Հնդկաստանում գյուղի բնակիչները ծեծելով սպանել են վագրին, որը մարդ էր հոշոտել

^{Հնդկաստանի հյուսիսում գյուղի բնակիչները ծեծելով սպանել են վագրին, որը մարդ էր հոշոտել, հաղորդում է CNN-ը՝ հղում կատարելով տեղական իշխանություններին:}

^{Դեպքը տեղի է ունեցել չորեքշաբթի վագրերի արգելոցի մերձակայքում:}

^{Դեպքի առնչությամբ ձերբակալվել է 31 մարդ. նրանցից յուրաքանչյուրին մեղադրանք է առաջադրվել տեղի անտառային դեպարտամենտի կողմից:}

^{Ըստ Վայրի բնության պահպանության հիմնադրամի տվյալների՝ ներկայումս մոլորակում կա շուրջ 4000 վագր: Այդ կենդանիների մեծ մասը բնակվում է Հնդկաստանի արգելոցներում, գրում է news.am:}