Փաստաբան Արսեն Բաբայանի գրառումը․ «Արդեն տևական ժամանակ է, ինչ իշխանականները շրջանառության մեջ են դրել «մարող շարժում» եզրույթը ավելի շատ իրենց փարատելու համար՝ մինչդեռ լավ չեն ընկալել Սրբազան շարժման բուն էությունը։

Մենք՝ հայերս մեր սուրբ Առաքելական եկեղեցու հավատացյալներն ու ջատագովներն ենք և ամեն առիթով եկեղեցի ենք գնում մեր թե՛ ուրախության, թե՛ հոգսերի պատճառով, սակայն այսօրվա հոգսը համահայկական է ու եկեղեցու սպասավորներն են իջել ժողովրդի մեջ ու սովորեցնում են ճշմարտության ու առաքինության միջոցով մեր հայրենիքը փրկել կործանումից։

Սրբազան շարժումը ոչ թե նորովի մի բան է՝ այլ դարեր շարունակ ազգապահպանման ու միասնության միակ հենարանը։ Շարժումը չի կարող մարել, քանի կա ու կլինի մեր հայ Առաքելական եկեղեցին»:

 Արսեն Բաբայան

Ժորա Ավետիսյանին անհայտ անձիք ոստիկան ներկայանալով բերման են ենթարկել՝ տանելով անհայտ ուղղությամբ:

Այս մասին իր ֆեյսբուքյան էջում տեղեկացրել էր ՀՀԿ երիտասարդական կազմակերպության նախագահ Հենրիխ Դանիելյանը:

168.am-ին ՆԳՆ ոստիկանության լրատվական ծառայությունից տեղեկացրեցին, որ Ժորա Ավետիսյանը քննիչի որոշման հիման վրա ձերբակալվել և ներկայացվում է Քննչական կոմիտե:

Այսօր՝ հունիսի 4-ին, արտակարգ և ցավալի դեպք է արձանագրվել Վայոց ձորի Արատես գյուղում: Քաղաքացին վայրի բույսեր հավաքելիս հանդիպել է գորշ արջի, որը վնասել է նրան։ Դեպքի վայր ժամանել և քաղաքացուն օգնություն են ցուցաբերել Վայրի բնության և մշակութային արժեքների պահպանման հիմնադրամի (FPWC) ռենջերները, որոնք նաև դեպքի վայր են ուղղորդել ՀՀ ՆԳՆ աշխատակիցներին։

Ըստ նախնական տվյալների՝ արջի հետ հանդիպած 38-ամյա քաղաքացին Արատես գյուղի բնակիչ է, զբաղվում է բոխու հավաքչությամբ և հաճախակի գնում է դաշտ։ Այսօր նույնպես գնացել է հանդամաս՝ բոխի հավաքելու, սակայն բարձրանալով սարի գոգավորությունը՝ մոտ 20-30 մետր հեռավորության վրա նկատել է արջի, բարձր ձայներ է արձակել, և կենդանին փախել է։ Ցավոք, քաղաքացին չի նկատել, որ տարածքում ևս մեկ արջ է եղել, և արդեն 2-րդը վնասել է նրան։

Դեպքը տեղի է ունեցել Հերմոնի վարչական տարածքում։ Արատես գյուղի բնակիչը ստացել է տարբեր աստիճանի վնասվածքներ և այժմ բժշկական օգնություն է ստանում «Եղեգնաձոր» ԲԿ-ում։

Վայրի բնության և մշակութային արժեքների պահպանման հիմնադրամը ևս մեկ անգամ հորդորում է վայրի բնության հետ առնչվող յուրաքանչյուր քաղաքացու լինել շատ զգոն, ուշադիր, ինչպես նաև՝ իր հետ ունենալ պաշտպանիչ միջոցներ։

