Բրիտանիան և Ֆրանսիան սկսել են քննարկել Ուկրաինա խաղաղապահներ ուղարկելու հարցը. The Telegraph

Մեծ Բրիտանիայի վարչապետ Քիր Սթարմերը և Ֆրանսիայի նախագահ Էմանուել Մակրոնը սկսել են քննարկել բրիտանացի և ֆրանսիացի զինվորներին Ուկրաինա որպես խաղաղապահներ ուղարկելու հնարավորությունը, եթե համաձայնություն ձեռք բերվի դադարեցնել ռուս-ուկրաինական պատերազմը, հայտնում է բրիտանական The Telegraph-ը՝ հղում անելով աղբյուրներին։

Մեծ Բրիտանիայի կառավարությունում բազմաթիվ աղբյուրներ հրապարակմանը հայտնել են, որ Սթարմերը վերջնական որոշում չի կայացրել։ Կառավարության աղբյուրներից մեկը The Telegraph-ին ասել է. «Մենք ինքներս մեզանից մի փոքր առաջ ենք անցնում: Մենք դեռ չենք հասել մեր նպատակին»։

Bloomberg-ի աղբյուրները նաև հունվարի 15-ին հայտնել են, որ Մեծ Բրիտանիայի կառավարությունը սկսել է ակտիվորեն քննարկել Ուկրաինայում խաղաղապահ ուժեր տեղակայելու հնարավորությունը։ Գործակալության զրուցակիցները նշել են, որ անվտանգության խնդիրների պատճառով այս գաղափարը հակառակորդներ ունի Քիր Սթարմերի գրասենյակի և Մեծ Բրիտանիայի կառավարական այլ կառույցների աշխատակիցների շրջանում։

Bloomberg-ը նշում է, որ ակնկալվում է, որ Քեյր Սթարմերը կքննարկի խաղաղապահների հարցն Ուկրաինայի նախագահ Վլադիմիր Զելենսկու հետ հանդիպմանը։ Հունվարի 16-ին Associated Press-ը հաղորդել է, որ Սթարմերը Կիև է մեկնել իր առաջին այցով, մի ուղևորություն, որի մասին նախապես չէր հայտարարվել: