Հայաստանի ինքնիշխանությունը թուրքի ոտի տակ տրյապկա սարքածը իրավունք ունի խոսել մեր շահի՞ց. Շարմազանով. Տեսանյութ
Սիրելիներ, գործ ունենք անելու։ Ինչպես գիտեք, Հունիսի 9-ին, ժամը 18։30-ին Հանրապետության հրապարակում տեղի կունենա «Սրբազան Շարժման» մեծ հանրահավաքը։
Այն չափազանց մեծ նշանակություն ունի մեր հաղթանակի համար։ Այդ օրը Բագրատ Սրբազանը հանդես է կարևոր՝ իրավիճակ փոխող ելույթով։
Դրա համար անհրաժեշտ է, որպեսզի բոլորս միասին սկսեն հանրահավաքի իրազեկման ակցիան։
Խնդրում ենք տարածել այս պաստառները սոցիալական ցանցերի ձեր էջերում՝ հորդորելով մարդկանց Հունիսի 9-ին գալ Հանրապետության հրապարակ։
Այդ օրը հրապարակում մեզ 100.000 մարդ է պետք։ Նվազագույնը։
Ուրեմն՝ ի գործ։
Հայ, Հայաստան, Հայրենիք ու Աստված
Փաստաբան Ռոման Երիցյանը ֆեյսբուքյան իր էջում գրել է.
«Վարչական իրավախախտման վերաբերյալ արձանագրությունը չստորագրելու և իբրև թե 5 հազար ՀՀ դրամ տուգանքի պատճառով հետախուզման մեջ գտնվող տրանսպորտային միջոցը իրենց հանձնելու «օրինական պահանջները» չկատարելու պատճառով պարեկային ծառայողները, առանց որևէ դիմադրության առնչվելուը սկզբում 2 հոգով արցունքաբեր գազի բալոնը դատարկում են արցախցու դեմքին, այնուհետև տեսողությունը կորցրած և դեմքի ամբողջ հատվածը վառված անձին տեսախցիկների առջև դաժանաբար ենթարկում ծեծի:
Մանրամասները՝ տեսանյութում։
Փաշինյանն ընտրել է բռնաճնշումների ուղղությունը, դա միակ գործիքն է մնացել: Քունը կորցրել ա, չգիտի՝ հեծանիվի վրա նստի, դնի գլխին, ի՞նչ անի, այլևս չի հասկանում՝ ո՞նց կարա վերականգնի երբեմնի ստի շղարշը, որով պատել էր ամբողջ Հանրապետությունը։
Այս մասին դատարանի բակում, լրագրողների հետ զրույցում, ասել է ընդդիմադիր խմբակցության պատգամավոր Աննա Մկրտչյանը:
Սիրելիներ, այսօր ժամը 14։00-ին շարժվելու ենք դեպի Վարդենիս, որտեղ Սոթք համայնքում ժամը 18։00-ին հանրահավաք տեղի կունենա։
Մարզային այցերը շատ կարևոր են մեզ համար։ Այս պայքարը միայն Տավուշի համար չէ։ Այն ողջ Հայաստանի համար է։ Եվ հարկ է, որպեսզի Հայրենիքի յուրաքանչյուր անկյունում ապրող մարդիկ լիարժեք ներգրավված լինեն Հոգևոր Հայաստանի հաղթանակի գործին։
Սիրելի վարդենիսցիներ, կհանդիպենք այսօր երեկոյան։ Միասին գործ ունենք անելու։
Հայ, Հայաստան, Հայրենիք ու Աստված
«Սրբազան պայքար» տելեգրամյան ալիք
Rate.am-ում հունիսի 5-ի ներկայացված տարադրամի փոխարժեքներն են.