Հիշեցնենք, որ Վայրի բնության և մշակութային արժեքների պահպանման հիմնադրամը (FPWC) տարիներ շարունակ զբաղվում է մարդ-վայրի կենդանի կոնֆլիկտի ուսումնասիրմամբ Արարատի և Վայոց ձորի մարզերում՝ շեշտը դնելով կոնֆլիկտի մեղմանն ուղղված գործողությունների վրա: Այս համատեքստում Հիմնադրամը տարիներ շարունակ աջակցում է Վայոց ձորի համայնքներին՝ տրամադրելով էլեկտրական հովիվներ, պաշպանելու իրենց պտղատու այգիները, մեղվափեթակներն ու սեփականությունը, մասնակիորեն փոխհատուցելով հասցված վնասը, ստեղծելով այլընտրանքային աշխատատեղեր տեղաբնակների համար բնապահպանության ոլորտում, կրթելով թիրախային խմբերին և ներգրավելով նրանց բնապահպանական միջոցառումներին: Այժմ էլ մեկնարկել է նոր «Մեղմելով կլիմայի փոփոխությամբ պայմանավորված մարդ-վայրի կենդանի ահագնացող կոնֆլիկտը Հայաստանում» ծրագիրը, որի շրջանակում առաջիկա երեք տարիների ընթացքում FPWC մասնագետները կուսումնասիրեն կլիմայի փոփոխության ազդեցությունը խնդրի սրացման տեսանկյունից, թե ինչպես են ջերմաստիճանի կտրուկ տատանումներն ու հարաբերական տաք ձմեռներն ազդում կենդանիների քնից շուտ արթնանալու, կերի պակասի վրա, ինչպես նաև՝ այլ կապակցված խնդիրների վրա:

Ընդգծենք, որ որ գորշ արջն (Ursus arctos) ընդգրկված է ՀՀ կենդանիների Կարմիր գրքում և ԲՊՄՄ Կարմիր ցուցակում (ver. 3.1) «Least Concern» կարգավիճակով: ԲՊՄՄ Կարմիր ցուցակի չափորոշիչներով գնահատվում է որպես «Խոցելի»՝ VU B2ab (iii,iv): ԿԳ տվյալների համաձայն՝ շատ մեծ արեալ (Եվրասիա և Հյուսիսային Ամերիկա) ունեցող տեսակ է: Հանդիպում է Արարատի, Վայոց ձորի, Սյունիքի, Տավուշի, Լոռու, Կոտայքի և Գեղարքունիքի մարզերում:

Վայրի բնության և մշակութային արժեքների պահպանման հիմնադրամ

Կարելի է միացնել եկեղեցին դաշնակցությանը, անունն էլ դնել Հայ առաքելական դաշնակցություն կամ Հայ հեղափոխական եկեղեցի:

Ֆեյսբուքի էջում գրել է ԱԺ ՔՊ խմբակցության պատգամավոր Արսեն Թորոսյանը.

«Երեկ դաշնակցական պատգամավորները ԱԺ-ում բյուջեի կատարողականի քննարկումների ժամանակ իրենց կուրծքն էին պատառոտում` փորձելով պաշտպանել եկեղեցուն:

Իհարկե, ինքնին այդ տեսարանն արդեն կարելի էր հետաքրքիր համարել, քանի որ ՀՅԴ-ն ու Հայ առաքելական եկեղեցին ավանդաբար մրցակիցներ են եղել հատկապես սփյուռքում իրենց ազդեցությունը հաստատելու գործում և հիմա փաստացի իշխանատենչության պատճառով նրանց ջրերը սկսել են մեկ առվով հոսել:

Որոշ ժամանակ առաջ գրել էի, որ ժանրի կանոնները պահանջում են, որ Գալստանյանը երդվի մաուզերի վրա և դառնա երդվյալ դաշնակցական, բայց կարծես թե կենացները ավելի են քաղցրացել` կարելի է միանգամից երկու մեծ ժողով անել և միացնել Հայ առաքելական եկեղեցին Հայ հեղափողական դաշնակցությանը, անունն էլ դնել Հայ առաքելական դաշնակցություն կամ Հայ հեղափոխական եկեղեցի:

Ինչևէ մեկ այլ բանի էի ուզում անդրադառնել, երբ երեկ գործընկերներս ՀՅԴ պատգամավորների եկեղեցին պաշտպանելու փորձերին ի պատասխան, հայտարարեցին, որ եկեղեցին և անձամբ կաթողիկոսը քաղաքական շարժում են ղեկավարում, դաշնակցական պատգամավորները սկսեցին աղաղակել, թե նման բան չկա, և պետք է դա ապացուցել:

Իսկ որ դա հենց այդպես է, ոչ ոքի մոտ կասկած չի հարուցում: Գալստանյանն աջ ու ձախ պնդում է, որ նա բազմաթիվ քայլեր անելիս պետք է խորհրդակցի կաթողիկոսի և իր մյուս նախկին կամ ներկա (դա էլ ոչ ոք չի հասկանում) եկեղեցական գործընկներների հետ: Եկեղեցին հայտարարություններ է անում` ի պաշտպանություն այս «Սրբազան» կոչվող շարժման: Եկեղեցական տարբեր թեմեր Հայաստանից և արտեկրից աջակցության հայտարարություններ են անում Գալստանյանի գործողություններին:

