«Ժողովուրդ» օրաթերթը գրում է. «Երեկ ԱԺ նախկին պատգամավոր Անի Սամսոնյանը հայտարարեց, որ դուրս է գալիս «Լուսավոր Հայաստան» կուսակցությունից: Չնայած, որ Սամսոնյանն իր գրառման մեջ պատճառների մասին չէր խոսել, սակայն «Ժողովուրդ» օրաթերթին որոշ մանրամասներ են հայտնի դարձել այս մասին: Նախ՝ տեղեկացանք, որ Անի Սամսոնյանը դեռ վաղուց է ԼՀԿ-ն լքելու մտադրություն ունեցել, քանի որ տեւական ժամանակ տարբեր հարցերի շուրջ տարաձայնություններ է ունեցել կուսակցության առաջնորդ Էդմոն Մարուքյանի հետ: Մեր տեղեկություններով՝ այդ տարաձայնությունները դեռ եղել են այն ժամանակ, երբ պատերազմից ու ցավալի կորուստներից հետո Էդմոն Մարուքյանը որոշեց ստանձնել Նիկոլ Փաշինյանի՝ հատուկ հանձնարարություններով դեսպանի պաշտոնը ու տարբեր առիթներով աջակցում էր իշխանություններին: 

Մեր աղբյուրների փոխանցմամբ՝ Սամսոնյանի ու Էդմոն Մարուքյանի միջեւ տարաձայնությունները վերջին ժամանակահատվածում ավելի են խորացել, ինչի արդյունքում Սամսոնյանը որոշել է այլեւս իր ճանապարհը չշարունակել կուսակցության ներսում: Տեղեկացրել է Մարուքյանին ու լքել ԼՀԿ շարքերը: 

Նշենք, որ Սամսոնյանը կուսակցության առանցքային դեմքերից է, ու ակնհայտ է, որ այս որոշումը խոր արմատներ ունի: Ի դեպ, Անի Սամսոնյանը առաջիններից էր, որ Սրբազան շարժմանը իր աջակցությունն է հայտնել ու, կարծես թե, դա եւս նպաստել է վճռական որոշում կայացնելուն` ԼՀԿ-ից հեռանալու համար:

Ըստ մեր տեղեկությունների՝ Սամսոնյանը քաղաքականությունը չի թողնելու, իր ակտիվ գործունեությունը կշարունակի, սակայն դեռեւս պարզ չէ, թե ինչ ձեւաչափով: Անի Սամսոնյանը հայտարարել է, որ կուսակցությունը լքելու հետ կապված որեւէ մեկնաբանություն չի անելու. այդպես է որոշել, եւ վերջ:

Հիշեցնենք, որ ԼՀԿ-ն լքած առաջին կին ներկայացուցիչ նախկին պատգամավորը Աննա Կոստանյանն էր, որը այժմ Սրբազան շարժման ակտիվ մասնակիցն է, արմատական ընդդիմություն»:

Ավելին՝ օրաթերթի այսօրվա համարում։ 

Անընդհատ չեն կարող փախչել, մի օր ստիպված գալու են ու մասնակցեն. Արծվիկ Մինասյան.

Տեսանյութ 

Օրումեջ հավաքվելու ենք Սուրբ Աննա եկեղեցու բակում մեր անելիքները քննարկելու, իրար չկորցնելու համար, հանրահավաքի ժամանակ նշեց Բագրատ Սրբազանը:

«Շաբաթ օրը մեծ երիտասարդական հավաք ենք ունենալու: Տեղի է ունենալու մեծ հանդիպում մեր երիտասարդների հետ. պարզապես խելառների ու խենթերի հավաք։ Մեր պայքարը նոր թափով, նոր ավյունով, նոր եռանդով, նոր կերպերով, նոր եղանակներով ու նոր դեմքերով շարունակվելու է:

Հսկայական դիրքեր են հիմա հանձնվում Ադրբեջանին։ Այս աղետը շարունակվելու է, հայրենիք հանձնելու գործընթացը չի կանգնելու»,- զգուշացրեց նա:

ՀՀ ԱԱԾ-ն պնդում է, թե հունիսի 12-ին Սուրեն Պետրոսյանն իրենց մոտ չի եղել։

Հիշեցնենք, որ հունիսի 12-ին Բաղրամյանում բավականին լարված իրավիճակ էր, ոստիկանությունը բիրտ ուժ է կիրառել քաղաքացիների նկատմամբ, ոմանց առեւանգել ու ծեծել, որի ժամանակ կորել էր նաեւ Սուրեն Պետրոսյանի հետ կապը։ Հաջորդ օրը տեղեկություն ստացվեց, որ խոսել է ընտանիքի հետ, բայց փաստաբանների հետ այդպես էլ կապ չէր հաստատել։ Նրա անունը չի եղել ոչ ձերբակալվածների, ոչ վնասվածք ստացած անձանց թվում։

«Փաստինֆո»-ն նշել էր, որ իր տեղեկություններով նա գտնվել է ԱԱԾ-ում, սակայն ինքը՝ Ս. Պետրոսյանը հրապարակավ առ այս պահը ոչ մի պարզաբանում չի տվել, թեեւ իր տունէ վերադարձել։

Բագրատ Սրբազանն այսօր լրագրողների հետ զրույցում ասել է, որ բավականին երկար զրույց է ունեցել Պետրոսյանի հետ՝ հենց նրա վերադառնալու օրը։ «Այն, ինչ պատմել է՝ բերման ենթարկելու կամ առւևանգման բնութագիր ունի։ Անմիջապես հաջորդ օրը, երբ իր հետ խոսել եմ, ասել է՝ սև մեքենա է եղել, ներկայացել են ԱԱԾ-ից։ Ցերեկը հեռաձայնած են եղել իրեն, որ հրավիրեն ինչ-որ հատուկ հանդիպման։ Հրավիրել են, հետո՝ երեկոյան եկել են հանրահավաքի, ձեռքերից բռնել են, մեքենան դրել ու տարել Հրազդանի կողմ»,- ասել էր Սրբազանը՝ նշել, որ թերեւս ցանկացել են իր գործունեության մասին իմանան։

Հունիսի 12-ից հետո Սուրեն Պետրոսյանը ներկա չի գտնվել ակցիաներին, իսկ հիմա էլ երկրում չէ։

«Փաստինֆո»-ն դիմեց ՀՀ ԱԱԾ-ին՝ պարզելու, թե ինչու էր Սուրեն Պետրոսյանը ԱԱԾ-ում, սակայն կառույցից հերքեցին՝ վստահեցնելով, որ Պետրոսյանն ԱԱԾ չի եկել, չի հրավիրվել և ԱԱԾ ծառայողներ նրան չեն տարել։

Այն, որ իրավապա մարմինները չեն հայտարարել, որ քննության առարկա են դարձրել Ս. Պետրոսյանի անհետանալու մասին տեղեկությունները, հիմք է տալիս ասելու, որ իրոք, նա գտնվել է ԱԱԾ-ում, բայց ոչ պաշտոնապես։ Նրա հետ շփումը եղել է «օպերատիվ» նկատառումներից ելնելով, ինչը բնականաբար ԱԱԾ-ն պաշտոնապես չի ընդունի։

Ինտենսիվ հանդիպումների շարք է լինելու, պատրաստվում ենք, կասեմ` երբ. Սրբազան.

Տեսանյութ

ԱՄՆ պետքարտուղարությունը ներկայացրել է ՀԱՊԿ-ից Հայաստանի հնարավոր դուրս գալու վերաբերյալ Վաշինգտոնի դիրքորոշումը, թե նման որոշում կայացնելը պաշտոնական Երևանի իրավասության դաշտում է:

«Սա Հայաստանի կառավարության որոշելիքն է, և մենք հարգում ենք դա։ Ոչինչ չենք տեսել, որը կվկայեր այն մասին, թե Ռուսաստանի ռազմական ներկայությունը նպաստում է Հարավային Կովկասի՝ ավելի խաղաղ և կայուն տարածաշրջան լինելուն»,- «Ամերիկայի ձայնի» հայկական ծառայության հարցմանն ի պատասխան արձագանքել են ԱՄՆ պետքարտուղարությունից։

#ՀԻՄԱ. ԱԺ-ՈՒՄ ԱՐՏԱՀԵՐԹ ՆԻՍՏ Է, ԴՐՍՈՒՄ` ՍՐԲԱԶԱՆԻ ԿՈՉՈՎ ՀԱՆՐԱՀԱՎԱՔ

ՈՒՂԻՂ

Քաղաքացիական ակտիվիստ Անի Կաղինյանի ֆեյսբուքյան գրառումը․ «Երկու օր առաջ նիկոլը Կապանի թատրոնի շենքում, որը ունի 200 տեղանոց դահլիճ հանդիպել է սյունեցի քպ-ականների հետ, ովքեր արդեն վեց տարի է լավագույն ձևերով տեղավորվել են Սյունիքի տարբեր ոլորտներում աշխատանքների, հիմնականում Քաջարանի պղնձամոլիբդենային հանքում ու բարձր աշխատավարձներից բացի օգտվում են մի շարք հովանավորչություններից:

