Հաքերներն իրականացրել են կիբերհարձակում Իտալիայի մայրաքաղաքի Լացիո թաղամասում COVID-19-ի պատվաստումների գրանցմամբ զբաղվող ընկերության համակարգչային ցանցերի դեմ, ինչի հետեւանքով գրանցումների համակարգը շարքից դուրս է եկել, հաղորդում է Ինտերֆաքս-ը:
«Դա շատ հզոր հաքերական հարձակում է, շատ լուրջ է... ոչինչ չի աշխատում: Ամբողջ տարածաշրջանային տվյալների բազան գտնվում է հարձակման ներքո»,-հայտարարել է Լացիոյի առողջապահության հարցերով խորհրդական Ալեսիո Դ՛Ամատոն:
Իտալիայի ոստիկանությունն ու Հռոմի դատախազությունն ուսումնասիրում են դեպքը պարզելու, թե ով է կազմակերպել կիբերհարձակումը:
Հուլիսին Իտալիայի կառավարությունը համաձայնեցրել են այսպես կոչված «կանաչ անցագրի» աշխատանքի սկզբունքը, որում նշվում է, թե արդյոք պատվաստված է մարդը, հանձնել է բացասական արդյունքով կորոնավիրուսի թեստ կամ առողջացել է հիվանդությունից:
Օգոստոսի 6-ից միայն Իտալիայի բնակիչներին, որոնք ավարտել են պատվաստման գործընթացը, թույլ կտրվի մասնակցել զանգվածային միջոցառումներին, այցելել մարզադաշտեր, թանգարաններ, թատրոններ, կինոթատրոններ, լողավազաններ, մարզասրահներ, ինչպես նաեւ սրճարաններ ու ռեստորաններ: Բարերի եւ ռեստորանների բաց տարածքներում «կանաչ անցագրի» կարիք չկա:
Այդ միջոցն ընդունվել է պատվաստման արագությունը մեծացնելու համար: Ավելի վաղ «կանաչ անցագիրը», որը կիրառվում է Իտալիայում հունիսից, պահանջվում էր միայն արտերկիր ուղեւորվելու համար, ինչպես նաեւ խոշոր միջոցառումներ՝ համերգներ, ֆուտբոլային խաղեր կամ հարսանիքներ այցելելու համար:
Իշխանությունների նոր որոշումը բողոքի ալիք է բարձրացրել Իտալիայի տարբեր շրջաններում:
0Comments