«Մենք դեմ չենք սահմանազատմանը և սահմանագծմանը»,- MediaHub-ի հետ զրույցում ասում է Արարատի մարզի՝ Նախիջևանի հետ սահմանին ամենամոտ Երասխի գյուղի բնակչուհին։

Ըստ նրա՝ մեկ բան է դե ֆակտո սահման, մեկ այլ բան՝ դե յուրե, բայց ժողովրդի կասկածամտությունը տեղին է։

«2020-ից էս կողմ զիջում ենք, նվիրում։ Դուք լսե՞լ եք, որ Ադրբեջանը կես քայլ հետ է գնացել, զուտ նրա համար, որ դա հայկական տարածք է, ես չեմ հիշում նման բան, որովհետև չի եղել։ Ալիևը ճիշտ ա անում, որովհետև Ղարաբաղը նվիրեց, պարզ չի՞, որ հիմա Հայաստանն է ուզելու»,- MediaHub-ին իր մտահոգությունն է հայտնում սահմանամերձ գյուղի բնակիչը:

Մեր զրուցակիցը կլքի Երասխը, եթե Տիգրանաշենի հանձնման լուրերը համապատասխանեն իրականությանը։ 

«Ես չգիտեմ՝ ձեզ ինչ կասեն Երասխի մյուս բնակիչները, նրանք մի պաշտոնյա են տեսնում, գնում, ոտքերն են ընկնում, բայց ես ասում եմ՝ ինչ Ադրբեջանի դրոշը կախվել է մեր դիմացի բլրից, էստեղ արտագաղթի տրամադրություններ են։ Գոնե ես ամեն օր լսում եմ այդ մասին։ Ամերիկան գործարան բացեց, Ալիևի սրտով չէր, Նիկոլը դա նորից քանդել տվեց ու տեղափոխեց։ Սրանից հետո էստեղ մնալը համարո՞ւմ եք անվտանգ»,- հարցնում է նա, ապա մտահոգվում, թե ինչո՞ւ և ինչպե՞ս հասանք այս իրականությանը։

Ըստ մեր զրուցակցի՝ Նիկոլ Փաշինյանն օգտվում է իր քայլերը լեգիտիմացնող անգրագետ ու սահմանի տեղը չիմացող հասարակությունից։ 

«Ես ադրբեջանցիներին հիշում եմ դեռ առաջին պատերազմից առաջ, երբ հայերի ունեցվածքն էին գողանում, մարդկանց առևանգում, ավտոբուսներին քարերով հարվածում։ Չեմ հավատում, նախ, որ խաղաղության պայմանագիր կստորագրվի և երկրորդ, որ խաղաղություն կլինի»,- հավելեց մեր զրուցակիցը։

Հունան Թադևոսյան

Ներքին գործերի նախարարությունը հորդորում է մանիպուլացնող հրապարակումներով կասկածելի ինչ-որ դրվագներ չփորձել փնտրել կարևորագույն ծառայությունների՝ Ոստիկանության և Փրկարար ծառայության ղեկավարների կենսագրություններում։

Բանն այն է, որ մամուլում հրապարակումներ են հայտնվել, ըստ որոնց՝ իբր ոստիկանության պետ Արամ Հովհաննիսյանի և Փրկարար ծառայության պետ Կամո Ցուցուլյանի կենսագրականներում որոշ տարեթվերի բացակայում են տվյալները, թե այդ ժամանակահատվածում նրանք ինչով են զբաղվել:

Այս պահին Տաշիրի շրջակայքում առկա է պտտահողմ: Այդ մասին ասված է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանի Ֆեյսբուքի էջում:

Ավելի վաղ տեղեկացրել էինք, որ հունիսի 18-ին հանրապետության շրջանների զգալի մասում սպասվում է անձրև և ամպրոպ, առանձին վայրերում՝ ինտենսիվ:

Հիշեցնենք, որ նախօրեին Ստեփանավանի շրջակայքում և Լոռու մարզի Արմանիս գյուղում ևս պտտահողմեր էին դիտվել:

Ուկրաինան պետք է հաղթի Ռուսաստանի հետ պատերազմում, որպեսզի կարողանա միանալ Հյուսիսատլանտյան դաշինքին (ՆԱՏՕ):

Այս մասին լրագրողների համար հերթական ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Առաջին հերթին նրանք պետք է հաղթեն այս պատերազմում», - ասել է Քիրբին՝ մեկնաբանելով Ուկրաինայի՝ Հյուսիսատլանտյան դաշինքին միանալու հեռանկարները։

Քիրբիի խոսքով՝ ԱՄՆ նախագահ Ջո Բայդենը շարունակում է կարծել, որ Ուկրաինան ապագայում պետք է անդամակցի ՆԱՏՕ-ին։

«Նախագահը հայտարարել է, որ հավատում է ՆԱՏՕ-ի ներկայությանն Ուկրաինայի ապագայում: Բայց դեռ շատ բան կա անելու, մինչև նրանք կարողանան միանալ դաշինքին, ինչպես և ցանկացած անդամ՝ նախքան դաշինքին միանալը: Այնուամենայնիվ, նախագահը հաստատապես հավատում է, որ ՆԱՏՕ-ն կա Ուկրաինայի ապագայում»,- նշել է Քիրբին։

Բացի այդ, նա հավելել է, որ ՆԱՏՕ-ին անդամակցելու համար Կիևը պետք է աշխատի Ուկրաինայում կոռուպցիան արմատախիլ անելու համար։

«Կոռուպցիան անհանգստության տեղիք է տալիս, սակայն, իհարկե, ցանկացած երկիր, որը ցանկանում է միանալ դաշինքին, պետք է այլ գործողություններ ձեռնարկի»,- ասել է Քիրբին։