ԱՄՆ դոլարի առքի միջին արժեք է սահմանվել 384.91 դրամը, վաճառքի միջին արժեք 391.13 դրամը:
Եվրոյի առքի միջին արժեք է սահմանվել 414 մդրամը, վաճառքի միջին արժեք՝ 427,55 դրամը:
Ռուսական ռուբլու առքի միջին արժեք է սահմանվել 4.24 դրամը, վաճառքի միջին արժեք՝ 4.46 դրամը:
ՀՀ ԱԺ պատգամավոր Տիգրան Աբրահամյանը գրում է․ «Երբ խորհրդարանում կամ դրանից դուրս քպ-ականները գլուխ են գովում, որ իրենք դիվանագիտությունը մեծ բարձունքների են հասցրել, ասեմ, որ դա միայն նրանց մի մասն է ինքնապաշտպանական նպատակներով արտահայտում:
Նրանցից շատերի համար Արցախի հանձնումը, ՀՀ տարածքների նկատմամբ ադրբեջանական վերահսկողությունը, Հայաստանի ինքնիշխանության հանձնումն ու թուրք-ադրբեջանական օրակարգի մաս կազմելը կյանքի նպատակ է եղել և հիմա նրանք անշեղորեն կատարում են ու դա համարում են իրենց անձնական հաղթանակը:
Իհարկե նրանց մեջ կան դեմքեր, ովքեր գիտակցում են, թե ինչի մեջ են թաթախված ու ինչպես է իրենց պատասխանատվությունն կայուն աճում, սակայն կա´մ վախենում են դուրս գալ թեմայից կա´մ համարում են, որ դա այլևս բան չի փոխի:
Բարդ ժամանակներ են, սակայն հաղթահարելու հնարավորություն միշտ կա»:
ՀՀԿ-ական գործիչ Արտակ Զաքարյանի ֆեյսբուքյան գրառումը․ «ԱՄՆ կառավարության աջակցությամբ, վերջին տարներին ոստիկանությունում իրականացվել են մի շարք «բարեփոխումներ»:
Չգիտեմ, թե բերետավոր ոստիկանների ստորաբաժանումներում հատկապես ինչն է բարեփոխվել:
Սակայն, համակարգային «բարեփոխումներն» ակնհայտ են, հատկապես ընդդիմադիր հայացքներ ունեցող քաղաքացիների խաղաղ անհնազանդության ակցիաների և այլ հանրային միջոցառումների ժամանակ՝ նրանց նկատմամբ բիրտ ուժ կիրառելով, հայհոյելով, հրմշտոցներով, անհիմն ձերբակալություններով, խոշտանգումներով, ոստիկան ներկայանալով՝ անհայտ ուղղությամբ քաղաքացիներին տանելով, պատգամավոր ծեծելով և այլն
Որպես ՀՀ քաղաքացի, ես գնահատում եմ ԱՄՆ կառավարության ջանքերը՝ իմ երկրի ոստիկանության բարեփոխումներին աջակցություն ցուցաբերելու համար:
Միաժամանակ նաև ցանկանում եմ հետևյալ հարցն ուղղել. արդյոք ձեր աջակցությամբ «բարեփոխվող» ոստիկանությունը, հավասարապես պե՞տք է ծառայի նաև ընդդիմադիր հայացքներով քաղաքացիների իրավունքների պահպանմանը, թե ընդդիմադիրների պարագայում նրանք վերածվում են սովետական միլիցիայի (ի դեպ՝ սովետական միլիցիան քաղաքական հայացքների կամ ակցիաների համար, այլախոհ մարդկանց գոնե փողոցում չէր ծեծում կամ քաշքշում):
Առայսօր, միջազգային որևէ կազմակերպություն կամ ՀՀ-ում իր առաքելությունն իրականացնող որևէ դեսպանություն, ձայն անգամ չի հանել ոստիկանական դեմոկրատիայի վերածված Հայաստանում տեղի ունեցող իրավախախտումների վերաբերյալ:
Այնպես, ինչպես շատ հետևողականորեն արվում էր նախորդ իշխանությունների օրոք:
Ես դա հասկանում եմ, որովհետև այս իշխանությունները հավատարիմ մարիոնետի պես ծառայում են նաև օտարերկրյա շահերին:
Բայց մեր շատ ու շատ քաղաքացիների համար այդ լռությունը դիտվում է` որպես անընդունելի թողտվություն:
Այսպես շարունակվելու դեպքում, մարդիկ կարող են պնդել, որ հավաքական Արևմուտքի կողմից քաջալերվող դեմոկրատիան, աստիճանաբար վերածվում է կեղծ կատեգորիայի»:
Քաղաքական մեկնաբան Դերենիկ Մալխասյանի ֆեյսբուքյան գրառումը․ «Ապագան եկել է Տավուշ:
Բերեցին ադրբեջանցիներին տեղավորեցին, բայց դրանց կողմից օկուպացված ոչ մի թիզ հող չկարողացան սահմանազատում կոչվածով հետ բերել:
Սա կոչվում է Ալիևի պահանջների 100 տոկոսանոց բավարարում»:
ՀՀԿ խոսնակ Էդուարդ Շարմազանովը գրում է․
«Փաշինյանի ամենամեծ մեղքն Արցախի հանձնումն ու հազարավոր նահատակներն են. սերունդներն ու պատմությունը նման մեղքերը չեն ներում։
Ի՞նչ ստացավ ու ի՞նչ կթողնի Նիկոլն իրենից հետո։
Դեռեւս 2020-ի հոկտեմբերի 14-ին հրապարակավ ասել եմ՝ Հանրապետականն ապագա կապիտուլյանտին ժառանգել է Ազատ ու Անկախ Արցախ,մարտունակ բանակ ,Վիեննայի եւ Սանկտ Պետերբուրգի հայանպաստ օրակարգ,որը նա մսխել է։
Ավելին,դրա մասին ուղիղ ասել եմ նաև կապիտուլյանտի հետ հանդիպման ընթացքում՝2020-ի հոկտեմբերի 19-ին։
Իսկ ի՞նչ ենք իրականում մենք իրեն ժառանգել։
2008-2018թթ. Հայաստանը նախ եւ առաջ բանակցել է կարգավիճակի հարցը։
ԵԱՀԿ Մինսկի խմբի համանախագահ երկրների՝ Ռուսաստանի,ԱՄՆ-ի եւ Ֆրանսիայի նախագահները 2009-2013 թթ. արել են 5 հայտարարություն,որոնց համաձայն Արցախի ժողովուրդն ունի պարտադիր կամարտահայտության իրավունք,առանց սահմանափակման։
2016-ի Ապրիլյան պատերազմից հետո Ադրբեջանը ստիպված ստորագրել է Վիեննայի ու Սանկտ Պետերբուրգի հայանպաստ հայտարարությունները։
2016-ի հոկտեմբերին Ալիեւը հայտարարում է,թե «իր վրա ճնշում են գործադրում,որ ճանաչի Արցախի անկախությունը»։
ԵԱՀԿ Մինսկի խմբի համանախագահ Պոպովը հայտարարել է 2020-ի պատերազմից հետո,քաղաքական ապտակ հասցնելով կապիտուլյանտին,որ Սերժ Սարգսյանի բանակցած փաթեթի համաձայն Արցախը ստանալու էր սկզբում միջանկյալ,այնուհետեւ վերջնական կարգավիճակ՝առանց որեւէ սահմանափակման։
Քարվաճառն ու Լաչինը մնում էին մեր վերահսկողության տակ մինչեւ Արցախի վերջնական կարգավիճակի տրամադրումը։
Այդ ամենն արվում էր առանց որեւէ պատերազմի և զոհի։
Հիմա ասեք ինձ,սրանից ավելի հայանպաստ հարցի լուծում եղե՞լ է։
Իհարկե ՝ոչ։
Իսկ ի՞նչ արեց այս կապիտուլյանտ փորձանքը։
Հրաժարվեց հայանպաստ ժառանգությունից,Ալիևին «կառուցողական» համարեց,բանակցությունը սկսեց իր զրոյական կետից,ի՞նչ ուզեց՝ դա էլ բանակցեց,Արցախը Հայաստան է եւ վերջ սադրիչ հայտարարությամբ մեզ ներքաշեց պատերազմի մեջ,5.000 նահատակի պատճառ դարձավ,պատերազմի սկզբում հրաժարվեց ռուսական խաղաղապահներից,հոկտեմբերի 19-20-ին մերժեց Պուտինի պատերազմը դադարեցնելու առաջարկը,հանձնեց Արցախը։
2021-ի հունվվարի 11-ին Մոսկվայում հերթական անգամ «ծնկի եկավ» Ալիևի առաջ՝ ստորագրելով մի թղթի տակ,որտեղ գերիների մասին խոսք չկար։
2022-ի հոկտեմբերի 6-ին դավաճանաբար ճանաչեց Արցախն Ադդբեջանի մաս։
Այն Արցախը,որի մասին Նիկոլը 2018-ի մայիսի 9-ին ասում էր. Իսկ ո՞վ է ասում,որ Արցախը գերտերություն չէ»։
Այդ հայտարարությամբ նա հրապարակավ ընդունել է,որ Սերժ Սարգսյանն իրեն թողել է գերտերություն Արցախ։
2023-ի սեպտեմբերին դիտորդի դեր ստանձնեց ու հանցավոր անգործություն ցուցաբերեց Արցախի հայաթափման ժամանակ՝ հերքելով էթնիկ զտումների փաստը,որը ՄԱԿ -ում իր ԱԳՆ ղեկավարին
երեսով տվեց Ալիեւի ԱԳՆ ղեկավարը։
Հետո հերթը հասավ Տավուշի տարածքները հանձնելուն,Հայոց պահանջատիրությունից հրաժավելուն ու Հայ Եկեղեցու վրա հարձակումներին։
Սա է Նիկոլի «աննախադեպ » կառավարման արդյունքը։
Կա կարծիք,որ նիկոլիզմի պաշտպան լինելու համար կամ մոլորյալ պետք է լինել,կամ ՝պետության թշնամի,կամ էլ ՝երկուսը միասին»։
Ֆոտո
