Վրաստանում կան որոշակի խմբեր, որոնք պատրաստվում են պետական հեղաշրջում իրականացնել երկրում, հայտարարել է Վրաստանի խորհրդարանի նախագահ Շալվա Պապուաշվիլին՝ ընդծելով ցանկացած հեղափոխության անթույլատրելիությունը։
«Փաստերը և բոլոր նշանները ցույց են տալիս, որ կա մի խումբ, որը պատրաստվում է պետական հեղաշրջում իրականացնել»,-նրա խոսքերը մեջբերում են վրացական ԶԼՄ-ները:
Պապուաշվիլիի խոսքով՝ հեղաշրջման համար պատրվակ է պատրաստվում ոչ կառավարական կազմակերպությունների միջոցով, որոնք, ինչպես 2020 թվականին, պետք է ընտրությունների վերաբերյալ ոչ ճիշտ զեկույցներ պատրաստեն.
«Հետևաբար, մեր ժողովուրդը պետք է սթափ մնա, իսկ նման ոչ վրացական ուժերի դեմ հիմնական հակաթույնը ընտրությունների գնալն ու նրանց նկատմամբ համոզիչ կերպով հաղթանակ գրանցելն է»:
Գնահատելով Վրաստանում նախընտրական իրավիճակը, պաշտոնյան նշել է, որ երկրում ընտրական միջավայրը հանգիստ է, ինչը հաստատում են ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) զեկույցները: Այդուհանդերձ, ըստ նրա, կան. տեղական դիտորդական կազմակերպությունների կողմից՝ գոնե ինչ-որ տեղեկատվական աղմուկ ստեղծելու փորձեր։
«Նպատակը պարզ է՝ մենք տեսնում ենք, որ պատրաստվում են կրկնել 2020 թվականի սցենարը՝ կեղծ զեկույցներ գրելու տեղական կազմակերպություններից՝ Վրաստանում հաջորդ անկարգությունների համար կեղծ պատրվակ ստեղծելու համար։ Արդեն ակնհայտ է, որ այս կամ այն չափով նախապատրաստվում են իշխանության ոչ դեմոկրատական զավթմանը, իսկ դրանում ներգրավված են տեղական մոնիտորինգային կազմակերպությունները, մի կողմից՝ կեղծ հաղորդումներով, երբ հնչում են կեղծ մեղադրանքներ, իսկ մյուս կողմից՝ նրանց կողմից ընդդիմության խախտումների կոծկման միջոցով»,-նշել է Պապուաշվիլին:
0Comments