ԵԽ-2019․ Արթուր Դավթյանը 6-րդն է ազատ վարժությունում

^{Մինսկում ավարտին մոտեցող Եվրոպական խաղերի վերջին օրը սպորտային մարմնամարզության մրցաշարում մրցելույթն ավարտեց Արթուր Դավթյանը։}

^{Ազատ վարժությունում Հայաստանի հավաքականի ներկայացուցիչը եզրափակիչում գրավեց 6-րդ տեղը՝ վաստակելով 13,466 միավոր։ Չեմպիոնի տիտղոսը նվաճած Էմիլ Սորավուոն (Ֆինլանդիա) վաստակեց 14,433 միավոր, գրում է sport.news.am:}

^{Հիշեցնենք, որ Արթուր Դավթյանը բազմամարտում գրավել էր 5-րդ տեղը։}

^{Հունիսի 30-ին օղակների վարժության եզրափակիչին կմասնակցի Վահագն Դավթյանը։}