«Ողջունելի է, երբ ՀՀ տրանսպորտի և կապի նախարար Հակոբ Արշակյանը հետևում է քաղաքական անցուդարձին մեդիայով և ժամանակ ունի հեռուստացույց դիտելու։ Բայց ես չեմ կարողանում հասկանալ և ողջունել այն, որ պարոն Արշակյանը իր առաջնային խնդիրները թողած մեկնաբանում է ընդդիմադիր գործընկերների կարծիքը»,- այս մասին իր ֆեյսբուքյան էջում գրել է ԱԺ «Լուսավոր Հայաստան» խմբակցության անդամ Անի Սամսոնյանը՝ հրապարակելով Վանաձոր-Դիլիջան ճանապարհից լուսանկար։
«Պարոն Արշակյան, ամբողջ քաղաքակիրթ աշխարհը և աշխարհի հայությունը Հայաստանում տեղի ունեցած ժողովրդական խաղաղ հեղափոխությունը գնահատում է որպես շրջադարձային դրական փոփոխություն և Լուսավոր Հայաստանի հետ միասին ակնկալում է, որ մենք պիտի ունենանք բարեկարգ ճանապարհներ։
Այնինչ այս պահին ՀՀ ճանապարհների բարեկարգության հարցով մտահոգվելու փոխարեն զբաղված եք չգիտեմ ինչով։
Սա էլ մի օրինակ Ձեզ Վանաձոր-Դիլիջան ճանապարհից։ Ի գործ!»,- գրել է պատգամավորը։
0Comments