Եթե ուզում եք նիհարել, տանձ և խնձոր կերեք. սննդաբանի խորհուրդը

Բրիտանացի սննդաբան Լիլի Սաուտերը Brinkwire-ին հուլիսի 20-ին պատմել է ավելորդ քաշի դեմ պայքարում խնձորի ու տանձի օգուտների մասին:

Մասնագետը կարծում է, որ օգտակար է ածխաջրերի և մեծ քանակությամբ բջջանյութի, ընկույզների, սերմերի, ձիթապտղի յուղի և ճարպոտ սաղմոնի օգտակար ճարպերի, մսի, ձկների, լոբազգիների և տոֆուի ոչ ճարպային սպիտակուցների և մի շարք մրգերի և բանջարեղենի համադրությունը:

Սաուտերը խնձորն ու տանձն անվանել է ամենաօգտակար մրգերը, քանի որ դրանք հարուստ են բջջանյութով, որը նպաստում է հագեցմանը և արյան մեջ գլյուկոզայի մակարդակի կարգավորմանը: Միայն մեկ տանձն ապահովում է բջջանյութի օրական նորմայի մինչև 20%-ը, ինչը անհրաժեշտ է առողջ մարսողական համակարգի համար, և բավարար քանակությամբ բջջանյութն օգնում է մարսողական համակարգի գործունեությանը: Տանձը հարուստ է նաև հակաօքսիդանտներով, օգտակար քիմիական նյութերով և սննդային մանրաթելերով:

«Տանձ ուտելը, որպես հավասարակշռված և սննդակարգի հագեցնող մաս, կարող է օգնել նիհարելուն»,- ասել է Սաուտերը:

Սննդաբանը նաև խորհուրդ է տալիս տանձն ուտել կճեպով, քանի որ այն հարուստ է հակաօքսիդանտներով:

100 գրամ խնձորը պարունակում է 1,2 գրամ մանրաթել, որն օգնում է արագ հագենալ: Խնձորն արդյունավետ կլինի ուտելուց առաջ նրանց համար, ովքեր ցանկանում են ավելի քիչ ուտել: Բացի այդ, մեկ խնձորը պարունակում է 77 կալորիա, մինչդեռ հացահատիկային բատոնների մեծ մասը պարունակում է մոտավորապես 150 կալորիա, ընդգծել է սննդաբանը:

Աղբյուր