Եթե եկեղեցին չառաջնորդեր այս շարժումը, մեկ օր էլ չէր անցնի դրա սկսվելուց, երբ Գալստանյանը կարգալույծ կհռչակվեր և կվռնդվեր եկեղեցու շարքերից: Բայց տեսնում ենք հակառակը:

Սա ոչ այլ ինչ է, քան եկեղեցու պայքար իր ինքնիշխանությանը ձգտող Հայաստանի Հանրապետության դեմ»:

Այսօր ԱԺ  արտաքին հարաբերությունների և ֆինանսավարկային և բյուջետային հանձնաժողովների համատեղ նիստում քննարկվեց 2023 թվականի բյուջեով արտաքին քաղաքականության ոլորտում տարեկան կատարողականի հաշվետվությունը, որը ներկայացնում և պատգամավորների հարցերին պատասխանում էր ԱԳ նախարար Արարատ Միրզոյանը։

ԱԳ նախարարին ուղղված հարցերը մեծ մասամբ վերաբերում էին սահմանազատման գործընթացին, Ադրբեջանից հնչող հայտարարություններին ու ՀՀ իշխանությունների կողմից դրանք անարձագանք թողնելուն, իշխանությունների վարած արտաքին քաղաքականության ձախողումներին և այլն։

Ընդդիմադիր պատգամավորները հարց բարձրացրեցին, թե ինչու ՀՀ արտգործնախարարությունը չի հակադարձում Ալիևի հայտարարություններին և պահանջին, որ հայկական կողմը Խոջալուի դեպքերը պետք է ընդունի՝ որպես ցեղասպանություն:  Ընդդիմության բարձրացրած հարցին անդրադարձավ ֆինանսավարկային և բյուջետային հանձնաժողովի նախագահ, «Քաղաքացիական պայմանագիր» խմբակցության պատգամավոր Ծովինար Վարդանյանը, ասելով, թե «այդ դիսկուրսի ընթացքում ակնհայտ է դառնում ՀՀ 30 տարվա դիվանագիտության ողջ թշվառությունը, ավելին՝ հիբրիդային պատերազմ վերանայելու համար Ալիևը կարիք չունի որևէ ճիգ գործադրելու, որովհետև Խոջալուի մասին խոսում են Ալիևը, Դաշնակցությունը, մեկ էլ ՀԱԿ-ը։ Ալիևի խոսափողն այստեղ հանդես է գալիս Դաշնակցությունը, ՀԱԿ-ը»։

Իշխանական պատգամավոր Ծովինար Վարդանյանի հնչեցրած գնահատականը շարունակեց Արարատ Միրզոյանը.

«Տիկին Վարդանյան, ես մի մասով ուզում եմ կիսել դիտարկումը, երբեմն անկախ քեզանից նկատում ես, թե ինչ մեծ սինխրոնությամբ են այս կամ այն հարցի շուրջ դիրքորոշում ձևավորում, արտահայտում կամ գործողություն անում Ադրբեջանի ղեկավարությունը և որոշ քաղաքական շրջանակներ ու նրանց հետ աֆիլացված մեդիա շրջանակներ Հայաստանում և որոշ շրջանակներ, օրինակ, Ռուսաստանում։ Իսկ կոճակը սեղմելիս, կարելի է լաբորատոր փարձարկում անել, տեսնել, թե քանի վայրկյան հետո որտեղից նույն դիրքորոշումը սկսեց հնչել»։

168.am-ի հետ զրույցում Հայ Ազգային Կոնգրես՝ ՀԱԿ կուսակցության փոխնախագահ Լևոն Զուրաբյանը կարճ հակադարձեց Արարատ Միրզոյանի հայտարարությանը։

«Միայն մտավոր հետամնացություն ունեցող մարդիկ կարող են նույնականացնել Ադրբեջանի պահանջը Հայաստանին՝ ճանաչել Խոջալուի «ցեղասպանությունը» և դրա համար ներողություն խնդրել։ Եվ մեր հայտարարությունն այն մասին է, որ Ադրբեջանի առաջին նախագահն ինքն է հերքել նման վարկածը»,- նշեց Լևոն Զուրաբյանը։

