Իլոն Մասկի կողմից ծախսերի և հարկերի վերաբերյալ օրինագծի հասցեին հնչեցրած քննադատությունների ֆոնին ԱՄՆ նախագահ Դոնալդ Թրամփն առաջարկել է Պետական արդյունավետության դեպարտամենտին (DOGE), որը նախկինում գլխավորում էր Մասկը, ստուգել ձեռնարկատիրոջ գործունեությունը։
«Առանց հրթիռների, արբանյակների արձակման և էլեկտրական մեքենաների արտադրության մեր երկիրը մի ամբողջ կարողություն կխնայեր։ Գուցե DOGE-ը պետք է ավելի ուշադիր ուսումնասիրի դա», – գրել է Թրամփը Truth Social սոցցանցում։
Մայիսին ԱՄՆ ներկայացուցիչների պալատը հաստատեց Թրամփի նախաձեռնած օրինագիծը, որը նա անվանել էր «միացյալ, մեծ և գեղեցիկ»։ Փաստաթուղթը նախատեսում է դաշնային ծախսերի կրճատում և միաժամանակ մեծածավալ հարկային արտոնություններ է սահմանում։ Կոնգրեսի բյուջետային վարչության հաշվարկներով՝ դա կհանգեցնի ինչպես բյուջետային դեֆիցիտի, այնպես էլ պետական պարտքի ավելացման։
Իլոն Մասկը բազմիցս քննադատել է նախաձեռնությունը՝ նշելով, որ առաջարկվող միջոցառումները կհանգեցնեն բյուջեի դեֆիցիտի մինչև 2.5 տրիլիոն դոլարի աճի և ամերիկացիների վրա չափազանց մեծ պարտքային բեռ կդնեն։
Վերլուծաբանների գնահատականներով`եթե դեմոկրատների և հանրապետականների միջև պետական պարտքի առավելագույն շեմի բարձրացման վերաբերյալ բանակցությունները ձախողվեն, ԱՄՆ–ն կարող է հայտնվել դեֆոլտի եզրին արդեն օգոստոսին։
Վերջին տարիներին փոխառության սահմանաչափի քննարկումը Կոնգրեսում սուր քաղաքական պայքարի առարկա է դարձել։
Latest from Live24
- «DOGE-ը հրեշ է, որը կարող է ուտել Իլոնին». Թրամփ
- Փաշինյանի հավանության վարկանիշը 2018–ին ավելի քան 80 տոկոս էր, 7 տարի անց՝ 11-17 տոկոս. Զեկույց
- Ադրբեջանը բողոքի նոտա է հղել Ռուսաստանին
- «Սպուտնիկ Ադրբեջան»-ի աշխատակիցները կալանավորվել են 4 ամսով
- Իրանին ճշգրիտ hարվածն անհավանական հաջողություն էր, որը երկար տարիներ չի եղել. Թրամփ
- Հայաստանի և Իրանի ԱԳ նախարարները քննարկել են տարածաշրջանային զարգացումները
- «Ռուս իրավապահներին մեղադրելու Բաքվի փորձերը միջամտություն են ՌԴ ներքին գործերին»․ ՌԴ ԱԳՆ
- Ադրբեջանի դեսպանին երկկողմ հարաբերությունների խաթարման կապակցությամբ բողոքի նոտա է հղվել. ՌԴ ԱԳՆ
