Դոմինիկյան Հանրապետության Սանտո Դոմինգո քաղաքում ապրիլի 8-ի երեկոյան Jet Set գիշերային ակումբի տանիքի փլուզման հետևանքով զոհվել է առնվազն 79 մարդ, վիրավորվել՝ 223-ը, հայտնում է CNN-ը։
Տանիքը փլուզվել է երգիչ Ռուբբի Պերեսի և նրա նվագախմբի ելույթի ժամանակ։ Ակումբում այդ ժամանակ մոտ 300 մարդ կար։ Զոհվածների թվում են Մոնտե Քրիստի նահանգի նահանգապետ Նելսի Կրուզը և բեյսբոլի գլխավոր լիգայի խաղացողներ: Անհայտ է նաեւ Պերեսի ճակատագիրը։ Անհետ կորածների թվում է հանրային աշխատանքների նախարար Էդուարդո Էստրելլայի որդին։ Փրկարարները շարունակում են փլատակների մաքրումն ու մարդկանց որոնումները։
Փլուզման պահը ֆիքսվել է հանդիսատեսներից մեկի տեսանյութում։ Նախ, բեմի վրա գտնվող տղամարդը նշում է, որ ինչ-որ բան է ընկել ակումբի հետևում: Եվ մի քանի րոպե անց առաստաղից կախված կախազարդի լույսերը սկսում են ընկնել՝ ամբողջ տանիքի հետ միասին։ Մի քանի վայրկյան լսվում են ճիչեր և դղրդյուն, հետո տեսանյութը մթնում է։
Jet Set Nightclub-ը Կարիբյան ավազանի ամենահայտնի վայրերից մեկն է, և երկուշաբթի երեկոյան նրա միջոցառումները հատկապես հայտնի են:
Աղբյուրը՝ Live24.am
0Comments