Հուլիսի 04, 2025
Երևանում մետրոյի վագոնները վնասած օտարերկրացիները մեղավոր ճանաչվեցին
Երևանի ընդհանուր իրավասության քրեական դատարանը, դատավոր Ջոն Հայրապետյանի նախագահությամբ, մեղավոր ճանաչեց Ռուսաստանի և Լիտվայի քաղաքացիներին, որոնք փետրվարին վնասել էին Երևանի մետրոյի վագոնները։
Հանրային մեղադրողը ներկայացրեց համաձայնության արձանագրությունները։ Բոլոր մեղադրյալներն ընդունել են իրենց առաջադրված մեղադրանքը, զղջացել արարքի համար և վերականգնել Կարեն Դեմիրճյանի անվան Երևանի մետրոպոլիտենին պատճառված վնասը։ Ըստ այդմ՝ մեղադրյալների նկատմամբ համաձայնեցված պատիժ նշանակվեց վարչական տույժը՝ 1,5 միլիոն ՀՀ դրամի չափով, ազատազրկումը՝ 3 ամիս ժամկետով և լրացուցիչ պատիժ՝ ՀՀ տարածքից վտարումը՝ 10 տարի ժամկետով։
Հիշեցնենք՝ փետրվարի 1-ին հայտնի դարձավ, որ ժամը 21:12-ին, «Սասունցի Դավիթ» կայարանից դեպի «Զորավար Անդրանիկ» երթևեկող գնացքն արտակարգ կանգառ է արել։ Քաղաքացին գնացքի միջից սեղմել է արգելակման համար «ստոպ» կոճակը, գնացքն արգելակել է։ Մինչ մեքենավարը դիսպետչերին զեկուցել է կատարվածի մասին, այդ ընթացքում բաց տարածքում 4-5 հոգի անցել են պատն ու ներկել գնացքը։
ՆԳՆ-ից էլ ավելի ուշ հայտնեցին, որ խուլիգանության կասկածանքով ձերբակալվել են Բագրատաշենի սահմանային անցակետը հատել փորձող հինգ օտարերկրացիներ։ Նշված հանցագործությունը կատարելու կասկածանքով բերման էին ենթարկվել Լիտվայի Հանրապետության քաղաքացի 36-ամյա Լուկաս Ռևինսկասը, ՌԴ քաղաքացիներ 20-ամյա Գեորգի Ռադգինը, 20-ամյա Սավելի Բիրյուկովը, 27-ամյա Նիկիտա Վոլչենկովը, 19-ամյա Ստեփան Սայը:
Latest from Live24
- Ստորագրությունները կան. Միքայել Սրբազանին էլ, Դավիթ Համբարձումյանին էլ կողմ ենք. Լևոն Քոչարյան
- ԱՄՆ-ի աջակցությամբ Իսրայելը «պատանդ» է դարձրել Մերձավոր Արևելքի ճակատագիրը. Իրանի նախագահը՝ օկnւպացված Ստեփանակերտում
- «Տաշիր գրուպ»-ում խուզարկությունից հետո 4 հոգու մեղադրանք է առաջադրվել, նրանք կալանավորված են
- Անհամբեր սպասում ենք ընդհանուր արժեքների և շահերի վրա հիմնված ՀՀ-ԱՄՆ ռազմավարական գործընկերության խորացմանը. ՀՀ ԱԳՆ
- Այսօրվանից Ուջանի մոտից երթևեկությունը կտեղափոխվի Հյուսիս-հարավի նորակառույց ճանապարհ
- Հրդեհ է բռնկվել «Yans» երաժշտական ակումբում
- Պուտինի հետ զրույցը ոչ մի առաջընթացի չի հանգեցրել Ուկրաինայի հետ հրադադարի հարցում. Թրամփ
- Անհրաժեշտության դեպքում Թրամփը պատրաստ է հանդիպել Իրանի ներկայացուցիչների հետ
Լրահոս
Prev
Next
Ֆոտո
