Ժամը 11:00-ի դրությամբ, Արմավիրի մարզի Փարաքար համայնքի ավագանու ընտրություններին մասնակցել է 3094 ընտրական իրավունք ունեցող անձ կամ ընտրողների 14.76%-ը: Այս մասին տեղեկացնում են ԿԸՀ-ից:
Գյումրի համայնքի ավագանու արտահերթ ընտրություններին, ժամը 11:00-ի դրությամբ, մասնակցել է 8100 ընտրող կամ ընտրական իրավունք ունեցող քաղաքացիների 7.28%-ը:
Երկու համայնքներում միասին քվեարկությանը մասնակցել է 11194 ընտրող կամ ընտրական իրավունք ունեցող քաղաքացիների 8.47%-ը:
Գյումրիում և Փարաքարում այսօր ավագանու արտահերթ ընտրություններ են։
Գյումրիում մասնակցության հայտ է ներկայացրել 6 կուսակցություն և 3 դաշինք, Փարաքարում՝ 3 կուսակցություն և կուսակցությունների 1 դաշինք:
ՆԳՆ-ի կողմից ԿԸՀ-ին տրամադրված տեղեկությունների համաձայն՝ Փարաքար համայնքի 16 տեղամասերում ընտրողների թիվը 20 967 է, իսկ Գյումրու 82 տեղամասերում՝ 111 236․ երկու համայնքներում էլ տեղամասերը կտեսահսկվեն:
Փարաքար համայնք
«Քաղաքացիական պայմանագիր» կուսակցություն՝ 1,
«Միասնություն» կուսակցությունների դաշինք՝ 2,
«Ազգային առաջընթաց» կուսակցություն՝ 3,
«Կայունություն» կուսակցություն՝ 4։
Գյումրի համայնք
«Քաղաքացիական պայմանագիր» կուսակցություն՝ 1,
Հայաստանի կոմունիստական կուսակցություն՝ 2,
«Ապրելու երկիր» կուսակցություն՝ 3,
«Մայր Հայաստան» կուսակցությունների դաշինք՝ 4,
Հայաստանի աշխատավորական սոցիալիստական կուսակցություն՝ 5,
«Եվրադաշինք» կուսակցությունների դաշինք՝ 6,
«Դեմոկրատական այլընտրանք» կուսակցություն՝ 7,
«Մեր քաղաքը» կուսակցությունների դաշինք՝ 8,
«Իմ հզոր համայնք»՝ 9։
Ընտրությունները մեկնարկում են ժամը 08։00-ից։ Քվեարկությունը կավարտվի ժամը 20։00-ին։
Ընտրությունների նախնական արդյունքները, համաձայն ժամանակացույցի, ամփոփվում և արձանագրությամբ վավերացվում են 31․03․2025-ին՝ մինչև ժամը 14։00-ն։
Մենք կկառուցենք Գյումրին կառավարության, պետության գումարներով: Այս մասին, այսօր՝ մարտի 30-ին, Գյումրիի ավագանու ընտրություններում իր քաղաքացիական պարտքը կատարելուց հետո լրագրողների հետ զրույցում նշեց «Մեր քաղաքը» կուսակցությունների դաշինքի կողմից առաջադրված քաղաքապետի թեկնածու Մարտուն Գրիգորյանը:
«ՔՊ-ն 7 տարի երկրում իշխանության է, կոալիցիոն կառավարում էին Գյումրին, այդ ընթացքում կարող էին վերացնել Գյումրիի պրոբլեմները, քանի որ 7 մլրդ դրամով պետական բյուջեն ավելացել է»,-ասաց նա:
Մարտուն Գրիգորյանը նշեց, որ ՔՊ-ի թեկնածու Սարիկ Մինասյանին ճանաչել եմ որպես նորմալ մարդ, բայց շատ մոտ հարաբերություններ չի ունեցել:
Հռոմի պապ Ֆրանցիսկոս I-ն իր առողջական վիճակի «իսկապես զգալի բարելավում» է ունեցեցլ Վատիկան վերադառնալուց հետո՝ կրկնակի թոքաբորբի կյանքին սպառնացող նոպայից հետո, շաբաթ օրն ասել է բժիշկը, ով համակարգել է պոնտիֆիկոսի հնգշաբաթյա հոսպիտալացումը, հաղորդում է Associated Press-ը:
«Ես նրան շատ կենսուրախ եմ համարում», - ասել է բժիշկ Սերխիո Ալֆիերին, ով Հռոմի Գեմելի հիվանդանոցից դուրս գրվելուց երեք օր անց այցելել է Հռոմի պապին: «Ես հավատում եմ, որ նա կվերադառնա, եթե ոչ 100 տոկոսով, ապա 90 տոկոսով այն վիճակին, ինչ նախկինում էր»:
Սակայն, Ֆրենսիսը թուլացած և թույլ էր թվում, երբ կիրակի օրը հիվանդանոցի պատշգամբից ողջունեց ծխականների ամբոխին, նշում է Associated Press-ը:
Նա կարողացավ միայն մասամբ բարձրացնել իր ձեռքը ժողովրդին օրհնելու համար և օդ էր քաշում, երբ իրեն անիվներով հետ էին տանում:
ԱՄՆ պաշտպանության նախարար Փիթ Հեգսեթն ուրբաթ օրը հուշագիր է ստորագրել՝ ուղղված պաշտպանության նախարարության քաղաքացիական աշխատուժի կրճատմանը, հայտնում է CNN-ը։
Հուշագրում ասվում է, որ քաղաքացիական պաշտոնների կրճատումը կավելացնի ռեսուրսներն այն տարածքներում, որտեղ «մեզ ամենաշատն անհրաժեշտ են դրանք»:
Այս քայլը վերակենդանացրեց աշխատանքից ազատման հետաձգված ծրագիրը և առաջարկեց կամավոր վաղաժամկետ թոշակի անցնել բոլոր իրավասու աշխատակիցներին, ասել է Պենտագոնը:
Ավելի վաղ՝ հունվարին, ծրագիրն աշխատակիցներին առաջարկել էր գումարներ և վաղաժամկետ ազատումներ: Հուշագրում չի նշվում քաղաքացիական պաշտոնների թիվը, որոնք կկրճատվեն, սակայն գերատեսչությունը փետրվարին հայտարարեց, որ պլանավորում է, ի վերջո, աշխատանքից ազատել բանակի մոտ 950,000 քաղաքացիական ծառայողների 5%-ից 8%-ին:
«Բացառությունները պետք է հազվադեպ լինեն», - ասվում է Հեգսեթի հուշագրում: «Իմ մտադրությունն է առավելագույնի հասցնել մասնակցությունը, որպեսզի մենք կարողանանք նվազագույնի հասցնել հարկադիր գործողությունների քանակը, որոնք կարող են պահանջվել ռազմավարական նպատակներին հասնելու համար»:
«Անկախ դիտորդը» ԿԸՀ դիմում է ներկայացնելու` լռության օրվա սահմանափակումների խախտումների մասով։ Այս մասին տեղեկացրել է «Անկախ դիտորդ» առաքելության ներկայացուցիչ Դանիել Իոաննիսյանը։
«Մասնավորապես, Գյումրու ընտրություններին մասնակցող երկու քաղաքական ուժ և մեկ այլ սուբյեկտ (Բագրատ արքեպիսկոպոս Գալստանյանը) այսօր համացանցում առերևույթ պրոակտիվ քարոզչություն ու հակաքարոզրություն են իրականացրել` խախտելով Ընտրական օրենսգրքի 19-րդ հոդվածը։
Նշված արարքը վարչական իրավախախտում է և դրա համար ՎԻՎՕ 40.1 հոդվածով նախատեսված է 400-ից 600 հազար դրամի տուգանք», - նշված է հայտարարությունում։
Թուրքիայի նախագահ Ռեջեփ Էրդողանը հեռախոսազրույց է ունեցել Իրանի նախագահ Մասուդ Պեզեշքիանի հետ։ Այդ մասին հայտնել է Թուրքիայի նախագահի մամուլի ծառայությունը:
Նշվում է, որ կողմերը քննարկել են երկկողմ հարաբերությունների օրակարգը: Մտքեր են փոխանակվել նաև տարածաշրջանային և միջազգային հարցերի շուրջ:
