Քաղաքային իշխանությունը քանդում է թենիսի կորտերը՝ առանց սեփականատիրոջը զգուշացնելու. Տեսանյութ
Երևանի Ալեք Մանուկյան փողոցում գտնվող «Արարատ» թենիսի ակումբը կանգնած է քանդման վտանգի առջև, սակայն ակումբի տնօրեն Էդուարդ Սանամյանը պնդում է, որ քաղաքապետարանից որևէ պաշտոնական ծանուցում չի ստացել քանդման գործընթացի վերաբերյալ։
Թեմայի շուրջ Oragir.News-ը զրուցել է Էդուարդ Սանամյանի հետ, որը նաև տարածքի սեփականատերն է։
«Մեզ ոչ իրազեկել են, ոչ էլ հրավիրել հանրային լսումների։ Չենք մասնակցել քննարկման, ոչ էլ որևէ առաջարկություն ենք ստացել, իսկ գերակա շահի որոշումը ընդունվել է առանց մեր իմացության»,- ասում է Էդուարդ Սանամյանը։
Նա հավելեց, որ տվյալ որոշումը չի համապատասխանում «Գերակա շահի մասին» ՀՀ օրենքին, քանի որ այդ օրենքի տրամաբանությամբ՝ հանրային կարիքների համար ենթակառուցվածք սարքելը պետք է իրականացվի այն տարածքներում, որոնք հասարակության համար առանձնապես մեծ կարևորություն չունեն․ «Իսկ մեր դեպքում խոսքը վերաբերում է գործող սպորտային հաստատությանը, որն արդեն ծառայում է հանրային շահին»։
«Երևանի փոքր կենտրոնում սա միակ թենիսային կետն է։ Հայաստանի մասշտաբով մենք ունենք ընդամենը մոտ 40 կորտ, ինչը չափազանց փոքր թիվ է մեր երկրի համար։ Իսկ հիմա, փոխարենը զարգացնեն սպորտային ենթակառուցվածքները, ցանկանում են քանդել վեց գործող կորտ՝ թողնելով ընդամենը երկուսը, և այդ տարածքում կառուցել անհասկանալի նշանակություն ունեցող օբյեկտներ»,- նշում է Էդուարդ Սանամյանը։
Մանրամասները՝ տեսանյությում
Latest from Live24
- Իրանի զինված ուժերը զգուշացրել են Ադրբեջանին. Հայտարարություն
- Ռուսաստանի հետ լարվածության ֆոնին Ադրբեջանը պատրաստվում է փակել բոլոր ռուսալեզու դպրոցները
- Իրանը ակտիվորեն բանակցություններ է վարում չինական J-10C բազմաֆունկցիոնալ կործանիչների գնման շուրջ
- Իժևսկում ԱԹՍ-ի հարձակման հետևանքով տուժածների թիվը հասել է 45-ի
- Կադրեր՝ Եկատերինբուրգում ադրբեջանական համայնքի ղեկավարի ձերբակալումից
- Հուլիսի 3-ից կկատարվի երթևեկության կազմակերպման փոփոխություն
- Ադրբեջանում ձերբակալվել են ռուսաստանցիներ՝ Իրանից թմրանյութերի տարանցման կասկածանքով
- Թրամփը կարող է արտաքսել Մասկին
Լրահոս
Ֆոտո