Հիշեցնենք, որ ՀԱԿ-ը տարածել էր հայտարարություն՝ Ալիևի՝ Խոջալուի դեպքերի վերաբերյալ արած հայտարարության առնչությամբ, ընդգծելով, որ ՀՀ իշխանությունների լռությունը լրջագույն կասկածներ է հարուցում, երբ Խոջալուի դեպքերում հայկական կողմի պատասխանատվությունը հերքող արժանահավատ ապացույցներ կան։

Իսկ  Ալիևի հայտարարությանը պաշտոնական Երևանից որևէ արձագանք  կամ հակադարձում մինչև այս պահը չի եղել։

ՀՀԿ ԵԿ անդամ Ժորա Ավետիսյանին անհայտ անձինք ոստիկան ներկայանալով բերման են ենթարկել՝ տանելով անհայտ ուղղությամբ:

Այս մասին ֆեյսբուքյան իր էջում գրել է ՀՀԿ ԵԿ նախագահ Հենրիխ Դանիելյանը։

Հովհաննես Ազոյանն ո՞վ ա, վայ, լավ էլի, նման անուններ մի տվեք. Սրբազանը՝ լրագրողին. Տեսանյութ

Սուրբ Աննա եկեղեցու բակից Բագրատ Սրբազանը հայտարարեց, որ վաղը կմեկնեն Վարդենիս։ «Սոթքում ժամը 6-ին հանրահավաք ունենք։ Ուզում եմ Սոթքում լինի, որովհետև սահմանի ակնառու վայրն այդտեղ է»,-ասաց նա։

Սրբազանը նշեց, որ առաջիկայում կլինեն նաև Սյունիքում, սակայն չհստակեցրեց, թե դա երբ կլինի։

«Սյունիք գնալու խնդիրը դեռ պետք է ժամանակային առումով լուծենք, քանի որ այստեղ՝ Երևանում, շատ կարևոր գործառույթ ունեմ անելու, շատ-շատ կարևոր է դա, այս ամբողջ ընթացքի մեջ երևի թե ամենակարևորներից մեկն է»,-ասաց նա։

Ի դեպ, հայտարարեցին, որ կողմնակիցներից մեկին երթի ընթացքում ոստիկանները «գողացել են»։

«Ում մի քիչ հեռացած տեսնում են՝ տանում են»,-ասաց երթի մասնակիցներից մեկը։

Սատանաների անուն մի տվե՛ք․

Սրբազանը՝ դերասանների ստատուսների մասին

Մանրամասները՝ տեսանյութում

Եթե հասցնենք, կգնանք նաեւ Սյունիք, եթե ոչ, կբավարարվենք միայն Տիգրանեշեն այցելությամբ: Այս մասին այսօր՝ հունիիսի 4-ին, ՄԻՊ-ի դիմաց լրագրողների հետ զրույցում նշեց Բագրատ Սրբազանը՝ նշելով, որ ուրբաթ առավոտյան կամ ցերեկը կարեւոր միջոցառում ունեն:

Նա խոսեց նաեւ առաջին նախագահ Լեւոն Տեր-Պետրոսյանի եւ ՀԱԿ-ի մասին. «Ես ՀԱԿ-ում շատ մտերիմներ ունեմ, հետները տարբեր առիթներով հանդիպել ենք: Ընկերներ ունեմ նաեւ կապված առաջին նախագահի ընտանիքի հետ: Այդ շրջանակի հետ ծանոթ եմ, մտերիմ եմ: Անկեղծորեն ասած, շատ ջերմ հարաբերություններ են: Միգուցե գաղափարական 1-2 բաներ կան, տարբեր են: Իրենք այս ընթացքում ինձ բավականին խորհուրդներ են տվել, չեմ թաքցնում, սա անելու, նա անելու, այս շեշտադրումով խոսելու, որին ես հետեւել եմ: Լսել եմ, քննարկել ենք, թե ներքին, թե արտաքին մարտահրավերների վերաբերյալ: մարդիկ եկել, իրենց անկեղծ պատկերացումները տվել են: Որոշները ընդունել ենք, որոշները՝ ոչ»:

Հարցին՝ առաջին նախագահի հետ հանդիպում եղե՞լ է, Սրբազանը պատասխանեց. «Այս շարժումից առաջ հանդիպել եմ առաջին նախագահի հետ, բավականին քննարկել ենք իրավիճակի մասին: Երեւի մի 15 օր առաջ: Միշտ սիրով կհանդիպեմ բոլորի հետ, խնդիր չկա, բայց հիմա կարծում եմ՝ այս փուլում չենք»: