Հովիկ Աղազարյանի փաստաբան Հակոբ Ճարոյանը գլխավոր դատախազ Աննա Վարդապետյանին դիմում է գրել՝ բողոքարկելով քննիչի՝ քրեական վարույթ չնախաձեռնելու մասին գրությունը, հայտնում է «Հրապարակը»։
«Երեկ գրել էինք, որ Հակակոռուպցիոն կոմիտեն մերժել է ՔՊ-ից հեռացված պատգամավոր Հովիկ Աղազարյանի փաստաբանի դիմումը՝ քրեական վարույթ հարուցել նամակագրության, հեռախոսային խոսակցությունների և հաղորդակցության այլ ձևերի գաղտնիությունն ապօրինի խախտվելու համար:
Աննա Վարդապետյանին ուղղված դիմումի մեջ Ճարոյանը գրել ՝ հանձնարարեք հսկող դատախազին, որպեսզի նա դիմումի հիման վրա արձանագրություն կազմի՝ քրեական վարույթ նախաձեռնելու մասին, եւ հանձնարարի քննիչին՝ նախաքննություն իրականացնել»,– գրում է կայքը։
«Քրեական վարույթ չնախաձեռնելու որոշումը իրավունք ունեմ բողոքարկել հսկող դատախազին, նրա որոշումը՝ վերադաս դատախազին։ Քննիչի՝ ինձ հասցեագրված որոշումը, քանի որ հաստատվել է հսկող դատախազի կողմից, գրության օրինականությունը ստուգելու համար դիմել եմ գլխավոր դատախազին»,-«Հրապարակ»-ի հետ զրույցում ասաց Հակոբ Ճարոյանը։
Ուշագրավ է, որ Աննա Վարդապետյանին հասցեագրված բողոքի նախաբանում՝ փաստաբանը հղում է արել Սեյս Կրամերի «Իմ ինքնասպանությունից 50 օր առաջ» գրքի հետեւյալ պարբերությունը․ «Եթե դու ինչ-որ բան ես ուզում, դու պարտավոր ես հասնել դրան, եւ թքած բոլոր սկզբունքների, եւ ուրիշների կարծիքների վրա»։
Այսպես է փաստաբանը մեկնաբանում․ «Ես այս սկզբունքով եմ իմ փաստաբանական գործունեությունը իրականացնում, եւ ինձ չի հետաքրքրում, թե իմ գործունեության վերաբերյալ ով ինչ կարծիք կկազմի»։
0Comments