ԵՄ երկրներն Ուկրաինայի վերաբերյալ հայտարարություն են տարածել Թրամփ-Պուտին հեռախոսազրույցից հետո
Հունիսի 29, 2025

ԵՄ երկրներն Ուկրաինայի վերաբերյալ հայտարարություն են տարածել Թրամփ-Պուտին հեռախոսազրույցից հետո

Ուկրաինան և Եվրոպան պետք է մասնակցեն ցանկացած բանակցությունների՝ կապված Ուկրաինայում պատերազմի ավարտի հետ. նման կարծիք են հայտնել Գերմանիայի, Ֆրանսիայի, Լեհաստանի, Մեծ Բրիտանիայի, Իսպանիայի, Իտալիայի արտաքին գործերի նախարարները, ինչպես նաև ԵՄ արտաքին քաղաքականության ծառայությունը և Եվրահանձնաժողովը համատեղ հայտարարությունում, որը հրապարակվել է ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի՝ Ուկրաինայի վերաբերյալ հեռախոսազրույցից անմիջապես հետո։ Այս մասին գրում է dw.com-ը:

«Ուկրաինայում արդար և երկարատև խաղաղությունն անհրաժեշտ պայման է հուսալի անդրատլանտյան անվտանգության համար», - ասվում է հայտարարությունում։ Ինչպես ընդգծել են եվրոպացի դիվանագետները, նրանք անհամբեր սպասում են «ամերիկյան դաշնակիցների հետ» հետագա գործողությունների վերաբերյալ բանակցություններին: Միևնույն ժամանակ, ընդհանուր նպատակը պետք է լինի «Ուկրաինային ուժեղի դիրք տեղափոխելը», նշել են հայտարարության հեղինակները։

Եվրոպական երկրները, որոնց արտգործնախարարները ստորագրել են հայտարարությունը, նաև պատրաստակամություն են հայտնել ուժեղացնել աջակցությունն Ուկրաինային և անհրաժեշտ են համարում այդ երկրին անվտանգության երաշխիքներ տրամադրել։

«Մենք պատրաստ ենք ուժեղացնել մեր աջակցությունը Ուկրաինային, մենք պաշտպանում ենք նրա անկախությունը, ինքնիշխանությունը և տարածքային ամբողջականությունը՝ ի դեմս Ռուսաստանի ագրեսիվ պատերազմի», - ընդգծել են նրանք։

«Մենք կիսում ենք Ուկրաինային աջակցելու նպատակը՝ մինչև արդար, համապարփակ և կայուն խաղաղության հասնելը», - ասվում է փաստաթղթում։ Դա ենթադրում է խաղաղության պայմանագիր, որը երաշխավորում է Ուկրաինայի և եվրոպական երկրների շահերը, պարզաբանում է dpa գործակալությունը։

Նախօրեին՝ փետրվարի 12-ին, հեռախոսազրույց է տեղի ունեցել Պուտինի և Թրամփի միջև։ ՌԴ նախագահի մամուլի քարտուղար Դմիտրի Պեսկովը հայտնել է, որ կողմերը պայմանավորվել են անձնական հանդիպում կազմակերպել։ Կրեմլի ներկայացուցչի խոսքով՝ Պուտիnn ԱՄՆ նախագահին հրավիրել է Մոսկվա։ Թրամփը, խոսելով հնարավոր հանդիպման մասին, նշել է, որ այն տեղի կունենա «ոչ հեռու ապագայում»։

«Համաձայնեցինք, որ ցանկանում ենք դադարեցնել ռուս-ուկրաինական պատերազմը։ Պուտինն անգամ օգտագործեց իմ քարոզարշավի կարգախոսը՝ «Ողջախոհություն»։ Պայմանավորվեցինք աշխատել միասին, շատ սերտ՝ ներառյալ փոխադարձ այցեր ունենալով։ Պայմանավորվեցինք, որ մեր թիմերն անհապաղ կսկսեն բանակցությունները։ Ես անմիջապես կզանգահարեմ Ուկրաինայի նախագահ Զելենսկիին, որպեսզի տեղեկացնեմ այս զրույցի մասին»,-զրույցի մասին ասել է Թրամփը։

Rate this item
(0 votes)

Լրահոս

Ֆոտո

Ռուսաստանը չգնահատեց Ադրբեջանի բարիդրացիական քաղաքականությունը. ադրբեջանցի պատգամավոր

«Արցախի զոհաբերումը Մոսկվային չօգնեց. հակառակը, այն արագացրեց Ադրբեջանի ընտրած ուղեգիծը՝ ԴԵՊԻ ԹՈՒՐԱՆ»․ Արմեն Այվազյան

Իրանը մինչև հունիսի 30-ը երկարաձգել է օդային տարածքի փակումը

Վորոնեժում ադրբեջանցիների նկատմամբ սկսվել են լայնածավալ խուզարկություններ և ձերբակալություններ

Կարող ենք չեղարկել Իրանի նկատմամբ պատժամիջոցները, եթե Թեհրանը գնա խաղաղ ճանապարհով. Թրամփ

Մակրոնի զանգը հիշեցնում է 1921թ․ Կիլիկիայի դեպքերը, երբ Ֆրանսիան մեզ զոհաբերեց` հանուն Թուրքիայի հետ իր հարաբերությունները կարգավորելու

Ռուսաստանը ռիսկի է դիմում վերջնականապես զիջել տարածաշրջանը Թուրքիային և այլ արտաքին խաղացողների. Արտակ Զաքարյան

Կարող ենք չեղարկել Իրանի նկատմամբ պատժամիջոցները, եթե Թեհրանը գնա խաղաղ ճանապարհով. Թրամփ

Խնդրում եմ չբողոքել

Իրանի պատասխանը հարվածը Բաքվի նավթի՞ն կլինի

Թեհրանն ապացույցներ ունի, որ Ադրբեջանը ներգրավված է եղել Իրանի վրա Իսրայելի հարձակումներին

Իրանը կփորձի ՄԱԿ-ի միջոցով փոխհատուցում պահանջել ԱՄՆ-ից և Իսրայելից. Արաղչի

Թրամփը ցանկանում է նոր պատժամիջոցներ կիրառել Ռուսաստանի նկատմամբ. Ամերիկացի սենատոր

Հունիսի 30-ից հուլիսի 4-ը երեկոյան կմատուցվի Սուրբ և Անմահ Պատարագ․ Մայր Աթոռ

Ադրբեջանում Պուտինին անվանել են «շովինիստ». Բաքվում հակառուսական հիստերիա է