Ուկրաինայի նախագահ Վլադիմիր Զելենսկին մեկնաբանել է ՌԴ-ի հետ բանակցային գործընթացը՝ այն բնութագրելով բարդ, երբեմն սկանդալային, սակայն, նախագահի խոսքով, իրենք քայլ առ քայլ առաջ են գնում:
Ինչպես գրում է unian.net-ը, նա այս մասին ասել է ուկրաինացիներին ուղղված տեսաուղերձում:
«Ուկրաինայի ներկայացուցիչներն աշխատում են բանակցությունների վրա, որոնք գրեթե ամեն օր շարունակվում են: Դա շատ դժվար է: Երբեմն սկանդալային: Բայց մենք քայլ առ քայլ առաջ ենք գնում»,- ընդգծել է նա:
Պետության ղեկավարը հիշեցրել է, որ այս շաբաթ պետք է կայանան երեք կարևոր գագաթնաժողովներ՝ G7-ի, ՆԱՏՕ-ի և ԵՄ-ի։
«Պատժամիջոցների նոր փաթեթներ, նոր օգնություն։ Մենք կաշխատենք, կպայքարենք բոլոր հնարավոր տարբերակներով։ Մինչև վերջ։ Համարձակ և բաց։ Այս բոլոր հարթակներում։ Ամբողջ էներգիայով։ Հանուն արդյունքի: Ամբողջ ուժով: Եվ չենք հոգնի: Կհանգստանանք, երբ հաղթենք: Իսկ դա հաստատ լինելու է»,-ընդգծել է Զելենսկին:
0Comments