19 սովորություն, որ կօգնեն հասնել նշանակալի հաջողության

1. Պատասխան տվեք ձեր բառերի համար

Եթե ինչ-որ մեկին պատմում եք ձեր պլանների մասին, իրականացրեք դրանք: Եվ հիշեք ամենակարևոր պայմանը՝ քիչ բառեր, շատ գործեր:

2. Ամեն օր լրացրեք օրագիրը

Գրեք թեկուզ մեկ նախադասություն ամեն օր: Օրագիր լրացնելը կօգնի ձեզ հավաքել մտքերը, ազատվել սթրեսից և հետևել սեփական պրոգրեսին:

3. Երբեք մի ստեք

Սուտը ծնում է նոր սուտ: Ժամանակի հետ դուք ինքներդ կխճճվեք ձեր ստերի սարդոստայնում:

4. Ժամանակ գտեք մոտ ընկերների համար

Հիշեք, որ դուք կարող եք ունենալ աշխարհի բոլոր փողերը, բայց եթե դուք դրանք  փոխել եք ձեր ընկերների հետ, ապա երբեք երջանիկ չեք լինի:

5. Մի մոռացեք ձեր հոբբիի մասին

Ձեր հետաքրքրությունները մի օր կարող են դառնալ ավելի մեծ մի բան: Եթե այն ձեզ իրոք դուր է գալիս, կատարելագործեք ձեր կարողությունները:

6. Զբաղվեք սպորտով

Գնացեք մարզադահլիճ, վազեք, հեծանիվ վարեք կամ զբաղվեք յոգայով: Կարևորը՝ եղեք ֆիզիկապես ակտիվ:

7. Շրջապատեք ձեզ մարդկանցով, ովքեր արդեն հասել են ձեր նպատակին

Եթե ձեզ դուր չի գալիս ձեր կյանքը, ուշադիր նայեք այն մարդկանց, ում հետ շատ երկար ժամանակ եք անցկացնում: Մեծ է հավանականությունը, որ նրանք ավելի շատ բողոքում են և չեն գործում: Շրջապատը լրջորեն ազդում է ձեր պահվածքի վրա:

8. Կարդացեք

Սոցիալական ցանցերի նորությունների պատը չի համարվում կարդալ: Կարդացեք գրքեր, որքան հնարավոր է, շատ:

9. Կոնկրետացրեք ձեր նպատակները

Նպատակներն իրագործելուց առաջ պլանավորեք ձեր քայլերը: Հաջողության հասնելու համար ձեր առաջ դրեք կոնկրետ նպատակներ, հստակեցրեք ժամկետներն ու պլանավորեք ամեն ինչ մանրամասնորեն:

10. Միայնակ մի կերեք

Ճաշի և ընթրիքի ժամանակ շփվեք նոր մարդկանց հետ: Ընտրեք այնպիսի մարդկանց, ում հետ կցանկանաք փոխանակվել փորձով և ումից նոր բան կսովորեք:

11. Ներկայանալի տեսք ունեցեք

Եթե դուք գոհ եք ձեր արտաքին տեսքից, ապա դուք կհաջողեք: Դուք կզգաք ձեզ ավելի վստահ և վստահություն կներշնչեք նաև մյուսներին:

12. Մեդիտացիա արեք և շատ մտածեք

Դուք չեք կարող միշտ շատ պրոդուկտիվ լինել: Ժամանակ հատկացրեք կյանքի մասին մտածելու համար: Առանց դրա դուք չեք կարող սովորել կյանքի դասերը:

13. Սովորեցրեք ուրիշներին

Անգամ, եթե դուք ձեզ դեռ չեք համարում մասնագետ, կիսվեք մյուսների հետ ձեր գիտելիքներով: Ուրիշներին ինչ-որ բան բացատրելիս դուք ավելին կստանաք և ավելի լավ կհիշեք:

14. Զվարճացեք

Ե՞րբ եք դուք վերջին անգամ եղել լողափում: Ե՞րբ եք վերջին անգամ իրոք խենթություն արել: Ե՞րբ  եք վերջին անգամ ժամանակ հատկացրել ձեր հետաքրքրություններին: Միշտ արթուն պահեք ձեր միջի երեխային և թույլ տվեք ինքներդ ձեզ զվարճանալ:

15. Ճիշտ սնվեք

Դուք այն եք, ինչ դուք ուտում եք: Աշխատեք սնվել բալանսավորված և ճիշտ՝ ձեր իսկ առողջության համար:

16. Շփվեք տարբեր տարիքի մարդկանց հետ

Ձեր շրջապատում պետք է լինեն և՛ ձեզնից մեծ, և՛ փոքր մարդիկ: Դրա շնորհիվ դուք կարող եք նայել խնդիրներին տարբեր կողմերից:

17. Մոտ եղեք արվեստին

Ոգեշնչումը չի գա, եթե ամբողջ օրը նստեք աշխատանքային սեղանի առաջ: Այցելեք թանգարաններ, համերգներ, թատրոն և կինո: Դուրս եկեք տնից և գտեք ոգեշնչում:

18. Արթնացեք այն ժամանակ, երբ մտածել եք

Եթե կարգավորել եք զարթուցիչը, ապա խոստացեք ձեզ արթնանալ այն ժամանակ, երբ որոշել եք:

19. Ամենակարևոր նպատակն ասացեք բարձրաձայն

Գրի առեք բոլոր նպատակները, որոնց ուզում եք հասնել, և կարդացեք դրանք առավոտյան և քնելիս: Բարձրաձայնեք ձեր երազանքը և լսելի դարձրեք այն ամբողջ աշխարհին: