Պոլսո հայոց պատրիարք Սահակ արքեպիսկոպոս Մաշալյանը մասնակցել է Թուրքիայի նախագահ Ռեջեփ Թայիփ Էրդողանի կազմակերպած իֆթարի արարողությանը (Ռամադանի ընթրիք)։ Այս մասին հայտնել է Պոլսո հայոց պատրիարքարանը։
Նշվում է, որ արարողությունը տեղի է ունեցել մարտի 27–ին Անկարայում` նախագահական նստավայրում։ Պոլսո հայոց պատրիարքին ուղեկցել է Տեր Գասպար աբեղա Կարապետյանը։
«Ներկաների շարքում էին հոգևոր առաջնորդներ, համայնքների ներկայացուցիչներ և այլ հյուրեր։ Երեկույթի ընթացքում Թուրքիայի նախագահն իր գոհունակությունն է հայտնել Պոլսո հայոց պատրիարքին` մասնակցության համար»,- նշված է հաղորդագրության մեջ։
Նշենք, որ ամեն տարի Թուրքիայի նախագահը մահմեդականների սուրբ տոնին Ռամադանի ընթրիք է կազմակերպում Թուրքիայի ազգային և կրոնական փոքրամասնությունների առաջնորդների համար։
0Comments