Բաբայան Նարեկը դրա վառ օրինակն է:

Հանդիպումն եղել է փակ, բայց երեկվա դրանց Ծավ, Ճակատեն, Հանդ արած այցելություններից պարզ է դառնում, որ խնդիր է դրվել այդ 200 հոգուն զուգահեռ մոբիլիզացնել ամբողջ դրանց ծանոթ-բարեկամական ակտիվը:

Իրենց հետ միասին շրջել տալ գյուղից գյուղ ու ստեղծել տպավորություն, որ Ներքին Հանդում (որը դարձել է թերակզի երեք կողմից շրջափակված թշնամով, ընդամենը մեկ հատվածով կպած հայրենիքին) մեկ պաղպաղակի դիմաց ողջունում են, անվերապահորեն աջակցում են նիկոլին և պատրաստ են մեկ պաղպաղակի դիմաց ծախել իրենց հայրենիքը:

Դա կեղծ պրոպագանդա է սյունեցիները ուշի ուշով հետևում էին Արցախի հայաթամանը, Կիրանցի սահմանազատմանը, ամենօրյա ռոժիմով տեսնում են թշնամու դիրքերը:

Նիկոլը թող Սյունիքի սահմանազատումը սկսեր Սև լճի տարածքից, Թասի ճանապարհից, մինչև Ճակատենում պաղպաղակ փարթի անելը դեռ շատ գործեր կար անելու Սիսիանում և Գորիսում:

Ազգակործան պատուհասի նպատակը մեկն է թող չլինի Հայաստան, չի լինի նաև պատիժ:

Ինչպես եղավ Արցախում...

Իրենց ընդդիմադիր երևակայող մամուլին ու գործիչներին խորհուրդ եմ տալիս և հորդորում առանց իմացության քիչ կախվել սյունեցիների համապատասխան տեղերից:

Եթե հնարավորություն և ոգի ունեք զբաղվեց ձեր տերերով, ովքեր ՀՀ հասցրել են այս վիճակին:

Դեռ այսքանը...»:

Աղբյուրը` Անի կաղինյան

Երևանում և Արարատյան դաշտում օդի ջերմաստիճանը 35-36°C է («Հիդրոօդերևութաբանության և մոնիթորինգի կենտրոն» ՊՈԱԿ), ինչը նշանակում է` անհրաժեշտ է մեղմել բարձր ջերմաստիճանի և ուլտրամանուշակագույն ճառագայթների բացասական ազդեցությունն օրգանիզմի վրա:

7 պարզ կանոն` շոգին դիմակայելու և առողջությունը պահպանելու համար.

1. Խուսափել արևի ուղիղ ճառագայթներից, հատկապես` ժամը 12:00-17:00-ի ընթացքում:

2. Կրել գլխարկ, արևային ակնոց, հովանոց, հագնել սպիտակ կամ բաց երանգների ազատ, օդաթափանց, ցանկալի է բամբակյա կտորից հագուստ:

3. Հրաժարվել կծու, յուղոտ կերակուրներից, նախընտրել ավելի թեթև, դյուրամարս սնունդ:
4. Օգտագործել շատ մրգեր և հում բանջարեղեն:

5. Խմել սովորականից շատ հեղուկներ (օրական մոտ 3 լիտր), հատկապես` ջուր, թան, առանց շաքարի բնական հյութեր և թեյ: Օգտագործվող հեղուկները պետք է լինեն գոլ կամ մի փոքր հովացրած. այսպես դրանք ավելի լավ են հագեցնում ծարավը, չի կարելի հեղուկները շատ սառեցնել:

6. Չչարաշահել կոֆեին և շաքար պարունակող ըմպելիքները` թե՛ տաք, թե՛ սառը վիճակում: Սրտանոթային կամ միզասեռական համակարգի հիվանդություններ ունեցող անձինք հեղուկներ պետք է ընդունեն իրենց բուժող բժշկի հետ խորհրդակցելուց հետո:

7. Երեխաները, հղիները, ծերերը, քրոնիկ հիվանդություններ ունեցող անձինք ցանկալի է ցերեկային ամենաշոգ ժամերին քնեն կամ պառկեն, քանի որ պառկած դիրքում հեշտանում է ջերմատվությունը և արյան շրջանառությունը» :