կներկայացնենք որոշակի դրույթներ, որոնք, ըստ էության, արդեն մշակվել են»,-ասասել է Սրբուհի Գալյանը:
Գալյանն այլ մանրամասներ չհայտնեց:
«Միևնույն է, հանրությունը տեղյակ կլինի, թե ինչ է քննարկվել նիստում և ինչ որոշումներ են կայացվել»,- վստահեցրել է նա:
ՀՀ կառավարությունը պատրաստակամություն է հայտնել բնակարանային ծրագրի շրջանակներում քննարկել ևս մի քանի կետեր։ Այս մասին հայտնում է Արցախցիների իրավունքների պաշտպանության խորհուրդը։
«Այնուամենայնիվ, մեր ամենակարևոր առաջարկները չեն ընդունվել կառավարության կողմից, սակայն դեռևս որոշակի քննարկումներ ունենք իրականացնելու, որոնց արդյունքում կարող են նոր փոփոխություններ լինել«–ասվում է հայտարարության մեջ:
«Սոցիալական մնացած ծրագրերի վերաբերյալ մեր առաջարկներին կառավարությունը ոչ մի շոշափելի դրական արձագանք չի տվել, իսկ զբաղվածության ծրագրերի բարելավման շուրջ քննարկումները դեռևս դանդաղ են ընթանում՝ հատկապես բավարար տվյալների բացակայության պատճառով»,– հայտնել են խորհրդից։
Նշվում է, որ առաջիկա օրերի ընթացքում առանցքային հարցերի շուրջ հաջողության չհասնելու պարագայում խորհուրդը կդադարեցնի քննարկումները ՀՀ կառավարության հետ և կհայտարարի հետագա քայլերի մասին։
Հիշեցնենք, որ Արցախցիների իրավունքների պաշտպանության խորհրդի կողմից մարտի 29-ին Երևանի Ազատության հրապարակում կազմակերպված մեծ հանրահավաքում ներկայացվեց պահանջագիր՝ ուղղված ՀՀ իշխանություններին և միջազգային հանրությանը: Նրանք պահանջում էին վերանայել կառավորության վերոնշյալ որոշումը և բարելավել իրենց ուղղված ծրագրերրը։ Որպես բողոքի նշան` արցախցիները Ազատության հրապարակում վրան տեղադրեցին, որը հանեցին ապրիլի 29–ին, քանի որ ՀՀ կառավարությունը համաձայնել էր 40+10 հազար ծրագիրը երկարաձգել։
Հարավային Կորեայի հավաքականը դարձավ Ասիայի ֆուտբոլի կոնֆեդերացիայի (AFC) հերթական ներկայացուցիչը, որն ապահովեց իր մասնակցությունը 2026 թվականի աշխարհի առաջնությանը։
Հինգշաբթի օրը կորեացիները 2:0 հաշվով հաղթեցին Իրաքի հավաքականին՝ արտագնա խաղում, Ասիայի ընտրական փուլի երրորդ փուլի 9-րդ տուրում: Վաստակելով 19 միավոր՝ Հարավային Կորեան ամրապնդվեց B խմբի առաջին հորիզոնականում՝ երաշխավորելով առնվազն երկրորդ տեղը:
Այս արդյունքը հնարավորություն տվեց նաև Հորդանանի հավաքականին նվաճել ԱԱ-2026-ի ուղեգիր: Երրորդ փուլի ավարտից մեկ տուր առաջ Հորդանանը վաստակել է 16 միավոր, մինչդեռ երրորդ տեղում գտնվող Իրաքն ունի 12 միավոր: Հորդանանը, որը նույն օրը 3:0 հաշվով հաղթել էր Օմանին, առաջին անգամ կմասնակցի աշխարհի առաջնությանը:
Ասիայից ԱԱ-2026-ի ուղեգիր արդեն նվաճել են նաև Իրանի, Ուզբեկստանի և Ճապոնիայի հավաքականները:
2026 թվականի աշխարհի առաջնությունը կկայանա ԱՄՆ-ում, Կանադայում և Մեքսիկայում՝ 2026 թվականի հունիսի 11-ից հուլիսի 19-ը:
ԱՄՆ նախագահ Դոնալդ Թրամփը և գործարար Իլոն Մասկը հրապարակավ վիճել են։ Միլիարդատերը Սպիտակ տան ղեկավարին «ստախոս» է անվանել, ասել է, որ առանց նրա Թրամփը չէր հաղթի ընտրություններում և անուղղակիորեն մեղադրել է նրան մանկապղծության համար։ Թրամփը պատասխանել է, որ ձեռնարկատերը «խելագարվել» է և առաջարկել, որ Մասկի ընկերություններն այլևս չստանան պետական սուբսիդիաներ և պայմանագրեր: Թե ինչ չեն կիսել նախագահն ու միլիարդատերը, ներկայացված է Gazeta.Ru-ի հոդվածում:
Նախօրեին ԱՄՆ նախագահ Դոնալդ Թրամփը հայտարարել է, որ հիասթափված է իր երբեմնի դաշնակից Իլոն Մասկից։ Սպիտակ տան ղեկավարն այս մասին խոսել է Գերմանիայի կանցլեր Ֆրիդրիխ Մերցի հետ հանդիպման ժամանակ։
«Ես շատ հիասթափված եմ Իլոնից, ես շատ եմ օգնել Իլոնին», - ասել է Թրամփը՝ հավելելով, որ նախկինում լավ հարաբերություններ է ունեցել գործարարի հետ, բայց չգիտի՝ հիմա այդպես է, թե ոչ։
Ավելի ուշ Truth Social սոցիալական ցանցում ԱՄՆ նախագահն առաջարկել է այլևս չտրամադրել պետական սուբսիդիաներ և պայմանագրեր Իլոն Մասկի ընկերություններին։ Սպիտակ տան ղեկավարի բոլոր հայտարարություններին ի պատասխան՝ Մասկը նրան մի քանի անգամ «ստախոս» է անվանել, գրել է, որ առանց իրեն Թրամփը չէր հաղթի ընտրություններում: Մասկն ավելի հեռուն է գնացել՝ հայտարարելով, որ ԱՄՆ նախագահի անունը շոշափված է Ջեֆրի Էպշտեյնի՝ անչափահասներին սեռական շահագործման ենթարկելու՝ փաստացի մանկապղծության սկանդալային գործում։ Միլիարդատիրոջ խոսքով՝ Թրամփի ներգրավվածություն է պատճառը, որ այս գործով փաստաթղթերը չեն հրապարակվում:
«Ժամանակն է իսկական ռումբ նետելու. Դոնալդ Թրամփն Էպշտեյնի արխիվներում է։ Ահա թե ինչու փաստաթղթերը դեռ չեն հրապարակվել։ Լավ օր եմ մաղթում, Դոնալդ Ջոն Թրամփ», - գրել է ձեռնարկատերը X-ում։
Թրամփը, մեկնաբանելով Մասկի խոսքերը «Էպշտեյնի արխիվում» հայտնվելու մասին, ասել է, որ միլիարդատերը խելագարվել է։
«Իլոնը խելագարվել էր, ես նրան խնդրեցի հեռանալ, ես հետ եմ կանչել էլեկտրական մեքենաների գնման արտոնագիրը, որը բոլորին ստիպում էր գնել էլեկտրական մեքենաներ, որոնք այլևս ոչ ոք չէր ուզում գնել (նա գիտեր, որ ես դա անելու եմ ամիսներ շարունակ), և նա պարզապես խելագարվեց», - գրել է ԱՄՆ նախագահը։
Դրանից հետո Մասկը հայտարարել է, որ Սպիտակ տան ղեկավարի կողմից սահմանված սակագները կհանգեցնեն ռեցեսիայի տարվա երկրորդ կեսին, և հայտարարել է, որ ԱՄՆ նախագահի վերջին հայտարարությունների լույսի ներքո իր SpaceX ընկերությունն անմիջապես կսկսի շահագործումից հանել Dragon տիեզերանավը՝ անձնակազմեր և բեռ Միջազգային տիեզերակայան հասցնելու համար, ինչը կարող է ազդել երկրի տիեզերական ծրագրի վրա։
Ինչո՞ւ են վիճել Մասկն ու Թրամփը
Մայիսի վերջին Իլոն Մասկը հրապարակավ քննադատեց Թրամփի վարչակազմի «Մեծ գեղեցիկ օրինագիծ»-ը (Big Beautiful Bill), որը նախատեսում էր հարկային արտոնությունների երկարաձգում և դաշնային ծախսերի կրճատում 1,5 տրիլիոն դոլարով: Փաստաթուղթը դարձավ ԱՄՆ նախագահի նախընտրական խոստումների իրականացումը:
«Ես հիասթափված էի՝ տեսնելով հսկայական ծախսերի օրինագիծը, որը, անկեղծ ասած, մեծացնում է դեֆիցիտը, այլ ոչ թե նվազեցնում այն», - ասել է Մասկը CBS-ին տված հարցազրույցում։ Հետագայում նա մեկ անգամ չէ, որ խոսել է այս փաստաթղթի մասին։ Մասնավորապես, գործարարն այն անվանել է «զզվելիություն» և հայտարարել, որ օրինագծի օգտին քվեարկած բոլոր կոնգրեսականները սխալ բան են արել և գիտեն դրա մասին։
Թրամփը հակադարձել է՝ ասելով, որ գործարարը «ինչպես ոչ ոք» գիտեր, թե ինչպես է ընթանում օրինագծի վրա աշխատանքը։
«Նա խնդիր չուներ դրա հետ (օրինագծի): Եվ հանկարծակի խնդիրը ծագեց և զարգացավ, երբ նա իմացավ, որ մենք պատրաստվում ենք չեղարկել էլեկտրական մեքենաների հարկային վարկը», - ասել է Սպիտակ տան ղեկավարը՝ հավելելով, որ ինքը կնախընտրեր, որ Tesla-ի և SpaceX-ի հիմնադիրը քննադատեր իրեն, այլ ոչ թե «Մեծ, գեղեցիկ օրինագիծ»-ը:
Մասկը պատասխանել է, որ ԱՄՆ նախագահի խոսքերը սուտ են, և որ փաստաթուղթը իրեն երբեք չեն ցույց տվել։
Այնուհետև գործարարն աջակցել է Թրամփի իմպիչմենտի կոչին՝ համաձայնելով X սոցիալական ցանցում արված գրառման հետ, որը կոչ էր անում հեռացնել Թրամփին և լիազորությունները տալ փոխնախագահ Ջ.Դ. Վենսին։ Մասկը «Այո՛» է պատասխանել գրառմանը, որը գրել է. «Նախագահն ընդդեմ Իլոնի։ Ո՞վ կհաղթի։ Ես խաղադրույք եմ կատարում Իլոնի վրա։ Թրամփը պետք է իմպիչմենտի ենթարկվի և փոխարինվի Ջ.Դ. Վենսով»։
Միլիարդատերը, ի թիվս այլ բաների, առաջարկել է ստեղծել չափավոր ընտրողների շահերը ներկայացնող նոր քաղաքական կուսակցություն։
Հայաստանի ֆուտբոլի ֆեդերացիայի մամուլի ծառայությունը ներկայացրել է ազգային ընտրանու հայտացուցակը Կոսովոյի դեմ ընկերական խաղի համար։
Կոսովո-Հայաստան ընկերական հանդիպումը կկայանա հունիսի 6-ին՝ ժամը 21։00-ին (Երևանի ժամանակով) Պրիշտինայի «Ֆադիլ Վոկրի» մարզադաշտում:
Հանդիպումը կսպասարկի ալբանական մրցավարական անձնակազմը։
Սարատովի մարզի Էնգելս քաղաքը հունիսի 6-ի գիշերը ենթարկվել է ուկրաինական անօդաչու թռչող սարքերի հարձակման, հայտնել է նահանգապետ Ռոման Բուսարգինը։ Նրա խոսքով՝ հարձակման հետևանքով հրդեհ է բռնկվել «արդյունաբերական ձեռնարկություններից մեկում»։ «Նախնական տվայլներով զոհեր չկան։ Բոլոր համապատասխան ծառայություններն աշխատում են դեպքի վայրում։ Մասնագետները ձեռնարկում են բոլոր անհրաժեշտ միջոցները՝ հետևանքները վերացնելու համար», - գրել է Բուսարգինն իր Telegram ալիքում։
Astra-ի փոխանցմամբ՝ հրդեհը բռնկվել է Ռոսրեզերվի «Կրիստալ» նավթամբարում, որը վառելիք է մատակարարում Էնգելս-2 ռազմական օդանավակայանին։ Վերջինս Տու-95ՄՍ և Տու-160 ռմբակոծիչների տեղակայման վայրն է։ Դրանից առաջ ուկրաինական անօդաչու թռչող սարքերը տարվա սկզբին երկու անգամ հարձակվել են նավթամբարի վրա։ Հունվարի 8-ին առաջին հարձակման արդյունքում ոչնչացվել է 120 հազար խորանարդ մետր տարողությամբ երեք բաք, իսկ վեցը՝ վնասվել։ Սա հանգեցրել է մոտ 800 հազար տոննա վառելիքի կորստի։ Երկրորդ հարձակումը տեղի է ունեցել հունվարի 14-ին, երբ օբյեկտում հրդեհը դեռևս լիովին չէր մարվել։
Բացի այդ, հունիսի 6-ին Էնգելսի վրա անօդաչու թռչող սարքերի հարձակման ժամանակ անօդաչու սարքերից մեկը հարվածել է Թելմանա փողոցում գտնվող բնակելի համալիրին: Բնակիչները տարհանվել են, և առավոտյան նահանգապետը հայտարարել է, որ վտանգ չկա, և տարհանվածները շուտով կկարողանան վերադառնալ իրենց բնակարաններ: Անօդաչու սարքի՝ տանը հարվածելու հետևանքով ոչ ոք չի տուժել: Միևնույն ժամանակ, Saratov Online Telegram ալիքի կողմից հրապարակված կադրերում երևում է, որ հարվածից հետո բնակելի համալիրի վերին հարկերից մեկի պատշգամբը հրդեհվել է:
«Էպշտեյնի արխիվ», էլեկտրական մեքենաների սուբսիդիաներ և իմփիչմենթ. Թրամփի և Մասկի վեճը շարունակվում է
ԱՄՆ նախագահ Դոնալդ Թրամփը և գործարար Իլոն Մասկը հրապարակավ վիճել են։ Միլիարդատերը Սպիտակ տան ղեկավարին «ստախոս» է անվանել, ասել է, որ առանց նրա Թրամփը չէր հաղթի ընտրություններում և անուղղակիորեն մեղադրել է նրան մանկապղծության համար։ Թրամփը պատասխանել է, որ ձեռնարկատերը «խելագարվել» է և առաջարկել, որ Մասկի ընկերություններն այլևս չստանան պետական սուբսիդիաներ և պայմանագրեր: Թե ինչ չեն կիսել նախագահն ու միլիարդատերը, ներկայացված է Gazeta.Ru-ի հոդվածում:
Նախօրեին ԱՄՆ նախագահ Դոնալդ Թրամփը հայտարարել է, որ հիասթափված է իր երբեմնի դաշնակից Իլոն Մասկից։ Սպիտակ տան ղեկավարն այս մասին խոսել է Գերմանիայի կանցլեր Ֆրիդրիխ Մերցի հետ հանդիպման ժամանակ։
«Ես շատ հիասթափված եմ Իլոնից, ես շատ եմ օգնել Իլոնին», - ասել է Թրամփը՝ հավելելով, որ նախկինում լավ հարաբերություններ է ունեցել գործարարի հետ, բայց չգիտի՝ հիմա այդպես է, թե ոչ։
Ավելի ուշ Truth Social սոցիալական ցանցում ԱՄՆ նախագահն առաջարկել է այլևս չտրամադրել պետական սուբսիդիաներ և պայմանագրեր Իլոն Մասկի ընկերություններին։ Սպիտակ տան ղեկավարի բոլոր հայտարարություններին ի պատասխան՝ Մասկը նրան մի քանի անգամ «ստախոս» է անվանել, գրել է, որ առանց իրեն Թրամփը չէր հաղթի ընտրություններում: Մասկն ավելի հեռուն է գնացել՝ հայտարարելով, որ ԱՄՆ նախագահի անունը շոշափված է Ջեֆրի Էպշտեյնի՝ անչափահասներին սեռական շահագործման ենթարկելու՝ փաստացի մանկապղծության սկանդալային գործում։ Միլիարդատիրոջ խոսքով՝ Թրամփի ներգրավվածություն է պատճառը, որ այս գործով փաստաթղթերը չեն հրապարակվում:
«Ժամանակն է իսկական ռումբ նետելու. Դոնալդ Թրամփն Էպշտեյնի արխիվներում է։ Ահա թե ինչու փաստաթղթերը դեռ չեն հրապարակվել։ Լավ օր եմ մաղթում, Դոնալդ Ջոն Թրամփ», - գրել է ձեռնարկատերը X-ում։
Թրամփը, մեկնաբանելով Մասկի խոսքերը «Էպշտեյնի արխիվում» հայտնվելու մասին, ասել է, որ միլիարդատերը խելագարվել է։
«Իլոնը խելագարվել էր, ես նրան խնդրեցի հեռանալ, ես հետ եմ կանչել էլեկտրական մեքենաների գնման արտոնագիրը, որը բոլորին ստիպում էր գնել էլեկտրական մեքենաներ, որոնք այլևս ոչ ոք չէր ուզում գնել (նա գիտեր, որ ես դա անելու եմ ամիսներ շարունակ), և նա պարզապես խելագարվեց», - գրել է ԱՄՆ նախագահը։
Դրանից հետո Մասկը հայտարարել է, որ Սպիտակ տան ղեկավարի կողմից սահմանված սակագները կհանգեցնեն ռեցեսիայի տարվա երկրորդ կեսին, և հայտարարել է, որ ԱՄՆ նախագահի վերջին հայտարարությունների լույսի ներքո իր SpaceX ընկերությունն անմիջապես կսկսի շահագործումից հանել Dragon տիեզերանավը՝ անձնակազմեր և բեռ Միջազգային տիեզերակայան հասցնելու համար, ինչը կարող է ազդել երկրի տիեզերական ծրագրի վրա։
Ինչո՞ւ են վիճել Մասկն ու Թրամփը
Մայիսի վերջին Իլոն Մասկը հրապարակավ քննադատեց Թրամփի վարչակազմի «Մեծ գեղեցիկ օրինագիծ»-ը (Big Beautiful Bill), որը նախատեսում էր հարկային արտոնությունների երկարաձգում և դաշնային ծախսերի կրճատում 1,5 տրիլիոն դոլարով: Փաստաթուղթը դարձավ ԱՄՆ նախագահի նախընտրական խոստումների իրականացումը:
«Ես հիասթափված էի՝ տեսնելով հսկայական ծախսերի օրինագիծը, որը, անկեղծ ասած, մեծացնում է դեֆիցիտը, այլ ոչ թե նվազեցնում այն», - ասել է Մասկը CBS-ին տված հարցազրույցում։ Հետագայում նա մեկ անգամ չէ, որ խոսել է այս փաստաթղթի մասին։ Մասնավորապես, գործարարն այն անվանել է «զզվելիություն» և հայտարարել, որ օրինագծի օգտին քվեարկած բոլոր կոնգրեսականները սխալ բան են արել և գիտեն դրա մասին։
