Առողջապահության համաշխարհային կազմակերպությունը հավանության է արժանացրել հնդկական Covaxin հակակորոնավիրուսային պատվաստանյութի կիրառումը:
Ինչպես ասվում է ԱՀԿ թվիթերյան հաղորդագրության մեջ, դեղամիջոցի երկու չափաբաժինը կարող է ներարկվել 4 շաբաթ ընդմիջումով: Դեղամիջոցը կարող են ստանալ 18 և բարձր տարիքի անձինք:
Հնդկաստանի՝ կորոնավիրուսի դեմ ստեղծած առաջին պատվաստանյութն ուսումնասիրության է ենթարկվել ԱՀԿ Իմունիզացման հարցով ռազմավարական խորհրդատվական փորձագիտական խմբի կողմից:
0Comments