ԱՄՆ-ն պատերազմ է սկսել Իրանի դեմ՝ հարվածելով իսլամական հանրապետության միջուկային օբյեկտներին, հայտարարել է Իրանի արտաքին գործերի նախարարությունը։

«Աշխարհը չպետք է մոռանա, որ հենց ԱՄՆ-ն էր, որ դիվանագիտական գործընթացի ընթացքում, դավաճանելով դիվանագիտությանը, աջակցեց Իսրայելի ագրեսիվ և նենգամիտ գործողություններին, իսկ այժմ, ավարտին հասցնելով օրենքի խախտումը և լրացնելով սիոնիստական ռեժիմի հանցագործությունները, վտանգավոր պատերազմ է սկսել Իրանի դեմ», - ասվում է հայտարարության մեջ։

Իրանի ԱԳՆ-ն նշել է, որ ԱՄՆ-ն դրանով իսկ ապացուցել է, որ չի պահպանում որևէ կանոն։