ԱԺ նախագահ Արարատ Միրզոյանն այսօր լրագրողների հետ զրույցում անդրադարձավ այն տեղեկություններին, որոնց համաձայն պետական կառավարման համակարգում 100 մարդ կրճատվելու է:
Միրզոյանի խոսքերով կրճատման հարց դրված չէ, քանի որ պետական կառավարման համակարգում 100 հազար աշխատող ուղղակի չկա, անգամ դրա կեսն էլ չկա.
«Դրված է պետական կառավարման համակարգը ավելի արդյունավետ, օպտիմալ դարձնելու հարց: Սրա արդյունքում կլինի որեւէ կառուց, որը կարող է նոր ստեղծվի, կլինի կառույց, որտեղ կարող է, պետք է ավելացնել աշխատակիցների քանակը կամ կտրուկ նվազեցնել: Այսի՞նքն կան մարդիկ, որ ուզում են հանրային ռեսուրսները հենց այնպես ծախսվեն, որ ինչ-որ նախարարությունում ինչ-որ մարդիկ գան, սուրճ խմեն ու գործ չանե՞ն: Սա՞ է ճանապարհը: Վստահ եմ, որ ոչ»,-ասաց նա:
Ինչ վերաբերում է ԱԺ հանձնաժողովների թիվը 2-ով ավելացնելուն, Արարատ Միրզոյանն ասաց. «Հանձնաժողովների թիվը պայմանավորված չէ սոցիալական խնդիր լուծելով, իսկ ԱԺ-ում 28 ավել պատգամավոր ունենալը մեր քմահաճույքով չէր, դա պարտադրում էր օրենքը»:
0Comments