Էրդողանը նշել է, որ Անկարան շարունակելու է ջանքեր գործադրել երկկողմ հարաբերությունների զարգացման համար: Հեռախոսազրույցի ընթացքում Թուրքիայի նախագահը շնորհավորել է իր գործընկերոջը Ռամազանի տոնի կապակցությամբ:
Այսօր՝ մարտի 29-ին, սպանություն է տեղի ունեցել Կոտայքի մարզում։ Ժամը 20։10-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Կոտայքի մարզային քրեական վարչությունում օպերատիվ տեղեկություններ են ստացվել, որ քաղաքացիների կողմից «Չարենցավան» բժշկական կենտրոն են տեղափոխվել 1 մահացած և 3 վիրավոր քաղաքացիներ։
Shamshyan-ի հաղորդմամբ՝ ստիկաններն ու պարեկները հիվանդանոցի մոտ հայտնաբերել են «Porsche Cayenne» և «Jeep» մակնիշի ավտոմեքենաներ և ըստ օպերատիվ տեղեկությունների նշված ավտոմեքենաներով են տեղափոխել վիրավորներին։
Այս պահին քրեական և համայնքային ոստիկաններն ու պարեկները պարզում են մահացածի, վիրավորների ինքնությունը, ինչպես նաև որտեղ և ինչ հանգամանքներում է տեղի ունեցել դեպքը։
Ավելին՝ սկզբնաղբյուրում։
Վաշինգտոնն ակնկալում է Գրենլանդիայի անկախությունը Դանիայից և հետագա խաղաղ միացումը ԱՄՆ-ին՝ առանց ռազմական ուժի կիրառման՝ Գրենլանդիա կատարած այցի ավարտին տեղի ունեցած մամուլի ասուլիսի ժամանակ հայտարարել է ԱՄՆ փոխնախագահ Ջեյ Դի Վենսը:
ԱՄՆ փոխնախագահը նշել է, որ Վաշինգտոնը «կհարգի անկախ Գրենլանդիայի ինքնիշխանությունը», ռազմական ուժ չի օգտագործի Գրենլանդիան գրավելու համար, բայց կարող է օգտագործել իր զինված ուժերը՝ պաշտպանվելու Ռուսաստանի կամ Չինաստանի ներխուժումներից։
Նա մեղադրել է Դանիային Գրենլանդիայի անվտանգության համար բավականաչափ ներդրումներ չանելու համար: Վենսի խոսքով՝ Թրամփը հավատում է, որ Գրենլանդիան ոչ միայն Միացյալ Նահանգների, այլև աշխարհի անվտանգության կարևոր բաղադրիչն է։
Արցախցիների իրավունքների պաշտպանության խորհուրդը հայտարարություն է տարածել․
«Սիրելի՛ հայրենակիցներ,
Շնորհակալություն բոլորին՝ այսօրվա մեծ հանրահավաքին մասնակցելու համար:
Ինչպես հայտարարվել է, մեր պայքարը շարունակվում է՝ Արցախի ժողովրդի իրավունքների պաշտպանության համար: Մեր ձայնը պետք է հարգվի և մեր պահանջները՝ կատարվեն ՀՀ իշխանությունների և միջազգային հանրության կողմից:
Հանրահավաքի բազմաթիվ մասնակիցներ դեռ գտնվում են Ազատության հրապարակում, իսկ Արցախցիների իրավունքների պաշտպանության խորհրդի կողմից վրան է տեղադրվել այստեղ՝ պայքարի գործողությունները համակարգելու համար: Ոստիկանության կողմից չի թույլատրվել լրացուցիչ վրանների տեղադրումը:
Խորհուրդը նախատեսում է ամենօրյա ռեժիմով բողոքի և իրազեկման ակցիաներ իրականացնել, որոնց վերաբերյալ նախապես իրազեկելու ենք ձեզ՝ հայցելով ձեր ակտիվ մասնակցությունը:
ՄԻԱՍԻՆ՝ ՀԱՆՈՒՆ ՄԵՐ ԻՐԱՎՈՒՆՔՆԵՐԻ»:
Ֆոտո
