Ռուսաստանը Թուրքիայից թռչնամսի և ձվի ներմուծման համար սահմանափակումներ է մտցրել

2024 թվականի նոյեմբերի 12-ից Ռուսաստանը ժամանակավոր սահմանափակումներ է մտցրել Թուրքիայի՝ Կոնյա նահանգի վարչական տարածքից թռչնամսի և ձվի ներմուծման վրա։

Ըստ news.am-ի և ТАСС-ի՝ համապատասխան փաստաթուղթը հրապարակվել է Россельхознадзор-ի պաշտոնական կայքում։

«Թուրքիայում բարձր ախտածին թռչնագրիպի վիրուսներով վարակվելու առնչությամբ անասնահամաճարակային իրավիճակի վատթարացման պատճառով 2024 թվականի նոյեմբերի 12-ից ժամանակավոր սահմանափակումներ են մտցվում Թուրքիայի վարչական տարածքից՝ Կոնյա նահանգից, Ռուսաստան ներմուծելու համար. կենդանի թռչնաբուծական միս, ինկուբացիոն ձու և սննդային ձու, թռչնի միս, պատրաստի մսամթերք թռչնամսից և թռչնաբուծական վերամշակված արտադրանք պարունակող թռչնաբուծական արտադրանքի բոլոր տեսակները, բացառությամբ այն ապրանքների, որոնք ենթակա են մշակման՝ թռչնագրիպի վիրուսների ոչնչացումն ապահովելու համար՝ ըստ Կենդանիների առողջության համաշխարհային կազմակերպության Ցամաքային կենդանիների առողջության օրենսգրքի դրույթների»,- ասված է գործակալության հրապարակած փաստաթղթում։

Բացի դրանից, ժամանակավոր սահմանափակումներ են մտցվել թռչնաբուծության համար կերերի և կերային հավելումների վերաբերյալ (բացառությամբ բուսական ծագման կերերի և կերային հավելումների, քիմիական և մանրէաբանական սինթեզի):

Բացի դրանից, նշված տարածքից կենդանի թռչունների տարանցումը Ռուսաստանի տարածքով սահմանափակված է։