Թրամփը հակադարձել է՝ ասելով, որ գործարարը «ինչպես ոչ ոք» գիտեր, թե ինչպես է ընթանում օրինագծի վրա աշխատանքը։
«Նա խնդիր չուներ դրա հետ (օրինագծի): Եվ հանկարծակի խնդիրը ծագեց և զարգացավ, երբ նա իմացավ, որ մենք պատրաստվում ենք չեղարկել էլեկտրական մեքենաների հարկային վարկը», - ասել է Սպիտակ տան ղեկավարը՝ հավելելով, որ ինքը կնախընտրեր, որ Tesla-ի և SpaceX-ի հիմնադիրը քննադատեր իրեն, այլ ոչ թե «Մեծ, գեղեցիկ օրինագիծ»-ը:
Մասկը պատասխանել է, որ ԱՄՆ նախագահի խոսքերը սուտ են, և որ փաստաթուղթը իրեն երբեք չեն ցույց տվել։
Այնուհետև գործարարն աջակցել է Թրամփի իմպիչմենտի կոչին՝ համաձայնելով X սոցիալական ցանցում արված գրառման հետ, որը կոչ էր անում հեռացնել Թրամփին և լիազորությունները տալ փոխնախագահ Ջ.Դ. Վենսին։ Մասկը «Այո՛» է պատասխանել գրառմանը, որը գրել է. «Նախագահն ընդդեմ Իլոնի։ Ո՞վ կհաղթի։ Ես խաղադրույք եմ կատարում Իլոնի վրա։ Թրամփը պետք է իմպիչմենտի ենթարկվի և փոխարինվի Ջ.Դ. Վենսով»։
Միլիարդատերը, ի թիվս այլ բաների, առաջարկել է ստեղծել չափավոր ընտրողների շահերը ներկայացնող նոր քաղաքական կուսակցություն։
Հունիսի 6-ին Երևանում՝ Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոյի այցի շրջանակներում անցկացվում է Հայ-ռուսական միջտարածաշրջանային 10-րդ ֆորումը։
Ֆորումն առաջատար քննարկման հարթակ է, որը միավորում է Ռուսաստանի և Հայաստանի պետական մարմինների, գործարար և փորձագիտական շրջանակների ներկայացուցիչներին և տնտեսական ոլորտի ամենամեծ և նշանակալի երկկողմ հանրային միջոցառումներից մեկն է։
Ֆորումի շրջանակներում կկայանա լիագումար նիստ։ Նախատեսված են Ռուսաստանի և Հայաստանի պատվիրակությունների ղեկավարների, երկու երկրների տարածաշրջանների ղեկավարների ելույթներ, ինչպես նաև Ռուսաստանի և Հայաստանի գործարար շրջանակների ներկայացուցիչների զեկույցներ։ Լիագումար նիստը կավարտվի երկկողմ փաստաթղթերի ստորագրման արարողությամբ։
Սյունիքի երկու անչափահաս բնակիչ մոլորվել և հայտնվել են Ադրբեջանի տարածքում, հայտնում են ՀՀ ԱԱԾ-ից։
«Տեղ համայնքի բնակիչներ Կարեն Արմենի Ջհանգիրյանը (ծնված 27.06.2007թ.) և Անդրեյ Արմենի Գյագունցը (ծնված 13.01.2008թ.) հունիսի 6-ին՝ ժամը 01:20-ի սահմաններում, Արավուս գյուղի հարակից հատվածում՝ տեղանքում մոլորվելու հետևանքով հայտնվել են Ադրբեջանի տարածքում։
Ձեռնարկվում են անհրաժեշտ բոլոր միջոցները՝ քաղաքացիների գտնվելու վայրը պարզելու և նրանց անվտանգ վերադարձն ապահովելու ուղղությամբ»,- նշված է հաղորդագրության մեջ։
Ֆոտո
