ՌԴ նախագահ Վլադիմիր Պուտինը շնորհավորական ուղերձ է հղել Ադրբեջանի նախագահ Իլհամ Ալիևին պետությունների միջև դիվանագիտական հարաբերությունների հաստատման 30-ամյակի կապակցությամբ, գրում է ՏԱՍՍ-ը:
Նախագահը նաև հիշեցրել է, որ անցյալ և նախորդ տարի կնքված եռակողմ համաձայնագրերի հիման վրա երկրներն աշխատում են միասին՝ ամրապնդելու կայունությունն ու անվտանգությունը Անդրկովկասյան տարածաշրջանում։
Խոսելով այս տարի Մոսկվայի և Բաքվի միջև ստորագրված դաշնակցային փոխգործակցության վերաբերյալ հռչակագրի մասին՝ ՌԴ ղեկավարը վստահություն է հայտնել, որ երկկողմ հարաբերությունները նոր, որակապես ավելի բարձր մակարդակի հասցնելը համապատասխանում է Ռուսաստանի և Ադրբեջանի ժողովուրդների հիմնարար շահերին։
0Comments