Նա նաև հայտարարել է, որ ՆԱՏՕ-ի ընդլայնման որոշումը կայացնում են նրա բոլոր անդամները։

«ԱՄՆ-ն չի կարող կախարդական կերպով դա անել», - խոստովանել է Քիրբին:

Ուր գնում ենք, ասում են՝ եկեք խաչքար դնենք: Այս մասին Սիսիանի ավագ դպրոցի աշակերտների հետ հանդիպմանն ասաց վարչապետ Նիկոլ Փաշինյանը:

«Ինչքա՞ն խաչքար դնենք, հասկացանք՝ 1, 2, 10, 50, 100: Եկեք ամեն մեկի վզից մի հատ խաչքար կախենք, ասենք քարշ տվեք երեխեք, սա ձեր առաքելությունն է:

Մեծ խաչքարեր կախենք երեխաների ոտքից, ասենք դե քարշ տվեք, որովհետև Վարդան Մամիկոնյանի սերունդներն եք դուք:

Մեր նահատակները զոհվել են, որ երեխաների վզերից խաչքարերը կախենք հա՞, ոչ զոհվել են, որ ապրեն, որ կյանքը վայելեն, որ կյանքից հաճույք ստանան:

Այս փոփոխությունն է հիմա տեղի ունենում Հայաստանում»,- ասաց նա:

Որևէ իշխանական քմահաճույքով, ցանկությամբ կամ իրենց գծած սցենարով մենք չենք գնալու:

Այս մասին ՀՅԴ գրասենյակում մամուլի ասուլիսի ժամանակ հայտարարեց ԱԺ «Հայաստան» խմբակցության քարտուղար Արծվիկ Մինասյանը:

«Մանդատները վայր դնելը մեր օրակարգում կա և դրա հետևանքը պետք է լինի Նիկոլ Փաշինյանի հեռացման ամբողջական փաթեթի իրացումը, որի ուղղությամբ էլ տարբեր սցենարներ կան»,- նշեց նա:

Պաշտպանության նախարարությունը հանրային քննարկման է ներկայացրել «Վարժական հավաքներ հայտարարելու մասին» Կառավարության որոշման նախագիծը։ 

Որոշման նախագծի համաձայն՝ նախատեսվում է 2024թ. սեպտեմբերի 15-ից դեկտեմբերի 15-ը անցկացնել պահեստազորայինների վարժական հավաքներ, սահման­վում են վարժական հավաքների անցկացման նպատակները, ներգրավվող պահեստազորայինների կազմերը, ընդհանուր թիվը և մասնագիտությունները, յուրաքանչյուր մասնագիտությամբ հավաքների ժամկետները և պահեստազորայինների թիվը»:

Հիմնավորման մեջ նշված է, որ որոշման նախագծի ընդունումը պայմանավորված է պահեստազորի առաջին խմբում հաշվառված շարքային, ենթասպայական և սպայական կազմերի պահեստազորայինների ռազմական հմտությունների կատարելագործման, վերապատրաստման և պատրաստման   վարժական հավաքների անցկացման անհրաժեշտությամբ:

«Պահեստազորային պատրաստության շրջանակներում վարժական հավաքների անցկա­ցումը պլանավորված է ՀՀ կառավարության 2023 թվականի համապատասխան որոշմամբ, դրանց նպատակն է զորքերի համալրումն ավելի պատրաստված և անհրաժեշտ  զինվորական հաշվառման մասնագիտու­թյուն ունեցող պահեստա­զորա­յին­ներով, ինչպես նաև պահեստա­զո­րում հաշվառված քաղաքացիների մասնագիտական պատրաստ­վա­­ծության որակի բարձրա­ցումը` պահեստազորում կուտակելով համա­պատասխան զին­վորական հաշվառման մասնագի­տու­թյուն ունեցող պահես­տազորայիններ:

Ուկրաինայի իշխանությունները դեռ կարող են ընդունել ՌԴ նախագահ Վլադիմիր Պուտինի՝ խաղաղ կարգավորման առաջարկները, հակառակ դեպքում ռուսական զորքերի հարձակումը կշարունակվի, և իրավիճակը կփոխվի ոչ հօգուտ Կիևի։ Այս մասին լրագրողներին հայտնել է ՌԴ Անվտանգության խորհրդի փոխնախագահ Դմիտրի Մեդվեդևը։

«Եթե խոսեմ միանգամայն ուղիղ և անկեղծ, կարծում եմ, որ նախագահն ամեն ինչ ասել է այս մասին, որ յուրաքանչյուր հաջորդ առաջարկ, որը արվելու է Ռուսաստանի Դաշնության կողմից Ուկրաինայի ներկայիս իշխանություններին, անկախ նրանից, թե ինչպես ենք վերաբերվում նրանց, լինելու է նախորդից ավելի վատ: Հետևաբար, այժմ նրանք հնարավորություն ունեն ընդունելու նման առաջարկը, որը ձևակերպել է Վլադիմիր Պուտինը, և, ամեն դեպքում, փորձել խաղաղություն հաստատել՝ վերջ տալով հակամարտության այս հատվածին»,- ասաց նա։

Հակառակ դեպքում, շարունակել է Մեդվեդևը, Ռուսաստանի հարձակողական գործողությունները կշարունակվեն։

«Իսկ թե որտեղ կավարտվի այն սանիտարական գոտու սահմանը, որի մասին խոսել է մեր երկրի նախագահը, դժվար է ասել: Այդ ամենը ձեռնտու չի լինի ուկրաինական ներկայիս իշխանություններին հնարավորություն: Այնպես որ նրանք պետք է շտապեն, քանի դեռ նման հնարավորություն կա»,- հավելեց նա: